Spiritual Healing
س: مجھے یہ مرض لاحق ہے کہ اگر میں سارے دن بھی پیشاب کے لئے بیٹھا رہوں تو پیشاب آتا رہتا ہے۔ دن میں دس پندرہ مرتبہ پیشاب کی حاجت ہوتی ہے ۔ ذرا سا چھینکنے پر بھی کپڑے ناپاک ہو جاتے ہیں۔ نماز میں جب رکوع میں جاتا ہوں تو لازمی طور پر پیشاب نکل جاتا ہے۔ خواجہ صاحب! مجھے نماز پڑھنے کا بہت شوق ہے مگر میں بیماری کی وجہ سے نماز بھی نہیں پڑھ سکتا۔ غریب آدمی ہوں آپ کے علاج سستے اور آسان ہوتے ہیں اس لئے آپ کو زحمت دے رہا ہوں۔ مجھے یقین ہے کہ آپ کے تجویز کردہ علاج سے مجھے اس تکلیف سے نجات مل جائے گی۔
ج: عمدہ قسم کے دو عدد چھوارے پانی میں دھو کر رات کے وقت ایک پاؤ دودھ میں پکایئے۔ دودھ مع چھواروں کے آسمان کے نیچے رکھ دیجئے تا کہ ان پر اوس پڑتی رہے۔ صبح سورج طلوع ہونے سے پہلے ان رات کے پکائے ہوئے چھواروں کو اسی دودھ میں دوبارہ جوش دیجئے۔ ٹھنڈے ہونے پر چھوارے کھا کر دودھ پی لیجئے۔ یہی آپ کا ناشتہ ہے۔ نوے دن میں شکایت پوری طرح رفع ہو جائے گی
خواجہ شمس الدین عظیمی
جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔
آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔
انتساب
ہر انسان کے اوپر روشنیوں کا ایک اور جسم ہے جو مادی گوشت پوست کے جسم کو متحرک رکھتا ہے۔ اگریہ روشنیوں کا جسم نہ ہو تو آدمی مر جاتا ہے اور مادی جسم مٹی کے ذرات میں تبدیل ہو کر مٹی بن جاتا ہے۔
جتنی بیماریاں، پریشانیاں اس دنیا میں موجود ہیں وہ سب روشنیوں کے اس جسم کے بیمار ہونے سے ہوتی ہیں۔ یہ جسم صحت مند ہوتا ہے آدمی بھی صحت مند رہتا ہے۔ اس جسم کی صحت مندی کے لئے بہترین نسخہ اللہ کا ذکر ہے۔
*****
