Topics
Waqfah ya waqt aisi Makani halat
ka naam hey jo toolani safar mein gardish kartee hey. Mazkorah bala chahron
shaoor jab toolani simt mein daur kartey hen tu es daur ka naam waqfah ya waqt
ya Zaman (Time) hey lekin jab yeh charon shaoor apnay markazi safar mein daur kartey
hen tu es daur ko Makan (Space) say tabeer kiya jata hey. Yeh dono halten… ek
toolani simt ki gardish, doosray mehvari simt ki gardish ek hi sath waqey hoti
hen. Yeh dono gardishen mil ker shaoor kay ander musalsal harkat ki takhleeq
kartee rehti hen. Hum toolani harkat ko apnay hawaas mein second, minute, ghantey, din, maah o saal aur sadiyon ki shakl
mein phechantay hen aur mehvari harkat kay silsilay ko zameen, chand, sooraj, ajram falkee aur nizame shamsi ki
soorat mein jantay hen. Yeh dono halten ml ker waqfah kehlatee hen.
Drasl hmaray hawaas kay ander ek
taghyur hota rehta hey. Yeh taghyur waraey bay rung, bay rung, yak rang aur kul rang ka majmoawa
hey. Wahmah say es taghyur ki shrawaat hoti hey. Phir yeh taghyur khyaal aur
tasawur ki raahein tay ker kay mehsosat ki soorat ikhtiyar ker leta hey taghyur
phir es hi zeeney say waps aata hey yani es ey mehsosat say tasawron, khayal
aur wahmah tak palatna perta hey. Wahmah, khayal aur tasawur yeh teenon halten
toolani harkat ki ek hi simt mein waqey hoti hen aur mehsosati halat mehvari
harkat ki es hi simt mein waqey hoti hey jis simt mein toolani harkat waqey
hoti hey. Es tarhan mhsosat mein Zaman aur Makan dono taghyur ek hi nuqtah mein
waqey hotay hen. Es hi nuqtah ka naam waqfah hey. Waqfah ka silsilah Azal say
Abad tak jari o sari hey. Mazkorah bala char shaooron ki markaziyaten alag alag
char zindagiyan rakhtee hen. Mehsosat ki markaziyat Aalam nasot kehlatee hey.
Tasawur ki markaziyat nuzool mein Aalam Roya, Aalam Waqiya ya Aalam tamsul aur
saood mein Aalam Arwah ya Aalam Barzakh (Illeen o Sijjeen) kehlatee hey. Khyal
ki markaziyat nuzool mein Mubda aur saood mein Hashr o Nashar (Janat o
dozakh) kehlatee hey.
Shaoor ka pehla shoba jis ka naam Rah
liya gaya hey Wajibul Wujood kehlata hey. Baqi teen shobey wujood khlatay hen.
Wajibul Wujood mein taghyur nahin hota lekin wujood mein toolani aur mehvari
gardish ml ker waqfah ya wujood kehlatee hey. Dono grdshon mein pehligrdsh Kainat
kay zarey zrh ka bahme rbt hey. Es gardish mein Kainat ka qeam aur Kainati
shaoor ki kefeat ka qeam waqey hua hey. Mehvari gardish fard ki gardish hey. Es
gardish kay ander fard ka qeam aur fard ki kefeat ka qeam hey. Lekin fard ki
tamam kefeat Kainat ki majmoyee kefeat ka ek ansr hoti hey. Agar hum kisi zarey
kay ander safar kren tu sub say pehley Nasma Murakab ki Makaniyat
(Space) mlay gi. Yeh Makaniyat mhsosat ki Duniya hey. Es Makaniyat ki hadon
mein fard ka shaoor royat kay hawaas mein doba rehta hey. Goya royat bzat khud
hawaas ka majmoey hey. Royat ki Makaniyat kay ander ek doosri Makaniyat hey jis
ko Roya kehtey hen. Yeh Nasma Mafrad ki Makaniyat fard ki zaat ka andronee
jism hey yani Roya ek aisi Makaniyat hey jis ko fard ka andronee jism
keh saktey hen. Roya ki Makaniyat kay ander bhi ek aur Makaniyat paee
jati hey. Yeh Makaniyat Noor mutaghayur ka jism hey aur phir es Makaniyat kay
ander ghair mutaghayur Noor basta hey. Ghair mutaghayur Noor Wajibul Wujood ya
sifat Illahi ya Tajjali Zaat ya La Makan hey. Es ki wusatein Kainat ko
apnay ahatey mein leay hoeay hen lekin Zaat Bari Taala es say mawara hey.
Albata jesa ke oper tazkirah kiya ja chka hey yeh Zaat Bari Taala ka wasf hey
aur qayam bilzat hey.
Nasma Murakab, Nasma Mufrad, Noor Mutaghayur aur Noor
Ghair Mutaghayur kay hawaas alag alag hen. Aalam Nasoot mein
royat kay hawaas ghalib aur baqi hawaas maghloob rehtey hen. Jis waqt fard
Roya mein rehta hey tu es ki tawajoh Royeat say hut ker Roya mein
markooz hoti hey. Goya Roya kay hawaas ghalib aur baqi shobon kay hawaas
maghloob rehtey hen. Azal say Aalam Nasoot ki pedaesh tuk Roya kay
hawaas fard kay baqi tamam shaooron per ghalib thay lekin Aalam Nasoot mein yeh
hawaas sirf neend ki halat mein ouood kartey hen. Aur bedar honey kay bad
Roya kay hawaas maghloob ho jatay hen. Mott kay bad Barzakh ya Arraf mein
yeh hawaas ek martabah phir baqi tamam hawaas per ghalba hasil ker len gay.
Shoba e Rooh kay hawaas Aalam Waqeya mein bhi maghloob thay. Aalam Royat mein
bhi maghloob hen aur Aalam Barzakh mein bhi maghloob rahen gay lekin Qayamat
kay din Shoba e Rooh kay hawaas baqi tamam hawaas ko maghloob ker den gay aur
phir mustaqlan yeh hi hawaas ghalib rhen gay.
Qalandar Baba Auliay (R.A)
“Guftah O Guftah Allah Bowad Garchah Az Halqoom-e- Abdullah Bowad”
key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq,
Hassan Ukhra Muhammad Azeem Barkhiya, Hazrat Qalandar Baba Auliya Rehmatullah
Aleh R.A ki zabaan-e- faiz-e-tarjumaan sey
nikala hua aik aik lafz khud huzoor baba sahib Ke roohani tasaraf sey merey
zehan par naqsh hota raha….. aur phir yeh Ilhaami tehreer Hazrat Qalandar Baba Aliya
R.A ki Mubarak Zuban aur is Aajiz ke
qalam sey kaghaz par muntaqil ho kar kitaab “Loh-O-Qalam” ban gayi.
Merey paas yeh roohani uloom nou-e-insaan aur noo-e-jinaat key liye
ek wirsah hain. Main yeh amanat barey boorho’n, insaan aur jinaat ki mojoodah
aur aaney waali nasal key supard karta hoon.
Khwaja Shamsuddin Azeemi
