Topics
Sawal : mere shohar bohat be hiss
hain. Gayarah saal ke arsay mein do teen baar aeye hain magar aisay jaisay koi
ghair ho. Nah bachon se dilchaspi aur nah mujh se baat cheet. Siwaye larai
jhagrre ke aur jany ke liye aisay be chain ho jatay hain jaisay ghar baar yahan
nahi wahan ghair mulk mein hai. Agar kuch dinon ke liye yahan rehtay bhi hain
to sochon mein mashgool, nah bachon se baat karna, nah hi ghar mein kisi
zaroorat ka khayaal rakhna aur ab ke chaar saal baad aeye they. Magar barri
mushkil se do haftay rahay aur aik din pehlay airport chalay gaye.
Aur wahan karaye ka kamrah le kar rahay magar raat ghar par nahi guzari. Woh jab
bhi atay hain isi terhan peecha churatye hain jaisay hum koi cheez nahi hain. Afsos
is cheez ka hai ke duniya mein mera koi nahi. Pandrah saal ki Umar mein is
shakhs se shadi hui thi. Is waqt un ki Umar chalees saal ho gi. Gayarah baara
saal se mein aath bachon ki dekh bhaal khud kar rahi hon aur mere shohar bilkul
be talluq ho gaye hain.
Mein ne kaha mujh se akelay itna kaam nahi hota, nah hi mein ab logon ki
baatein sun sakti hon. Is ka Jawab yeh diya ke koi nokari kar le ya kisi se nikah
kar le. Mein kisi ko rakh lon ga, ghar ki fikar nah kar, sab kuch ho jaye ga. Is
din se meri sahet har waqt kharab rehti hai aur dil udaas rehta hai. Aap kkhuda
ke liye koi aisi cheez deen ke is shakhs ke dil mein mohabbat aur hamdardi peda
ho. Woh bohat kachay kaanon ke maalik hain jo bhi sikhayiye isi ki sun letay
hain aur waisay hi karte hain. Har aik ke samnay sachey ban jatay hain aur
mujhe bura bana dete hain. Jis ki wajah hai ke mein kuch bhi nahi kar sakti. Yateem
be sahara jo hui. Agar koi sahara hota to shayad woh aisa nah karte. Khud bhi
qader karte aur ouron se bhi karate. Mein jis ke sath achhai se paish aati hon,
wohi mera dushman ban jata hai. Wajah samajh mein nahi aati. Ghar mein bhi aeye
din kuch nah kuch vardatin hoti rehti hain. Nah ghar mein dil lagta hai aur nah
hi kisi aur jagah.
Jawab : aadhi raat guzarnay ke
baad wuzu kar ke musaley par baith jayen. So martaba duroood shareef aur so
martaba ya hi ya qayum ka vird kar ke musaley par hi chit late jayen. Ankhen band kar ke yeh
tasawwur karen ke gilaay se naaf taq aap ke oopar sheeshay ka aik jaar rakha hua
hai. Is jaar mein roshniyan bhari hui hain. Jab roshniyan samnay aa jayen, yeh
dekhen ke aap ke shohar is jaar ke andar mojood hain jaisay sheeshay ke kisi
barray bartan mein machhli nazar aati hai. Teen chaar hafton ke is amal se aap
ke shohar ka mizaaj aap se hum aahang ho jaye ga.
