Topics
Sawal : baara saal peshtar mein ne
aik bewa aurat se shadi ki thi. Hum dono mein bohat mohabbat thi kuch arsa se
mein yeh dekh raha hon ke woh meri zaat se bezari mehsoos kar rahi hai. Baat
baat par jhagarna is ka mamool ban gaya hai. Dil chahta hai usay Talaq day dun
lekin apni bachi ki khatir khud ko majaboor paata hon. Barah karam koi aisa
wazifa ya tareeqa bta dijiye ke hum dono mein pehlay jaisi mohabbat ho jaye.
Jawab : jis kamrah mein aap aur
aap ki begum soti hain is kamray mein siwaye palang aur aik maiz ke doosri koi
cheez nahi honi chahiye. Dosra samaan ho to sab hata dijiye. Bazaar se aik
guldaan kharidiye aur sath plastic ki bani hui t_hnyan. Yeh t_hnyan guldaan
mein daal kar maiz ke oopar rakh dijiye. Rozana ghulaab ka aik phool is guldaan
mein rakh lijiye. Har chobees ghantay ke baad ghulaab ka phool badalna bohat
zurori hai. Ghulaab ke phool ka rang halka gulaabii hona chahiye. Is ke sath
apna aur apni begum sahibaa ka photo barray size mein banava kar allag frame
krwalin aur is photo ko aisi jagah laga dijiye jahan palang par letey waqt baar
baar nazar padtee rahay. Insha Allah masla hal ho jaye ga. Allah taala Talaq ko
napasand karta hai.
