Topics

ROOH E AZAM, ROOH E INSANI, ROOH E HEWANI AUR lATAYEF E SETAH

 

Makhlooq ki saakht mein Rooh ke teen hissey hotey hain……. Rooh-e-azam, Rooh-e-insani, Rooh-e-hewaani.

Rooh-e-azam Ilm waajib ke ajza sey murakab hey.

Rooh-e-insani Ilm wehdat ke ajza sey banti hey aur

Rooh-e-hewaani “Joo” ke ajzaaye tarkeebi par mushtamil hey.

Rooh-e-azam ki ibtida lateefah akhafa aur intiha lateefah khfi hey. Yeh roshini ka aik daairah hey jis mein Kainat ki tammam ghaib ki maloomat naqsh hoti hain. Yeh wohi maloomat hain jo Azal sey Abad tak ke waqiaat ke mitan haqeeqi ki hesiyat rakhti hain. Es daairey mein makhlooq ki maslihato’n aur israr ka record mehfooz hey. Es daairah ko Sabtah kehtey hain.

Rooh insani ki ibtida Latifa e sirri hey aur intiha latfiah roohi hey. Yeh bhi roshini ka aik daairah hey. Es daairey mein wo ahkamaat naqsh hotey hain jo zindagi ka kirdaar bantey hain. Es daairey ka naam “Ayaan” hey.

Rooh hewaani ki ibtida latifah qalbi aur intiha latifah nafsi hey. Yeh roshini ka teesra daairah hey. Es ka naam “ joya” hey. Es daairey mein zindagi ka har amal record hota hey. Amal ke dono hissey jin mein Allah Taala ke ehkaam ke sath jin-o-ins ka ikhtiyaar bhi shaamil hey juzv dar juzv naqsh hotey hain.

Roshini ke teeno’n daairey teen oraaq ki tarah aik dusrey ke sath pewast hotey hain. In ka majmoyee naam rooh, Amr rabbi, juzv latujza ya insan hey.

Lateefah es shakal-o-surat ka naam hey jo apney khad-o-khaal ke zariyey maani ka inkishaaf karta hey. Maslan shama ki lo aik aisa lateefah hey jis mein ujaala, rang aur garmi teeno’n aik jagah jama ho gaye hain. (in ki tarteeb sey aik sholah banta hey jo shahood ki aik shakal hey) in teen ajza sey mil kar shahood ki aik banney wali shakal ka naam sholah rakha gaya hey. Yeh sholah jin ajza ka mazhar hey. In sey har juzv ko aik lateefah kahein gey.

Lateefa No.1: sholah ka ujaala hey.

Lateefa No.2: sholah ka rang hey.

Lateefa No.3: sholah ki garmi hey.

In teeno’n lateefo’n ka majmoyee naam shama hey. Jab koi shakhs lafz shama istemaal karta hey tu ma’nawi tor par es ki muraad teeno’n lateefo’n ki yakja surat hoti hey.

Is tarah insan ki Rooh mein chhey lateefey hotey hain jis mein pehla lateefah Akhfaa hey. Lateefah Akhfaa Ilm illahi ki film ka naam hey. Yeh film lateefah Khaffi ki roshini mein mushahidah ki ja sakti hey. In dono’n lateefo’n ka ijtimayee naam Sabtah hey. Es tarah Sabtah ke do itlaaq hoyee. Aik itlaaq Ilm illahi ke tamasulaat hain aur dusra itlaaq Rooh ki wo roshini hey jis ke zariye tamasulaat ka mushahidah hota hey. Tasawuf ki zuban mein dono’n itlaaq ka majmoyee naam Taddallah hey. Taddallah darasal Asmaye Ilaahiyah ki tashkeel hey. Asmaye Ilaahiyah Allah Taala ki wo sifaat hain jo zaat ka aks ban kar tanazul ki surat ikhtiyaar kar leti hein. Yehi sifaaat mojoodat ke har zarrey mein Taddallah ban kar muheet hoti hein. Pedaaish, arooj aur zawaal ki maslihatein es hi Taddallah mein mandaraj hain. Es hi Taddallah sey Ilm illahi ke aks ki ibtida hoti hey. Jis insan par Ilm illahi kay yeh aks munkashf ho jata hey wo taqdeer rab’baani sey mutla ho jata hey. Es hi Taddallah ya tajalli ka indraaj sabtah mein hota hey. Jaisey Alif Laam Meem khaaliq aur makhlooq ke darmiyaani rabt ki tashreeh hey yani alam ki ramooz ko samjhney wala Allah Taala ki sifat Taddallah ya ramz hukmarani ko parh leta hey.

