Spiritual Healing
سوال: میری والدہ کی طبیعت اکثر خراب رہتی ہے اگر
کوئی ایک مرض ہو تو عرض کروں۔ ایک تکلیف ختم ہوتی ہے دوسری شروع ہو جاتی ہے۔ غرض
کہ کسی نہ کسی مرض میں مبتلا رہتی ہیں۔ اس کے ساتھ ساتھ وہ ذہنی مریضہ بھی ہیں۔
اکثر دماغی دورے پڑتے رہتے ہیں۔ جب دماغی دورہ پڑتا ہے تو ہر ایک کو برا بھلا کہنا
شروع کر دیتی ہوں۔ تمام بڑے بڑے ڈاکٹروں سے علاج کرا لیا ہے لیکن عارضی طور پر
فائدہ ہوا ہے۔ علاج کے بعد پھر وہی کیفیت ہو جاتی ہے۔ کوئی ایسا وظیفہ بتا دیں کہ
والدہ کی طبیعت ہمیشہ کے لئے ٹھیک ہو جائے۔
جواب: سورۂ الکوثر (پوری سورۃ) پڑھ کر صبح ، شام ،
رات پانی پر دم کر کے پلائیں۔ کھانوں میں نمک کم سے کم کر دیں۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
