Topics
Sawal : meri shadi ko 8 saal ho
gay hain magar abhi taq aulaad nahi hui. Jahan meri shadi hui hai. Is ghar mein
bhi koi bacha nahi hai. Har terhan ka doctori ilaaj kara chuki hon. Bohat hi
mayoos ho kar aap ki khidmat mein haazir hui hon, koi wazifa bitayen ke Allah
taala meri goad hari kar day. Aik din mein doctorni ke paas dawai lainay gayi
to aik aurat wahan baithi hui thi, kehnay lagi : ab aap ke ghar bachay kahan
hunge. Aath saal guzar chuke hain.
Jawab : raat ko baad az namaz
esha awwal aakhir gayarah gayarah martaba duroood shareef ke sath 313 martaba”ya
awwal”parh kar pani par dam kar ke pi liya karen. Band ghobi salad ya tarkari
ke tor par istemaal karen. Jamni shu-aon ke tail ki reerh ki haddi ke oopar 20
minute maalish karen. Post reethey pees kar is ki 8
golian bana len aur jab ayyaam se farigh hon to har roz aik goli subah nehar
mun pani ke sath istemaal karen. Is douran parhaiz karen aur aathween din apne
khawand se mulaqaat karen. Insha Allah hamal ho jaye ga.
