Topics

Kun Fa Yakoon

          

Jab Allah Taala ney Kainat banai aur lafz Kun farmaya, es waqt Ism Raheem ki quwat ta’saraf ney harkat mein aa kar Kainat ke tammam ajza aur zar’raat ko shakal-o-surat bakhshi. Jis waqt tak lafz Raheem itlaaqiyah ki hesiyat mein tha es waqt tak es ki sifat sirf Ilm ki hesiyat rakhti thi lekin jab Allah Taala ney lafz Kun faramay tu Raheem Ism itlaaqiyah sey tanazul kar ke Ism ainiyah ki hado’n mein daakhil ho gaya aur Raheem ki sifat Ilm mein harkat peda ho gayi jis ke baad harkat ki sifat ke ta’luq sey lafz Raheem ka naam Ism ainiyah qaraar paaya.

Is ke baad Allah Taala ney mojoodat ko khitaab farmaya:

اَلَسْتُ بِرَبِّکُمْ

                   (Pehchaan Lo, mein Tumhara RABB Hoon)

Rooho’n ney jawaban kaha…Ba’la (Ji Haan, Hum ney pehchaan liya)

Jab rooho’n ney RABB honey ka aitraaf kar liya tu Ism Raheem ki hesiyat Ism ainiyah sey tanazul kar ke Ism koniyah ho gayi.

Tasawuf ki zuban mein Ism itlaaqiyah ki hadood sifat Tadallah kehlati hey. Ism ainiyah ki sifat abda kehlati hey aur Ism koniyah ki sifat kehlati hey. Ism koniyah ki sifat ke mazhar ko tadbeer kaha jata hey. Jahan Allah Taala ney Quran Pak mein Eesaa Alehem Salam ke Rooh phoonkney ka bayan kiya hey wahan Ism Raheem ki in teeno’n sifaat ka isharah farmaya aur teesri sifat ke mazhar ko Rooh phoonkney ka naam diya hey.

Yehan par yeh samjhna zaroori hey ke insan ko Sabtah ki hesiyat mein Ism Raheem ki sifat Tadallah haasil hey aur wo Allah Taala ke diye hoye es wasaf sey murdo’n ko zindah karney ya kisi shey ko takhleeq karney ka kaam sar anjam dey sakta hey.

Phir es hi Ism Raheem ka tanazul sifat ainiyah ki surat mein Ayaan ke andar mojood hey. Jis ke tasarufaat ki salahiyatein insan ko poori tarah haasil hain. Ism Raheem ki sifat koniyah insan ke Jovaya mein pewast hey aur es ko Allah Taala ki taraf sey es sifat ke istemaal ka haq bhi haasil hey. Allah Taala ney Hazrat Eesaa Alehem Salam ki misaal dey kar es naimat ki wazahat kar di hey. Agar koi insan es sifat ki salahiyet ko istemaal karna chahey tu isey apney saabtah, apney Ayaan aur apney Jovaya mein muraqaba ke zariye es fikr ko mustehkam karna parey ga ke meri zaat Ism Raheem ki sifaat sey ta’luq rakhti hey. Es fikr ki mashq ke doraan mein wo es baat ka mushahidah karey ga ke es ke saabtah, es ke Ayaan aur es ke Jovaya sey Ism Raheem ki sifat Rooh ban kar es murdah mein muntaqil ho rahi hey jis ko wo zindah karna chahta hey. Yeh haqeeqat hey ke mojoodat ki jis qadar shaklein aur surtein hain wo sab ki sab Ism Raheem ki sifaat ka noori majmoa hein. Yeh majmooa insan ki Rooh ko haasil hey. Es shakal mein insan ki Rooh aik had mein saahib-e-tadallah, aik had mein saahib-e-abda aur aik had mein saahib-e- khalaq hey jis waqt wo fikr ki poori mashq haasil karney ke baad Ism Raheem ki es sifat ko khud sey alag shakal-o-surat deney ka iradah karey ga tu sifat Tadallah ke tehat es kay yeh ikhtiyaar harkat mein aaye ga. Sifat ibda ke tehat hidayat harkat mein aaye gi aur sifat khalq ke tehat takween harkat mein aaye gi aur in teeno sifaat ka mazhar es Zee Rooh ki shakal-o-surat ikhtiyaar karey ga jis ko wajood mein laana maqsood hey.

