Topics

Lashaoor, Idraak, Aur shaoor Ka Farq

 

Mzkoorah bala wazahat ki roshni mein Kainat ya fard Kainat ki char sathein mawayan hoti hen. Pehli satah waraeay Lashaoor hey. Es i ko waraeay bay rang bhi kaha gaya hey. Yeh satah Kainat ya fard kay ander bohat gherayee mein waqey hey. Es satah kay ausaf ki tashkhees bohat kum mumkin hay, tahum ho sakti hey Jab yeh satah ek harkat kay sath ubharti hey tu naye ausaf ka majmoey ban jati hey. Es majmoey ka naam Lashaoor hey. Es hi ko bay rang kaha gaya hey. Es satah kay ausaf ki tashkees bhi mushkil hey. Tahum waraey bay rang ki tashkees kay muqabley mein aasan hey.

 

Yeh bat yad rakhna zaroori hey ke harkat doosray daeray (Lashaoor) mein shiroo hoyee thee. Jab yeh hi harkat doosray daeray say ubher ker teesray daeray mein dakhil hoti hey tu fard ka shaoor es ka ahatah ker leta hey. Es hi ahatey ka naam tasawur hey. Phir yeh hi tasawur apni satah say ubher ker Royat ban jata hey aur fard ka shaoor es Royat ko apnay bilmuqabil dekhnay lagta hey. Yeh hi wo halat hey jis ko hum wujood kehtey hen. Aur mukhtalif namon say tabeer kartey hen.

 

Hr sheay ko shaoor ki in charon sathon say guzarna perta hey. Jab tak koi sheay yeh charon merhaley tay na ker lay mojood nahin ho skti. Goya kisi sheay ki mojoodgi chothay merhaley mein waqey hoti hey aur pehley teen merhalon mein es sheay ka tana bana tayaar hota hey.

 

Es tarhan shaoor kay char darjey hoeay hamarey zehan ka ek shaoor kisi aisi wosat ko bhi janta hey jo Kainat say mawara hey. Yeh hi Shaoor Awal hey. Hum es shaoor ko Waraey Kainati Shaoor keh saktey hen.

 

Shaur doyam kul Kainat ka majmoyee shaoor hey. Es ko Kainati shaoor ka naam day saktey hen.

 

Shaor soyam kisi ek nou ka ijtamayee shaoor hey. Es ko nouyee shaoor kay naam say tabeer ker saktey hen.

 

Shaorِ Chahrum kisi nou kay fard ka shaoor hey.

 

Hmara zehan aur quwaton kay alawa ek aisi qoawat perwaz bhi raktha hey jis ko aam istalah mein wahmah kehtey hen. Jab yeh qoawat perwaz kartee hey tu in bulandiyon tak ja phohanchti hey jo Kainat ki haddon say bahir hen lekin yahan pohanch ker es tarhan gom ho jati hen ke hamara zehan es ey wapas nahin la skta aur na yeh suragh laga skta hey ke perwaz karney wale qoawat kahan gom ho gayee aur gom shudgee mein es ey kiya hadsat pesh aaeay. Jis Aalam mein yeh qoawat gom hoti hay, Tassawuf mein es Aalam ko La hoot ya waraey bay rang kehtey hen. Yeh hi Aalam shaoor Awal hey. Es Aalam mein Allah Taala ki lamutnahee sifat jama hen. Yeh sifat hamesha say Allah Taala ki zaat kay sath qayam hen. Es hi leay in ko qayam bilzat kehtey hen. In sifat ki wehdat ka naam Tajjali Zaat bhi hey. Es hi Aalam ko Rah kaha gaya hey.

 

 Quran Pak nay hum ko teen hastiyon say mutarif kraea hey.

 

Awal: Allah Taala ki Zaat jo lamutnahee aur Waraey Rah hey.

 

Doyem: Allah Taala ki sifat jo qayam bilzat hen. In hi ka naam Waraey Kainati Shaoor ya Rah hey.

 

Soyem: Kainat hey.

 

Yeh teen hstean hoeen. Zat, sifat aur Kainat. Zaat sifat o Kainat ko muheet hey. Zaat Khaliq, sifat qayam bilzat aur Kainat makhlooq hey. Her sift kay sath Allah Taala ki Zaat wabasth hey. Ambiyaey mutaqadmeen (Hazrat Ibrahim aur Hazrat Ismail) kay naqsh qadam per chalnay waley Ambiya nay Zaat Bari Taala ko Rehmat kay naam say jana hey. Yeh Rehmat zaat ki lamutnahee sifat mein her sift kay sath pevast hey. Ambiya nay Rehmat ko do namon say mutarif kraea hey. Yeh dono naam Jamal aur Jalal hen. Inhon nay Jamal ka ek wasf qayam kiya hey jis ko Ehtisab ka naam diya gaya hey. Es tarhan Allah Taala ki lamutnahee sifat mein her sift kay sath teen ausaf yani Khalqiyat, Robobiyat aur Ehtisab lazmi tor per pevast hen. Insan kay ander Khalqiyat ki sift hunnar ban ker zahoor mein aati hey. Robobiyat ki sift ka mazhar Ikhlaq hey aur Ehtisab kay wasf ka muzahira Ilm hey. Chunanchey insan in hi teen ausaf ki tamseel hey.

 

Zaat-Waraey Ghaibal Ghaib, Rah. Ghaibal Ghaib aur Rooh Ghaib hey. Rooh kay bad do shaoor Roya aur Royat baqi reh jatay hen. Yeh dono agarchey Rooh mein pevast hen lekin Huzoor Kehlatey hen. Roya shaoor soyam ka Huzoor hey aur Royat shaoor Chahrum ka. 

Topics


Loh o Qalam (Roman)

Qalandar Baba Auliay (R.A)

“Guftah O Guftah Allah Bowad Garchah Az Halqoom-e- Abdullah Bowad” key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq, Hassan Ukhra Muhammad Azeem Barkhiya, Hazrat Qalandar Baba Auliya Rehmatullah Aleh R.A ki zabaan-e- faiz-e-tarjumaan sey nikala hua aik aik lafz khud huzoor baba sahib Ke roohani tasaraf sey merey zehan par naqsh hota raha….. aur phir yeh Ilhaami tehreer Hazrat Qalandar Baba Aliya R.A ki Mubarak Zuban aur is Aajiz ke qalam sey kaghaz par muntaqil ho kar kitaab “Loh-O-Qalam” ban gayi.

Merey paas yeh roohani uloom nou-e-insaan aur noo-e-jinaat key liye ek wirsah hain. Main yeh amanat barey boorho’n, insaan aur jinaat ki mojoodah aur aaney waali nasal key supard karta hoon.

 

 

Khwaja Shamsuddin Azeemi