 Taddallah ka Ilm rakhney wala koi insan jab Alif Laam Meem parhta hey tu es par tammam israr-o-ramooz munkashf ho jatey hain jo Allah Taala ney surah baqrah mein bayan farmaaye hain. Alif Laam Meem ke zariye sahib-e-shahood par wo israr munkashaf ho jaatey hain jo mojoodat ki rag-e-jaan hain. Wo Allah Taala ki es sifat Taddallah ko dekh leta hey jo Kainat ke har zarrey ki Rooh mein ba’shakal tajalli pewast hey. Koi ahl-e-shahood jab kisi fard ke lateefah Khaffi mein Alif Laam Meem likha dekhta hey tu yeh samajh leta hey ke es nuqtey mein sifat Taddallah ki roshiniya’n jazb hain. Yehi roshiniya’n Azal sey Abad tak ke tammam waqiaat ka inkishaaf karti hain. Lateefah Khaffi ke batin ka inkishaaf lateefah akhfaa ka inkishaaf hey aur dono’n lateefo’n ka ijtimayee naam Rooh azam ya Sabtah hey.

Agar hum Sabtah ko aik nuqtah ya aik warq farz kar lein tu es warq ka aik safah lateefah Akhfaa aur dusra safah lateefah Khaffi hoga. Fil-waaqia lateefah Khaffi noori tehreer ki aik mukhtasir shakal (SHORT FORM) hey jis ko parhney ke baad koi sahib-e-israar es ke purey mafhoom sey mutla ho jata hey. Es mafhoom ke mutaliq yeh nahin kaha ja sakta ke wo mukhtasir hey kiyun ke SHORT FORM honey ke ba’wajood wo apni jagah kisi fard ki pedaish sey mutaliq Allah Taala ki tammam maslehato’n ki tashreeh hota hey. Es hi cheez ko israr ki istilaah mein asma ya Ilm qalam kaha jata hey. Yeh Ilm do hisso’n par mushtamil hey.

Pehla hissah: Asmaaye Ilaahiyah

Dusra hissah: Ilm haroof maqtaat

Topics

Loh o Qalam (Roman) View

Loh o Qalam (Roman)

Qalandar Baba Auliay (R.A)

“Guftah O Guftah Allah Bowad Garchah Az Halqoom-e- Abdullah Bowad” key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq, Hassan Ukhra Muhammad Azeem Barkhiya, Hazrat Qalandar Baba Auliya Rehmatullah Aleh R.A ki zabaan-e- faiz-e-tarjumaan sey nikala hua aik aik lafz khud huzoor baba sahib Ke roohani tasaraf sey merey zehan par naqsh hota raha….. aur phir yeh Ilhaami tehreer Hazrat Qalandar Baba Aliya R.A ki Mubarak Zuban aur is Aajiz ke qalam sey kaghaz par muntaqil ho kar kitaab “Loh-O-Qalam” ban gayi.

Merey paas yeh roohani uloom nou-e-insaan aur noo-e-jinaat key liye ek wirsah hain. Main yeh amanat barey boorho’n, insaan aur jinaat ki mojoodah aur aaney waali nasal key supard karta hoon.

 

 

Khwaja Shamsuddin Azeemi