Tarkeeb:

Sifat Tadallah (Ikhtiyaar ilaahiyah) (Saabtah) + Sifat ibda Ilahiyah (Ain) (kisi cheez ki kaamil shakal-o-surat)+sifat khalq Ilahiyah (joya) (harkaat-o-saknaat zindgi)= mazhar (wajood na sooti) hamari duniya ke mushahidat yeh hain ke pehley hum kisi cheez ke mutaliq maloomat haasil kartey hain. Agar kabhi itfaqiyah aisa hua hey ke hamein kisi cheez ke mutaliq koi maloomat nahin aur wo achanak ankhon ke samney aagayi hey tu hum es cheez ko bilkul nahin dekh saktey.

Misaal.1:

Lakri ke aik frame mein aik tasweer laga kar bohat shafaaf aainah tasweer ki satah par rakh diya jaye aur kisi shaks ko fasley par khara kar ke imtiha’nan yeh poocha jaye ke batao tumhari ankhon ke samney kiya hey tu es ki nigah sirf tasweer ko dekhey gi. Shafaaf honey ki wajah sey aainah ko nahin dekh sakey gi. Agar es shakhs ko yeh bata diya jaye ke aainah mein tasweer lagi hoyee hey tu pehley es ki nigah aainah ko dekhey gi, phir tasweer ko dekhey gi. Pehli shakal mein agarchey dekhney waley ki nigah aainah mein se guzar kar tasweer tak pohnchi thi lekin es aainah ko mehsoos nahin kiya. Albatah maloomat honey ke baad dusri shakal mein koi shakhs pehley aainah ko dekhta hey aur phir tasweer ko. Yeh misaal nigah ki hey.

Misaal.2:

Herosheema ki aik pahaari jo atom bomb sey fana ho chuki thi, logo’n ko door sey apni shakal-o-surat mein nazar aati thi lekin jab es ko choo kar dekha gaya tu dhoowein ke asraat bhi nahin paaye gaye. Es tajurbah sey maloom ho gaya ke sirf dekhney walo’n ka Ilm nazar ka kaam kar raha tha.

Misaal.3:

Aam mushahidah hey ke goongey beherey dekh saktey hain lekin na bol saktey hain, na sun saktey hain. Na bolna aur na sunna es Amr ki daleel hey ke in ka Ilm sirf nigah tak rasaai haasil kar sakta hey yani in ki nigah Ilm ki qayam maqam tu ban jati hey lekin dekhi hoyee cheezon ki tashreeh nahin kar sakti. In ki wo salahiyatein jo Ilm ko sunney aur bolney ki shakal-o-surat deti hain maadoom hain. Es liye in ka Ilm sirf nigah tak mehdood rehta hey. Yehan sey Ilm ke batdareej mukhtalif shakalein ikhtiyaar karney ka inkishaaf ho jata hey. Es qism ki hazaaro’n misaalein mil sakti hain. Chunachey es sey yeh natijah nikalta hey ke agar kisi cheez ka Ilm na ho tu nigah sifur ki hesiyat rakhti hey. Goya Ilm ko har surat mein awaliyat haasil hey aur baqi mehsoosat ko saanwiyat.

Qa’noon:

Har ehsaas khawaah basar, sama ho ya lams ho wo Ilm hi ki aik shaakh hey. Ilm hi es ki buniyad hey. Ilm ke bagher tammam nafi ka darjah rakhtey hain. Agar kisi cheez ka Ilm nahin hey tu na es cheez ka dekhna mumkin hey na sunna mumkin hey. Bialfaaz degar kisi cheez ka Ilm hi es ka wajood hey. Agar hamain kisi cheez ki maloomat farahum nahin ki gayi hain to hamarey nazdeek wo cheez maadoom hey.

