Topics
Yeh Zaid kiya hay?
Yeh Zaid Kul Zaat hey. Jis qadar
rad o badal waqey hota hey wo Ek Zaat (Personal Ego) hey. Kul Zaat Kainat ko
muheet hey.Ilm e Kainat Yek Zaat ko hasil nahin hey. Kul Zaat say lataluqee es ka
subub hey. Agar ek shaks ki tamam dilchspiyan es kay khandan tuk mehdood rhen
tu es ki feHum sirf khandan ki hudood mein soch sakti hey. Es kay mushahdat aur
tajarbat bhi es hi munasibat say mehdood hon gay. Yon kaheeay ke es nay apni feHum
ko mehdood ker lea, yhan tuk ke wo
khandan say bahar dekhnay say qasir hey. Insan ki aankh aur kan es ki apni feHum
ki hudood mein dekhtay aur suntey hen. FeHum ki hudood say bahr na dekh saktey
hen, na sun saktey hen. Bazahir tu yeh maloom hota hey ke wo duniya kay atraf
mein dekh rahey hen aur sun bhi rahey hen lekin es ki feHum ko khandan say
bahar kisi cheez mein zarrey bahr dilchaspee nahin hoti. Es kay shaoor ka haal
bilkul chand saal kay bachey ka sa hota hay, aisey bachey ka sa jis ko aap
radio per sari duniya ki khabrein sunwa den magar wo na kuch samjhay ga, na
mehsoos kray ga. Agar koi shaks pachas saal ki amr mein sirf apnay khandan ki
hudood mein sochta hey tu Roohaniyet kay nuqta e nazar say es ki umar chand sal
say zyadah tasawur nahin kia ja skte. Kisi aisey insan ka shaoor jo mehaz apnay
infradi mufad ko made nazar raktha hey. So sal ki umar mein bhi baloogh ko
nahin pohanchta. Es hi buniyad per Kul Zaat say bey kahbar rehta hey. Kainat ki
stage per es ki halat wahee hoti hey jo teen saal kay bachay ki kisi benul
aqwami jalsay mein ho sakti hey. Es hi wajah say mazhab Lazma e Hayat Insani
hey. Jis qom ka iman, Kainat ka
akhlas nahin hey wo qom Kainati qadron ka mushahida nahin ker saktee. Na es ki
feHum Kainati uloom tuk pohanch sakti hey. Es nay khud ko Kul Zaat say munqata
ker lea hey. Es wazhey ki qom hazaron saal ki umar panay kay bawajod palnay ka
bachah rahey gi.
Yeh roshni jis ko hamari aankhen
dekhtee hein Yek Zaat aur Kul Zaat kay darmiyan ek pardeh hey. Es hi roshni kay
zariyey Kul Zaat kay tasawurat Yek Zaat ko wusool hotay hen. Doosray alfaz mein
yuon kahen gay Kul Zaat jo itlaaat Yek Zaat ko deti hey in itlaaat ko yeh
roshni rang roop aur aُbaad(Dimensions) day ker Yek Zaat
tuk phnchate hey. Es ki missal television hey. Television ki satah say wo sari
chezen nazar aati hen aur wo sari awazen sunayee deti hen jo station say irsal
ki gayee hen. Jis waqt yeh tarseel munqata ho jati hey na kuch sunayee deta
hay, na nazar aata hey. Bilkul yeh hi haal Kul Zaat say aanay wale itlaaat ka
hey. Nou e insani kay afrad ko roshni kay zariyey itlaaat milte rehti hen. Jis
tarhan itlaa miltee hey insani afrad es hi tarhan dekhtay aur jantay hen. Jab
kisi fard say itlaaat ka silsilah munqata ho jata hey tu es fard ki maut waqey
ho jati hey lekin yeh inqa’taa nasooti duniya say hota hey. Yani hayat ki ek
satah say fard munqata ho jata hey lekin doosri satah say (js ko hum ghaib
kehtey hen) itlaaat miltee rehti hen.
