Topics
س: سات سال ہو گئے ہیں میرے ہاتھوں کی انگلیوں میں کپکپاہٹ رہتی ہے۔ گلاس پکڑتا ہوں تو گلاس بھی تھر تھراتا ہے۔ نماز پڑھنے کے بعد جب دعا مانگنے کے لئے ہاتھ اٹھاتا ہوں تو بھی انگلیوں میں تھرتھراہٹ ہوتی ہے لیکن اگر انگلیوں کو ملا لوں تو ایسا نہیں ہوتا۔ یہ کپکپاہٹ زیادہ تر دن میں رہتی ہے اور رات کو بالکل نہیں ہوتی۔ اگر دیوار سے ہاتھ ٹیک کر کھڑا ہوتا ہوں تو بھی ہاتھ تھر تھراتا ہے۔ آپ سے التماس ہے کہ کوئی مفید وظیفہ بتا دیں۔
ج: کھانوں میں نمک کی مقدار کم سے کم کر دیں اور روزانہ تین وقت ایک ایک چمچی شہد پر تین بِسْمِ اللّٰہِ الرَّحْمٰنِ الرَّحِیْمِoالر ۚ تِلْكَ آيَاتُ الْكِتَابِ الْمُبِينِ-اَلرَّحِیْمُ اَلرَّحِیْمُ اَلرَّحِیْمُ پڑھ کر دم کر لیا کریں۔ میری دعا ہے کہ اللہ تعالیٰ آپ کو شفائے کلی عطا فرمائیں۔ دوپہر کو کھانا کھانے کے بعد سرخ شعاعوں کا پانی تیار کر کے دو اونس 21یوم تک پی لیا کریں۔ کثرت سے وضو یا بغیر وضو یا حی یا قیوم کا ورد کریں۔
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
انتساب
ہر انسان کے اوپر روشنیوں کا ایک اور جسم ہے جو مادی گوشت پوست کے جسم کو متحرک رکھتا ہے۔ اگریہ روشنیوں کا جسم نہ ہو تو آدمی مر جاتا ہے اور مادی جسم مٹی کے ذرات میں تبدیل ہو کر مٹی بن جاتا ہے۔
جتنی بیماریاں، پریشانیاں اس دنیا میں موجود ہیں وہ سب روشنیوں کے اس جسم کے بیمار ہونے سے ہوتی ہیں۔ یہ جسم صحت مند ہوتا ہے آدمی بھی صحت مند رہتا ہے۔ اس جسم کی صحت مندی کے لئے بہترین نسخہ اللہ کا ذکر ہے۔
*****
