Topics

معالج کا مشورہ

س: میں ایک سوال لے کر حاضر ہوا ہوں۔ خدا کرے آپ کی زبان سے نکلے ہوئے چند الفاظ میری زندگی کا سہارا بن جائیں۔ 

اگست 79ء میں میرے ساتھ ایک حادثہ پیش آیا تھا۔ ریڑھ کی ہڈی پر چوٹ لگنے سے نچلا حصہ شل ہو کر رہ گیا ہے۔ یورین اور اسٹول بھی کنٹرول میں نہیں۔ مختصر یہ کہ ڈاکٹروں نے مجھے لا علاج قرار دے دیا ہے۔

ج: جئی جو ریس کے گھوڑے کھاتے ہیں، دو تولہ لے کر چار پیالی پانی میں اس قدر جوش کریں کہ ایک پیالی پانی رہ جائے۔ اس پانی کو چھان کر شکر ملا کر صبح نہار منہ اور رات کو سوتے وقت پئیں۔ پانی دونوں وقت تازہ پکایا جائے اس کے ساتھ ساتھ کسی معتبر یونانی دواخانے سے روغن سورنجان تلخ لے کر کمر اور گردن کے جوڑ پر دائروں میں مالش کریں۔ دن میں دو مرتبہ لیکن مالش کرنے سے پہلے اپنے معالج سے مشورہ کرنا ضروری ہے۔ بعض حالات میں ڈاکٹر مالش کی اجازت نہیں دیتے۔


Topics


Roohani Daak (3)

خواجہ شمس الدین عظیمی

جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔

آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔


انتساب

ہر انسان کے اوپر روشنیوں کا ایک اور جسم ہے جو مادی گوشت پوست کے جسم کو متحرک رکھتا ہے۔ اگریہ روشنیوں کا جسم نہ ہو تو آدمی مر جاتا ہے اور مادی جسم مٹی کے ذرات میں تبدیل ہو کر مٹی بن جاتا ہے۔

جتنی بیماریاں، پریشانیاں اس دنیا میں موجود ہیں وہ سب روشنیوں کے اس جسم کے بیمار ہونے سے ہوتی ہیں۔ یہ جسم صحت مند ہوتا ہے آدمی بھی صحت مند رہتا ہے۔ اس جسم کی صحت مندی کے لئے بہترین نسخہ اللہ کا ذکر ہے۔

*****