Qaaidah:

Jab Ilm har ehsaas ki buniyad hey tu Ilm hi basar hey, Ilm hi sama hey, Ilm hi kalaam hey aur Ilm hi lams yani kisi insan ka tammam kirdaar sirf Ilm hey.

Kuliyaah:

Ilm aur sirf Ilm hi mojoodat hey. Ilm sey ziyadah mojoodat ki koi hesiyat nahin.

Haqeeqat:

Ilm Haqeeqat hay aur Adam Ilm La Mojood hay. Asmaye sifat hi mojoodat hain. Sifat ki pehli mojoodogi ka naam Itlaaq, dusri mojoodgi ka naam Ain, teesri mojoodgi kan naam Kaun hay aur teenon mojoodigiyon ka naam mazhar hay.

Tashreeh:

Ilm itlaaq, Ilm Ain aur Ilm kon ke yakja honey ka naam wajood ya mazhar hey.

Basar = Itlaaq + Ain + Kon = Ilm = Wajood

Sama = Itlaaq + Ain + Kon = Ilm = Wajood

Kalaam = Itlaaq + Ain + Kon = Ilm = Wajood

Shaamah = Itlaaq + Ain + Kon = Ilm = Wajood

Lams = Itlaaq + Ain + Kon = Ilm = Wajood

Basar = Sama, Kalaam, Shaamah aur Lams = Wajood = Ilm

Oopar bayan kiye hoey haqaaiq ke tehat wajood sirf asmaaye Ilaahiyah ki sifaat ka aks hey. Allah Taala ka har Ism Allah Taala ki sifat hey. Allah Taala ki har sifat Allah Taala ka Ilm hey aur Allah Taala ke Ilm ke teen aks hain.

Itlaaq

Ain Aur

Kon.

In teeno’n akso’n ka majmoa hi mazhar ya wajood hey. Darasal kisi bhi wajood ya mazhar ki buniyad Asmaaye Ilaahiyah ki sifaat hain aur Asmaaye Ilaahiyah ke chhey (6) tanazalaat sey Kainat Aalam wajood mein ayee. Ism ka tanazul sifat, sifat ka tanazul ilm. Ilm ney jab nazool kiya tu es ke teen aks wajood mein aaye. Itlaaq, Ain aur Kon. In teeno’n akso’n ney jab tanazul kiya tu mazhar ya wajood ban gaya. Wajood ki tashreeh ooper guzar chuki hey aur yeh faislah ho chukka hey ke wajood sirf Ilm hey. Jab sifaat ka aks wajood hey tu sifaat ka aks hi Ilm hua. Kiyun ke Ism sifat hey, es liye Ism ka ta’luq barah e raast Ilm sey saabet ho jata hey. Jab Ism tanazul karey ga tu Ilm ban jaye ga aur Ilm hi apni shakal-o-surat mein mazhar koniyah hoga. Yeh wohi asma hain jin ka tazkirah Quran Pak mein hey.

Topics

Loh o Qalam (Roman) View

Loh o Qalam (Roman)

Qalandar Baba Auliay (R.A)

“Guftah O Guftah Allah Bowad Garchah Az Halqoom-e- Abdullah Bowad” key misdaaq Haamil Ilm-e-laduni, waqif israar kun fakoon, Murshid Kareem, Abdaal-e-Haq, Hassan Ukhra Muhammad Azeem Barkhiya, Hazrat Qalandar Baba Auliya Rehmatullah Aleh R.A ki zabaan-e- faiz-e-tarjumaan sey nikala hua aik aik lafz khud huzoor baba sahib Ke roohani tasaraf sey merey zehan par naqsh hota raha….. aur phir yeh Ilhaami tehreer Hazrat Qalandar Baba Aliya R.A ki Mubarak Zuban aur is Aajiz ke qalam sey kaghaz par muntaqil ho kar kitaab “Loh-O-Qalam” ban gayi.

Merey paas yeh roohani uloom nou-e-insaan aur noo-e-jinaat key liye ek wirsah hain. Main yeh amanat barey boorho’n, insaan aur jinaat ki mojoodah aur aaney waali nasal key supard karta hoon.

 

 

Khwaja Shamsuddin Azeemi