Spiritual Healing
سوال: میری عمر 21سال ہے۔ صحت کمزور اور جسم لاغر ہے حافظہ بھی کمزور ہے اور منتشر خیال ہوں۔ مجھے کچھ عرصے سے لیکوریا کی بیماری ہے جس کی وجہ سے میرا ماہانہ نظام بھی صحیح نہیں ہے۔ میں نے اس مرض کا ڈاکٹروں اور حکیموں سے بہت علاج کرایا اور دعا کی کہ اللہ مجھے فائدہ دے۔ لیکن عارضی طور پر فائدہ ہو جاتا ہے۔ آپ سے گزارش ہے کہ کوئی ایسا عمل بتائیں جس سے مجھے شفا حاصل ہو جائے۔ میں صحت مند ہو جاؤں اور خوبصورت نظر آؤں۔
جواب: آپ صبح نہار منہ ایک گلاس پانی پی لیا کریں۔ پانی پینے کے بعد کم از کم ایک گھنٹے بعد کوئی چیز نہ کھائیں۔ جب بھی پئیں ایک بار یا ودود پڑھ کر پانی پر پھونک ماریں پھر پانی پئیں انشاء اللہ ہفتوں میں آپ کی یہ شکایت ختم ہو جائے گی۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
