Topics

پریشانیوں کا حل-Pareeshaniyon ka hal


جواب: تخلیق کے قانون کے مطابق آفاق سے ایک لہر آتی ہے جو سر کے ذریعے داخل ہو کر پورے جسم میں تقسیم ہوتی ہے اور پھر پیروں کے راستے زمین میں جذب یا ارتھ ہو جاتی ہے۔ اگر کسی وجہ سے یہ لہر پوری طرح ارتھ نہ ہو تو آدمی کے اندر بہت سے جسمانی اور ذہنی عوارض جنم لیتے ہیں اور مختلف پریشانیاں لاحق ہو جاتی ہیں۔ اس نظام کو درست کرنے کے لئے آپ حضرات و خواتین صبح سورج نکلنے سے پہلے کچی زمین پر اکڑوں پاؤں بیٹھ جائیں اور آنکھیں بند کر کے تصور کریں کہ ایک لہر آپ کے جسم سے گزر کر زمین میں داخل ہو رہی ہے۔ یہ عمل 3منٹ تک کریں۔ 21روز کے عمل سے آپ کی پریشانیاں دور اور مسائل حل ہو جائینگے۔


Topics


Roohani Daak (1)

خواجہ شمس الدین عظیمی

جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔

آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