Topics

Ilm Ladduni

 

Yeh Ilm Ilm Huzoori aur Ilm Husooli dono ki hadein qayam kerta hey. Aur dono ko ek doosray say mutarif krata hey. Yeh in haqaeq per mabni hey jo Ilm Husooli ki gherayeeon mein talash keay ja saktey hen. Es Ilm kay khdokhal ayat Illahi say bantey hen. Ayat Illahi say murad wo nishaniyan hen jin ki taraf Allah Taala nay bar bar Quran Pak mein tawajoh dilayee hey. Darasal tamam tabayee qawaneen roohani qawaneen ka itbaa kartey hen. Tabayee qawaneen say roohani qawaneen ka suragh lagana aur in ki haqeeqat tak pohanch ker Ilm Huzoori say roshnas hona Ilm ldne ka shuaar hey. Jab yeh Ilm Ambiya ko hasil hota hey tu Ilm Nabawat kehlata hey aur jab yeh hi Ilm Auliya Allah ko hasil hota hey tu Ilm Ladduni kay naam say tabeer kiya jata hey. Wahee Ambiya kay leay makhsoos hey aur ilhum Auliya ke leay.

 

Yeh Ilm Ambiya ya Auliya ko kis tarhan hasil hota hay? Es cheez ko zail ki satoor mein ajmalan bayan kiya gaya hey kiyonke tafseel ki es kitab mein gunjayesh nahin. Agar Allah Taala ka hukm hua tu kisi doosri kitab mein es ki tafseel bayan ki ja sakey gi.

 

Kainat ki sakht char bawad ya char daeron per mushtamil hey. Guzishta safhat mein in ki taraf ishara kiya gaya hey lekin whan in kay ausaf sirf ek zaviya per tazkirah mein aaye hen. In daeron ka doosra zaviya Tassawuf ki istalah mein alag alag char naam raktha hey.

 

1. Rah         2. Rooh       3. Roya        4. Royet

 

Es zaviya kay yeh char ausaf Lashaoor say taluq rakthey hen. Rah manfi Lashaoor hey aur rooh masbat Lashaoor. Es hi tarhan Roya manfi shaoor hey aur royat masbat Shaoor.

 

Rah yani manfi Lashaoor mein koi taghyur nahin hota. Wahan La Makan aur makan yani Zaman aur Makan dono faslay madoom hen. Azal say Abad tak ki tamam wardat ek hi nuqtah mein payee jati hen. Jab yeh nuqtah harkat mein aata hey tu es ka naam badal jata hey. Pheley yeh nuqtah Rah kehlata tha lekin harkat peda honey kay bad yeh hi nuqtah Rooh kehlata hey. Es nuqtah mein harkat ki numood hi Zaman aur Makan faslay peda kartee hey.

 

Phelay safhat mein Kainati nazar ka bayan hua hey. Yeh hi Kainati nazar, Rah hey. Yeh hi nazar Zamani aur Makani faslon mein taqseem honey kay bad haqeeqat wardha ya Rooh kehlatee hey.

 Agar hum kisi shaks kay sunaney ko Sooraj ka naam len tu aanan fanan es kay zehan say Sooraj ka aks guzarta chala jaeay ga. Filwaqey es kay zehan say guzarney wala wo Sooraj hey jis say wo kharij mein roshnas hey. Wo aur kisi Sooraj ko nahin janta. Wo faqat es hi Sooraj say waqif hey jo es kay zehan mein warid hey. Yeh harkat rooh kehlatee hey goya rooh insani zehan say ek haqeeqat wardha ki soorat mein mutarif hey. Aur sari mojoodat mein yaksan tor per jari o sari hey. Jab koi shaks es haqeeqat wardha ko apnay zehan mein qayam kerta hey tu yeh tasawur ki shakl ikhtiyar ker lete hey yani Rooh shaoor mein sama janay kay bad tasawur ban jati hey. Ea hi halat ko Roya kehtey hen lekin Jab yeh tasawur zaviya basr ki satah per aa jata hey tu Royat kehlata hey. Es waqt kisi shaks ki basarat sheay ko bilmuqabil mujasim shakl mein dekhtee hey. Nazar ka kirdar es manzil mein bhi wo hi rehta hey jo Rah, Rooh aur Roya mein tha. Aam istalah mein pehley daeray ko Lashaoor, doosray ko adrak, tesray ko tasawur aur chothay ko sheay kehtey hen.

Topics

Loh o Qalam (Roman) View

Loh o Qalam (Roman)

Qalandar Baba Auliay (R.A)

“Guftah O Guftah Allah Bowad Garchah Az Halqoom-e- Abdullah Bowad” key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq, Hassan Ukhra Muhammad Azeem Barkhiya, Hazrat Qalandar Baba Auliya Rehmatullah Aleh R.A ki zabaan-e- faiz-e-tarjumaan sey nikala hua aik aik lafz khud huzoor baba sahib Ke roohani tasaraf sey merey zehan par naqsh hota raha….. aur phir yeh Ilhaami tehreer Hazrat Qalandar Baba Aliya R.A ki Mubarak Zuban aur is Aajiz ke qalam sey kaghaz par muntaqil ho kar kitaab “Loh-O-Qalam” ban gayi.

Merey paas yeh roohani uloom nou-e-insaan aur noo-e-jinaat key liye ek wirsah hain. Main yeh amanat barey boorho’n, insaan aur jinaat ki mojoodah aur aaney waali nasal key supard karta hoon.

 

 

Khwaja Shamsuddin Azeemi