Topics

اظہر محمود (کراچی)

السلام علیکم ورحمتہ اللہ

          ” میں “ کو ختم کرنے کے لئے ہمیں کیا کرنا چاہیئے۔۔۔نفس کا عرفان کیسے حاصل کریں؟۔۔

       اظہر محمود (کراچی) 

         

وعلیکم السلام ورحمتہ اللہ

          ارشاد گرامی ہے جس نے خود کو پہچانا اس نے رب کو پہچان لیا۔

                             مَن عرف نفسہ فقد عرفَ رَبہُ

          نفس کیا ہے۔۔۔ اللہ تعالیٰ کا ارشاد ہے کہ ہر نفس کو موت کا ذائقہ چکھنا ہے۔

موت کیا ہے۔۔۔ یہ سمجھنے کے لئے ہمیں اپنی ذات پر غور کرنا ہوگا۔۔مرنا۔۔امر سے ماخوذ ہے۔ انتقال کا مطلب ایک عالم سے دوسرے عالم میں منتقل ہونا۔۔ مرنا امر ہونے کے مترادف ہے۔

          عزیز دوست خلاصہ تحریر یہ ہے کہ تغیر، تبدیلی ظاہر کاغیب میں چھپنا اور غیب کا ظاہر ہونا یہ سب تغیر ہے۔ تبدیلی ہے۔شعوری اعتبار سے فکشن ہے۔

          خود میں تفکر کرنے سے یہ حقیقت سامنے آتی ہے کہ بچہ ظاہر ہونے سے پہلے کہاں تھا نہیں معلوم۔ ظاہر ہونے کے لئے ابتدا کا علم ہے لیکن یہ معلوم دائرہ کار میں نہیں آتا۔ نو مہینہ کے بعد ایک خوبصورت گول مٹول، روشن آنکھیں ، معصوم چہرہ نمودار ہوتا ہے۔ ہر طرف خوشی کی لہر دوڑ جاتی ہے۔ اپنے پرائے، پڑوسی، دوست احباب سب خوش ہو تے ہیں۔ خوشی اس بات کی علامت ہے کہ شعور نے ایک جیتی جاگتی تصویر کو قبول کر لیا ہے لیکن پانچ سال گزرنے کے بعد جبکہ کافی حدد تک نقش و نگار تبدیل ہو جاتے ہیں۔

          ہم بچہ کو تو پہچانتے ہیں لیکن اس کے ماہ و سال کہاں گئے اس کے بارے میں لاعلم ہیں۔

                                                جو جا کے نہ آئی وہ جوانی دیکھی

                                                جو آکے نہ جائے وہ بڑھاپا دیکھا

          سوال یہ ہے کہ دنیا میں آنے سے پہلے ہم کہاں تھے۔۔لڑکپن ، جوانی، بڑھاپا کہاں چھپ گیا؟ ۔۔۔ جب آپ اس بات پر غور کریں گےآپ کو سوال کا جواب معلوم ہو جائے گا۔

          ”میں“ دبیز سیاہ پردہ ہے۔ نفس اس پردہ کا رہنما ہے۔۔۔ جس نے نفس کو پہچان لیا اس نے حقیقت کو پا لیا۔ نفس کیا ہے۔۔۔۔ یہ ایک علم ہے جس کے لئے استاد کی ضرورت ہے۔

                                                                                      دعاگو

                                                                                      عظیمی

                                                                                      ستمبر  ۲۰۱۴  ء

                                                                                      ماہنامہ قلندر شعور، کراچی

Topics

Fakir Ki Daak View

Fakir Ki Daak

KHWAJA SHAMS-UD-DEEN AZEEMI

۲۰۰۸ کے محتا ط اعداد و شما ر کے مطابق مرکزی مراقبہ ہا ل میں مسا ئل کے حل کے لئے موصول ہو نے والے خطوط کی تعداد کم و بیش نو ہزا ر خطوط ما ہا نہ تھی ۔ تادم تحر یر آج بھی عظیمی صاحب انتہا ئی مصروفیا ت کے با وجود اپنی ڈا ک خود دیکھتے ہیں ۔ بعض اوقات با وجود کو شش کے خط کے جوا ب میں تا خیر ہو جا تی ہے لیکن ایسا کبھی نہیں ہوا کہ آپ  نے کسی خط کو جواب  دیئے بغیر تلف کردیا ہو۔عظیمی صاحب کے بیشتر مکتوبا ت رسمی تمہیدی اور مروجہ اختتا می کلما ت سے عاری ہیں ۔ آ پ خط میں فوری طور پر ہی اس مقصد ، موضو ع اور مسئلہ کے بیا ن پر آجا تے ہیں جو خط لکھنے کا محر ک بنا تھا ۔