Yeh malhooz rakhna zaroori hey ke
jis roshni kay zariyey hamari aankhen dekhtee hen khud es roshni ki bhi do
satah hen. Ek satah kay hawaas mein saqal aur iba’ad dono shamil hen lekin
doosri satah mein iba’ad hen. Iba’ad ki satah es roshni ki gherayee mein waqey
hey. Roshni hamein jo opri satah ki itlaaat deti hey hawaas inhen barah e raast
dekhtay aur suntey hen. Lekin jo itlaaat hamein nichli satah say pohanchti hen
in ki wasoli kay rastay mein koi muzahimat zarior hoti hey. Yeh hi wajah hey ke
hawaas in itlaaat ki poori tarhan grift nahin kartay. Darasal jo itlaaat hamein
opri satah say wasool hoti hen wahee itlaaat nichli satah say wasool honey wale
itlaaat kay rastay mein muzahimat ban jati hen. Goya ke ek tarhan ki deawar
kharee ho jati hey. Yeh deawar itni sakht hoti hey ke hamaray hawaas koshish
karney kay baojod es ey par nahin ker sktay. opri satah ki itlaaat do qism per
hen.
1. Wo Itlaaat jo aghraz per mabni
hon. In kay sath hmara rawaiya janibdaranah hota hey.
2. Wo Itlaaat jo infradi mafad say
wabastah nahin hoteen. In kay haq mein hamara rawaiya ghair janibdaranah hota
hey.
Itlaaat ki in dono tarzon ko
samnay rukh ker ghor kiya jaeay tu yeh haqeeqat munkashif ho jati hey ke insan
kay pas idraak kay do zaviyeh hen. Ek wo zaviya jo infradiyet tuk mehdood hey.
Doosra wo zaviya jo infaradiyet ki hudood se bahar hay. Jab hum infaradiyet ke
ander hum Kainat ki tamam ashya ke sath apna idrak karte hain. Idrak ka yeh
amal bar bar hot hay. Es hi ko hum tajarbati duniya kehtey hein. Ek taraf Kainat
ko apni infaradiyet mein dhekney ke aadi hein, doosri taraf apni infaradiyet Kainat
mein dhekney ke aadi hain. Yeh ek taraf infaradiyet ki tarjumani karte hain aur
doosri taraf Kainat ki. Jab yeh dono tarjumaniyan ek doosray se takrati hein tu
infaradiyet ki tarjumani ko saheed saabit karne ke leay sahara lete hain. Baaz
auqat taaveel ke haami apne hareefon se dast o graiban ho jate hain. Yaheen se
nazaryat ki jan shroo ho jati hay. Infaradiyet ke zaviya ka sub se bara nuqs
yeh hay ke yeh kisi na kisi merhaley mein Kainat ki aur ashya se mnharif ho
jati hay. Es Zaviya mein ningah hamesh ghalat dhekti hay. Maslan kisi cheez ka
size hawa mein kuch aur nazar ataa hay, pani mein kcuh aur. Yeh ikhtalaf nazar
zaman aur makan ki pabandiyon ke subub hain. Dhekne wal jab tak zaman o makan
se azaad ho kisi shea ki haqeeqat ko nahin pa sakta.
Qalandar Baba Auliay (R.A)
“Guftah O Guftah Allah Bowad Garchah Az Halqoom-e- Abdullah Bowad”
key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq,
Hassan Ukhra Muhammad Azeem Barkhiya, Hazrat Qalandar Baba Auliya Rehmatullah
Aleh R.A ki zabaan-e- faiz-e-tarjumaan sey
nikala hua aik aik lafz khud huzoor baba sahib Ke roohani tasaraf sey merey
zehan par naqsh hota raha….. aur phir yeh Ilhaami tehreer Hazrat Qalandar Baba Aliya
R.A ki Mubarak Zuban aur is Aajiz ke
qalam sey kaghaz par muntaqil ho kar kitaab “Loh-O-Qalam” ban gayi.
Merey paas yeh roohani uloom nou-e-insaan aur noo-e-jinaat key liye
ek wirsah hain. Main yeh amanat barey boorho’n, insaan aur jinaat ki mojoodah
aur aaney waali nasal key supard karta hoon.
Khwaja Shamsuddin Azeemi
