Spiritual Healing
سوال: ہماری چھوٹی بہن کی عمر تقریباً 18سال ہے۔
اس کے دل میں پیدائشی سوراخ ہے جب سے پیدا ہوئی ہے علاج ہو رہا ہے لیکن سوراخ بند
نہیں ہوا۔ ہم دوا کے ساتھ دعا کے طریقہ پر عمل کرنا چاہتے ہیں۔ کوئی روحانی علاج
تجویز فرمائیں اور ساتھ میں محفل مراقبہ میں دعا کریں کہ اللہ تعالیٰ شفا عطا
فرمائیں۔
جواب: اول آخر گیارہ گیارہ مرتبہ درود شریف کے
ساتھ گیارہ ہزار بار فَاَوْحیٰٓ
اِلیٰ عَبْدِہٖ مَآ اَوْحیٰoمَاکَذَبَ الْفُؤِ أدَمَارَاٰیoایک نشست میں پڑھ کر آدھ سیر خالص شہد پر
دم کریں اور یہ شہد صبح شام اور رات کو کھلائیں۔ مقدار چائے کے چمچے کے برابر ہونی
چاہئے۔ علاج کی مدت 6ماہ ہے۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
