Topics

اندرونی چوٹ

س: پانچ سال پہلے کی بات ہے کہ میرے شوہر سوات سے پشاور آ رہے تھے کہ راستے میں ان کی بس الٹ گئی تھی۔ ان کے سینے میں اندرونی کافی چوٹ آئی۔ اب جب سردی زیادہ پڑتی ہے تو ان کی پسلیوں میں سخت درد ہوتا ہے۔ سینے پر کسی چیز کی مالش بھی نہیں ہو سکتی کیونکہ ان کے سینے پر بال بہت زیادہ ہیں۔ کچھ پڑھنے کے لئے بتائیں کہ وہ پڑھوں اور فائدہ میرے شوہر کو پہنچے۔ بچپن میں بھی یہ سیڑھی سے سر کے بل گر پڑے تھے جس سے ان کی کمر میں چوٹ بیٹھ گئی۔ سردیوں کے موسم میں کمر میں بھی بہت زیادہ درد ہوتا ہے۔ اٹھتے بیٹھتے ہائے ہائے کرتے ہیں۔

ج: سینے پر بال ہونے سے کوئی فرق نہیں پڑتا۔ آپ پسلیوں پر سبز شعاعوں کا تیل اور کمر پر سرخ شعاعوں کا تیل دائروں میں مالش کریں۔ ایک مرتبہ رات کو سوتے وقت اور ایک بار دن میں، مالش دس دس منٹ کی جائے۔ ٹھنڈی اور کھٹی چیزوں سے پرہیز ضروری ہے۔


Topics


Roohani Daak (3)

خواجہ شمس الدین عظیمی

جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔

آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔


انتساب

ہر انسان کے اوپر روشنیوں کا ایک اور جسم ہے جو مادی گوشت پوست کے جسم کو متحرک رکھتا ہے۔ اگریہ روشنیوں کا جسم نہ ہو تو آدمی مر جاتا ہے اور مادی جسم مٹی کے ذرات میں تبدیل ہو کر مٹی بن جاتا ہے۔

جتنی بیماریاں، پریشانیاں اس دنیا میں موجود ہیں وہ سب روشنیوں کے اس جسم کے بیمار ہونے سے ہوتی ہیں۔ یہ جسم صحت مند ہوتا ہے آدمی بھی صحت مند رہتا ہے۔ اس جسم کی صحت مندی کے لئے بہترین نسخہ اللہ کا ذکر ہے۔

*****