Spiritual Healing
سوال: ہمارے والدصاحب بہت زیادہ بدمزاج اور بد اخلاق ہو گئے ہیں۔ ہر وقت غصہ میں رہتے ہیں۔ ہم بھائیوں، بہنوں اور والدہ سے ہر وقت خفا رہتے ہیں۔ گالیاں دیتے اور مارتے ہیں۔ ہم کو شک ہے کہ والدصاحب پر کسی نے تعویذ کر دیئے ہیں اگر ایسا نہیں ہے تو ان کے مزاج کو صحیح کرنے کا آسان طریقہ بتلائیں۔
جواب: اپنی والدہ سے کہیں کہ صبح سورج نکلنے سے پہلے ایک گھونٹ پانی پر صرف ایک بار یا ودود پڑھ کر دم کر کے رکھ لیں۔
والدصاحب کے لئے جب کوئی مشروب یا چائے بنائیں تو دم کیا ہوا پانی اسی میں شامل کر کے پلائیں۔ عمل کی مدت40دن ہے۔
ممکن ہو تو والدصاحب کے کھانوں میں نمک کی مقدار کم اور میٹھے کی مقدار بڑھا دیں۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
