Topics
Hum nay pehley tazkirah kiya hey
ke yeh charon shaoor satah rakthey hen. Shaoor awal Quran Pak ki zuban mein
Asmaey Illahi ya Sifat Illahi kay naam say mosom hey. Jab Asmaey Illahi izhar
ki taraf melan kartey hen tu Ahkam e wardha ban ker bidaat ka rang qubool ker
letay hen. Chunachey jab bidaat awal shaoor say doyem shaoor mein muntaqil hoti
hey tu Amr e Illahi ki soorat mein ronmayee kartee hey. Aur aam istalah mein
rooh kehlatee hey. Jab rooh Bidaat (Hayati Dabao) kay tehat izhar ki ek aur
shart poori kartee hey tu Roya ki satah mein dakhil ho jati hey aur
Bidaat ki aakhre koshish ka nateejah fard (shaoor chahrum) ki haisiyat mein
roonuma hota hey. Agar in threekat per ghor kiya jaeay tu Bidaat kay nuzool ka
tareeqah wazh ho jata hey. Goya fard Bidaat ki mehdood tareen shakl hey. Ab
Agar koi fard Bidaat kay nufooz ko wusat dena chahay tu yeh koshish saood
khlaeay gi aur es ki harkat nuzool kay khilaf waqey ho gi. Yani Bidaat shaoor
chahrum, fard say ubher ker shaoor soyam ya nou kay shaoor ki satah per pohanch
jaeay gi. Yhan fard ka zehan nouyee shaoor ka ahatah ker lay ga. Es mazmoon ko
ajmalan yeh kahen gay ke fard nay apnay Lashaoor ka ahatah ker lea. Agar phir
bhi fard ka zehan saood kerna chahay tu tamamaa anw kay shaoor yani Kainati
satah per qadam rukh sakta hey. Yhan fard kay zehan ki sifat Amr Illahi ki
sifat mein jazb hon gi. Es ki tarz e fikr Sifat Illahi kay juzv aur rang ka
hukm rkhay gi.
Awal shaoor Noor Mafrad aur doyem shaoor
Noor Murakab hey. Yeh Noor ki do qismein hoyeen. Es i tarhan
soyam shaoor Nasma Mafrad aur Chahrum shaoor Nasma Murakab hey. Chunachey Nasma
ki bhi do qismein hoyeen. Kainat ki char Makaniyaton mein pehli do Makaniyaten
Noor ki sakht hen aur bad ki do Makaniyaten Nasma ki. In mein her Makaniyat ki
do satah hen.
1. Noor Mafrad ki dono satah say
alag alag do shuaeyn nikalti hen. Aur sifati taqazay kay tehat jis nuqtah per
mujtama ho ker muzahira kartee hen, wo Noor Mafrad ki takhleeq hey. Es takhleeq
ko mla aala kaha jata hey.
2. Noor Murakab ki do
sathon say bhi alag aalg do shuaeyn nikalti hen. Aur sifati taqazey kay tehat
jis nuqtah per mujtma ho ker muzahira kartee hen, wo Noor Murakab ki ek
takhleeq hey. Es takhleeq ko Malaekah kehtey hen.
3. Nasma Mafrad ki do sathon say
bhi alag alag do shuaeyn nikalti hen aur sifati tqazay kay tehat jis nuqtah per
mujtama ho ker muzahira kartee hen, wo Nasma Mafrad ki takhleeq hey. Es takhleeq
ka naam Jinnat hey.
4. Nasma Murakab ki do
sathon say bhi alag alag do shuaeyn nikalti hen aur sifati tqazay kay tehat jis
nuqtah per mujtama ho ker muzahira kartee hen, wo Nasma Murakab ki takhleeq hey.
Es takhleeq ka naam ansre makhlooq hey. Es hi makhlooq ka ek juzv hmara Kurra e
Arzi bhi hey.
Qalandar Baba Auliay (R.A)
“Guftah O Guftah Allah Bowad Garchah Az Halqoom-e- Abdullah Bowad”
key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq,
Hassan Ukhra Muhammad Azeem Barkhiya, Hazrat Qalandar Baba Auliya Rehmatullah
Aleh R.A ki zabaan-e- faiz-e-tarjumaan sey
nikala hua aik aik lafz khud huzoor baba sahib Ke roohani tasaraf sey merey
zehan par naqsh hota raha….. aur phir yeh Ilhaami tehreer Hazrat Qalandar Baba Aliya
R.A ki Mubarak Zuban aur is Aajiz ke
qalam sey kaghaz par muntaqil ho kar kitaab “Loh-O-Qalam” ban gayi.
Merey paas yeh roohani uloom nou-e-insaan aur noo-e-jinaat key liye
ek wirsah hain. Main yeh amanat barey boorho’n, insaan aur jinaat ki mojoodah
aur aaney waali nasal key supard karta hoon.
Khwaja Shamsuddin Azeemi
