Spiritual Healing
جواب: آپ تمام خواتین و حضرات کے لئے بوسیلہ سیدنا حضور علیہ الصلوٰۃ والسلام، اللہ تعالیٰ کے حضور خضوع و خشوع سے دا کی گئی ہے اور دل کو قرار آ گیا۔ داعی ہوں، خداوند تعالیٰ آپ تمام کے جملہ مسائل حل فرما دے اور میری ٹوٹی پھوٹی دعائیں آپ کے کام آ سکیں۔
بعض معاملات ایسے ہوتے ہیں کہ ورد وظائف زیادہ پڑھنے سے نہیں بلکہ صدق دل کے ساتھ اللہ تعالیٰ کے حضور دعا مانگنے سے حل ہو جاتے ہیں۔ دعا چونکہ تمام عبادات کا مغز ہے۔ اس لئے آپ خود بھی اتنی عاجزی اور انکساری سے دعا کریں کہ طبیعت میں گداز پیدا ہو جائے اور دل کو قرار آ جائے۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
