Topics

مبارک النساء

اسلام علیکم ورحمتہ اللہ

          طرزِ فکر کیا ہے؟۔۔۔

          طرزِ فکر کیسے بنتی ہے؟۔۔

          کہا جاتا ہے کہ طرزِ فکر ماحول سے بنتی ہے۔۔۔

          جب بچہ دنیا میں آتا ہے اگر ماحول ایسا ہو جہاں والدین کی طرزِ فکر صحیح نہ ہو مثلاً ان کے گھر کا ماحول ٹھیک نہ ہو والدین گالی گلوچ کرتے ہوں، بچہ جہاں پیدا ہوگیا تو اس کی طرز ِ فکر تو وہی بنے گی جیسا کہ ماحول ہوگا لیکن اس میں بچے کا کیا قصور۔۔؟

          ازراہ کرم اس کی وضاحت فرما دیجیئے۔

      مبارک النساء 

 

          وعلیکم السلام ورحمتہ اللہ

          حضور پاک ﷺ کا ارشاد گرامی ہے

                   ہر بچہ دین فطرت پر پیدا ہوتا ہے، ماں باپ اسے اپنے ماحول کے مطابق

                   مسلمان یا غیر مسلم بنا دیتے ہیں۔

                                                                    (بخاری و مسلم)

          اللہ تعالیٰ نے ہر ذی شعور کو عقل اور اچھائی بُرائی کی فہم عطا کی ہے۔ اس کی مثال اس طرح بیان کی جا سکتی ہےکہ کچھ لوگ یہ کہتے ہیں کہ ہر نعمت اللہ کی دی ہوئی ہے۔ سب کے لئے ہے لیکن شعور دو رخی پالیسی پر جب یہ فیصلہ کرتا ہے کہ میرے گھر چوری کیوں ہوئی یا کسی نے میرے حقوق پورے نہیں کئے تو مفہوم یہ نکلتا ہے کہ ملکیت کا تصور آدمی کو پریشان کرتا ہے۔

          لیکن جب وہ کسی دوسرے کا حق غصب کرتا ہے اور سونے کے ڈھیر جمع کرتا ہے جبکہ اڑوس پڑوس میں کتنے ہی گھروں میں رات کو چولہا نہیں جلتا اس وقت اس کے ذہن میں یہ بات نہیں آتی کہ

                   اللہ تعالیٰ نے جو وسائل پیدا کئے ہیں اپنی تمام مخلوقات کے لئے پیدا کئے ہیں۔

          قرآن کریم میں ارشاد ہے

                   جو لوگ سونا، چاندی جمع کرتے ہیں اور اللہ کے راستے میں خرچ نہیں کرتے ان

                   کے لئے عذاب الیم کی بشارت ہے۔

                                                                             ( ۹ : ۳۴ )

          آپ کا سوال کہ بچی کا کیا قصور ہے؟۔۔۔

          بچہ کا کوئی قصور نہیں وہ چٹا کاغذ ہے۔۔۔ جس گھر اور ماحول میں وہ پیدا ہوتا ہے اسی ماحول کی چھاپ اس کے ذہن پر نقش ہو جاتی ہے یعنی بد اخلاق ماحول کی چھاپ بچہ کی ذہنی اسکرین پر نقش ہو جاتی ہے اور اچھے اخلاق کی چھاپ بھی نقش ہو جاتی ہے۔بچہ جب پیدا ہوتا ہے تو اس کا ذہن کورا کاغذ ہوتا ہے۔ اسی بات کو رسول اللہ ﷺ نے اسی طرح بیان فرمایا ہے۔

                   ہر بچہ دین فطرت پر پیدا ہوتا ہے، ماں باپ اسے مسلم یا غیر مسلم بنا دیتے ہیں۔

          بچہ کا کوئی قصور نہیں لیکن جزا و سزا ماحول کی چھاپ ہے۔ بچہ کا کوئی قصور نہیں زمہ دار ماحول اور والدین ہیں لیکن جب بچہ بلوغت کو پہنچتا ہے تو قدرت اسے اچھائی اور بُرائی کا تصور عطا فرماتی ہے اور اس کا ذریعہ ضمیر ہے۔

          اس کا مطلب یہ ہوا کہ والدین اس اعتبار سے قصوروار ہیں کہ انہوں نے بچوں کی اچھی تربیت نہیں کی اور بالغ باشعور بچہ اس لئے قصور وار ہے کہ  اس نے ضمیر کی رہنمائی کو قبول نہیں کیا جبکہ وہ دوسرے معاملات میں نفع و نقصان دونوں کو سمجھتا ہے اور کوشش کرتا ہے کہ مجھے نقصان نہ ہو۔

                                                                                      دعاگو

                                                                                      عظیمی

                                                                                      فروری ۲۰۱۵ ء

                                                                                      ماہنامہ قلندر شعور ، کراچی 

Topics


Fakir Ki Daak

KHWAJA SHAMS-UD-DEEN AZEEMI

۲۰۰۸ کے محتا ط اعداد و شما ر کے مطابق مرکزی مراقبہ ہا ل میں مسا ئل کے حل کے لئے موصول ہو نے والے خطوط کی تعداد کم و بیش نو ہزا ر خطوط ما ہا نہ تھی ۔ تادم تحر یر آج بھی عظیمی صاحب انتہا ئی مصروفیا ت کے با وجود اپنی ڈا ک خود دیکھتے ہیں ۔ بعض اوقات با وجود کو شش کے خط کے جوا ب میں تا خیر ہو جا تی ہے لیکن ایسا کبھی نہیں ہوا کہ آپ  نے کسی خط کو جواب  دیئے بغیر تلف کردیا ہو۔عظیمی صاحب کے بیشتر مکتوبا ت رسمی تمہیدی اور مروجہ اختتا می کلما ت سے عاری ہیں ۔ آ پ خط میں فوری طور پر ہی اس مقصد ، موضو ع اور مسئلہ کے بیا ن پر آجا تے ہیں جو خط لکھنے کا محر ک بنا تھا ۔