Topics

عابد محمود(سیالکوٹ)

محترم و مکرم خانوادہ سلسلہ عظیمیہ

          اسلام علیکم ورحمتہ اللہ

          سائنس نے اپنے نظریات کو عملی طور پر پیش کیا۔ جہاز، گاڑی، موٹر سائیکل، موبائل، ٹی وی، فرج ، اے سی، کمپیوٹر وغیرہ ایجادات ہیں جو کبھی نظریات تھے، اب عملی شکل میں موجود ہیں۔ ہم دیکھتے ہیں کہ سائنس کی بات کو رد کرنا لوگوں کے لئے ممکن نہیں رہا۔ اس لئے شب و روز ان ایجادات سے استفادہ ہو رہا ہے۔

          سوال یہ ہے کہ ہمارے اسلاف نے روحانی نظریات کو عملی مظاہرہ کے طور پر پیش کرنے کے بجائے سینہ بہ سینہ منتقلی پر فوقیت کیوں دی۔کرامات کیوں چھپائی جاتی ہیں۔ حالانکہ کرامات کے مظاہرہ کے بعد طالب علم کے اندر ذوق و شوق اور یقین کی قوت بڑھ جاتی ہے۔

          بہت شکریہ

      عابد محمود(سیالکوٹ) 

        

     عزیز برخوردار عابد محمود

     وعلیکم اسلام ورحمتہ اللہ

            ہر چھوٹی سے چھوٹی اور بڑی سے بڑی بات وضاحت کے ساتھ بیان کر دی گئی ہیں۔                                      القمر                   :   ۵۳

          اگر علم حضوری کے ذہن کے ساتھ تفکر کیا جائے تو کائنات میں ہر شے ، ہر تخلیق، ہر بلندی ، ہر پستی۔۔۔۔ غیب و شہود کی بیلٹ پر قائم ہے اس طرح کہ غیب ظاہر۔۔۔ ظاہر غیب۔۔۔ اور پھر غیب

          دیکھنے کی چار طرزیں معین ہیں

                   ۱۔ غیب

                   ۲۔ ظاہر

                   ۳۔ غیب میں دیکھنا

                   ۴۔ غیب الغیب

          یہ اس طرح ہوا

                   غیب ظاہر غیب ۔۔۔۔۔ظاہر غیب ظاہر

          Equation یہ بنی کہ غیب ظاہر ہوا ، ظاہر غیب ہوا اور غیب پھر ظاہر ہو کر غیب میں چھپ گیا یعنی دو غیب کے درمیان ظہور۔

          مثال:

                   ظاہر۔۔۔۔۔ اسپرم،         اسپرم۔۔۔۔۔غیب          حاصل۔۔۔۔ظاہر

                   ابتداء غیب                  مظاہرہ حاضر                 مظاہرہ غیب

ارشاد ہے

ہر شے اللہ کی طرف سے ہے اور اللہ کی طرف لوٹ رہی ہے۔ البقرہ :۱۵۶

          ہر شے اللہ کی طرف  سے ہے۔ یعنی اللہ تعالی کا بنایا ہوا پروگرام ہے۔ ہر حرکت غیب ہے۔ غیب مقداروں کے ساتھ حرکت ہے۔ حرکت غیب ہے۔

Equation:

            غیب ۔۔۔۔۔۔ مظاہرہ

          مظاہرہ۔۔۔۔۔غیب

          غیب۔۔۔۔۔ غیب الغیب

میں آپ سے پوچھتا ہوں پیاس لگتی ہے۔ سیدھی سی بات ہے کہ پانی پینے کا تقاضا  ایک وجود ہے۔ وجود میں حرکت ہے۔ جب ہم پیاس کو ایک وجود تسلیم کرتے ہیں تو وجود اندر ”میں“ کا تقاضا ہے۔ اس تقاضے میں بنیادی بات تشفی ہےیعنی تشفی بھی وجود ہے۔ پانی پی لیتے ہیں خشک آنتیں سیراب ہوتی ہیں اور تقاضا پورا ہو جاتا ہے لیکن تقاضا پورا نہیں ہوتا اس لئے کہ آنتوں کی خشکی دور کرنے کے لئے وقفہ وقفہ سے آنتوں کا سیراب ہونا ضروری ہے۔

موجودہ دور  سائنسی ترقی کا دور سمجھا جاتا ہے جب کہ گزرے ہوئے ادوار میں آج کی ترقی کے مقابلہ میں بہت زیادہ ترقی ہو چکی ہے۔ خواتین و حضرات میں کوئی صاحب تحقیق و تلاش اسلاف کے ان ہی خطوط پر تحقیق و تلاش میں مصروف ہیں جو عارضی اور فکشن ہیں۔۔۔عارضی اور فکشن ہیں اور فکشن رہیں گے۔ جس طرح ہزاروں سال پہلے کے سارے تجربات آدمی کی عارضی زندگی کی طرح ریکارڈ ہو چکے ہیں۔

علوم کی طرزیں ہیں ۔ دو طرزوں سے بیان کرنا پیشِ نظر ہے۔

            ۱۔ ایک حصولی علم: اگر ابتدائی کلاس میں طالب علم یہ سوال کر دے کہ

             کہ الف بے کیوں نہیں۔۔ بے الف کیوں نہیں تو ہمارے پاس ایسی کوئی

          دلیل نہیں جو ہم پیش کر سکیں۔ بجز اس کے کہ بزرگوں نے یہی بتایا ہے۔

          یہ علم حصولی کی تعریف ہے۔ علم حصولی میں تغیر اور تبدیلی ہوتی رہتی ہے۔

          ۲۔ علم حضوری۔۔۔ علم حضوری فکشن سے قطع تعلق کر کے سکھاتا ہے۔

          علم حضوری فکشن نہیں ہے اس لئے کہ اس علم میں چون و چراں نہیں ہے۔

کوئی اسٹوڈنٹ سوال کرتا ہے کہ رات دن کیوں نہیں اور دن رات کیوں نہیں۔۔۔۔ہم کتنی ہی دلیلیں دیں وہ ناقص ہوں گی۔ آسمانی کتابوں اور آخری آسمانی کتاب قرآن کریم میں ہے

                   ” کیا تم دیکھتے نہیں ہو کہ اللہ رات کو دن میں داخل کرتا ہے۔دن کو رات میں داخل

                   کرتا ہے“۔ لقمٰن : ۲۹

                   ” ان کے لئے ایک اور نشانی رات ہے۔ ہم اس کے اوپر سے دن ہٹا دیتے ہیں تو ان پر

                   اندھیرا چھا جاتا ہے“۔  یٰس: ۵۷

          علم حصولی میں جس ترقی کا ذکر ہے اس ترقی میں تغیر ہوتا ہے لیکن تغیر کے باوجود تسلیم کیا جاتا ہے۔ تجربہ یہ ہے کہ محقق نے جو فارمولے بیان کئے ہیں وہ آنے والے دانشوروں نے مسترد کر دیئے ہیں جس کو تسلیم کرنے کے باوجود تحقیق پر دی گئی ڈگری اور سند بدستور قائم ہے۔ جس چیز میں تغیر نہیں ہوتا شعور اسے قبول نہیں کرتا۔ سائنس کی نشوونما مسلسل تغیر ہے۔ آپ سے سوال ہے کہ آپ نے میٹرک کتنے عرصہ میں مکمل کیا؟؟۔۔۔

                   میٹرک کرنے میں تقریباً بارہ سال لگتے ہیں۔ ایک سال میں ۳۶۵ دن ہوئے۔

                   بارہ سال میں ۴،۳۸۰ دن ہوئے۔ طالب علم ہر روز تقریباً بارہ گھنٹے پڑھتا ہے۔

                   اس طرح ایک سال میں اس نے ۴،۳۸۰ گھنٹے اسکول کی تعلیم کو دیئے۔اور

                   میٹرک کرنے کے لئے ۵۲،۵۶۰ گھنٹے صرف کئے۔

          یہ صرف میٹرک تک کی تعلیم کا عرصہ ہے۔ جتنا عرصہ ہم نے میٹرک حاصل کرنے پر صرف کیا، کیا اسی ذوق اور لگن سے علم حضوری کو اتنا وقت دیتے ہیں جتنا ہم نے دنیاوی علوم کو دیا ہے۔

                                                                                                            دعاگو

                                                                                      خواجہ شمس الدین عظیمی

                                                                                      ۲ جنوری ۲۰۱۷  ء

                                                                                      مرکزی مراقبہ ہال، کراچی

Topics

Fakir Ki Daak View

Fakir Ki Daak

KHWAJA SHAMS-UD-DEEN AZEEMI

۲۰۰۸ کے محتا ط اعداد و شما ر کے مطابق مرکزی مراقبہ ہا ل میں مسا ئل کے حل کے لئے موصول ہو نے والے خطوط کی تعداد کم و بیش نو ہزا ر خطوط ما ہا نہ تھی ۔ تادم تحر یر آج بھی عظیمی صاحب انتہا ئی مصروفیا ت کے با وجود اپنی ڈا ک خود دیکھتے ہیں ۔ بعض اوقات با وجود کو شش کے خط کے جوا ب میں تا خیر ہو جا تی ہے لیکن ایسا کبھی نہیں ہوا کہ آپ  نے کسی خط کو جواب  دیئے بغیر تلف کردیا ہو۔عظیمی صاحب کے بیشتر مکتوبا ت رسمی تمہیدی اور مروجہ اختتا می کلما ت سے عاری ہیں ۔ آ پ خط میں فوری طور پر ہی اس مقصد ، موضو ع اور مسئلہ کے بیا ن پر آجا تے ہیں جو خط لکھنے کا محر ک بنا تھا ۔