Topics
” سلسلہ کا کوئی صاحب مجاز مجلس میں گدی نشین ہو کر نہ بیٹھے نشست و برخاست عوام کی طرح ہو“
سلسلہ عظیمیہ کے صاحب ِ مجاز خواتین و حضرات کے لئے سلسلہ کے قواعد و ضوابط میں یہ بات شامل ہے کہ ان کی نشست و برخاست عوام کی طرح ہو کیونکہ گدی نشین ہو کر بیٹھنا، امتیاز اختیار کرنا یا غیر ضروری خود نمائی کرنے سے انسان عوام سے دور ہو جاتا ہے اور اگر کوئی شخص اپنی طرزِ گفتار، اپنے معاملات، لباس یا کسی اور کے حوالے سے امتیاز برتے گا تو وہ عوام میں گھل مل نہیں سکتا۔
صاحب ِ مجاز مرشد، سیدنا حضور ﷺ کے علوم کا وارث ہوتا ہے اور حضور ﷺ کے علوم کی ترویج اس کی ذمہ داری ہوتی ہے۔ اس لئے وہ اپنی ذات کو عوام کے سامنے اس طرح پیش کرتا ہے جس سے لوگوں کو زیادہ سے زیادہ علم ، ہدایت اور نفع پہنچے۔ حضور ﷺ کی تعلیمات کے پرچار کا تقاضہ یہی ہے کہ وہ جس علاقہ یا عوام میں تبلیغ کا فریضہ انجام دے رہا ہے وہاں کے حالات اور رہن سہن کے مطابق اپنی تعلیمات کو پیش کرے۔ اس کا رکھ رکھاؤ اس طرح ہو کہ امیر اور غریب سب اس کی تعلیمات سے فائدہ اٹھا سکیں۔
خواجہ شمس الدین عظیمی
مرشد کریم حضرت خواجہ شمس الدین عظیمی
فرماتے ہیں کہ کہ قرآنی تعلیمات کی روشنی میں ہم جب تک فکر کرتے ہیں تو یہ بات روز روشن کی طرح سامنے آتی ہے کہ
رسول اللہ صلی اللہ اللہ علیہ وسلم کی اتباع کے بغیر زندگی کو صحیح طرح نہیں
گزارا جاسکتا ہر مسلمان صحیح خطوط پر پر اپنی زندگی کو اس وقت ترتیب دے سکتا
ہے ہے جب قرآن حکیم کے بیان کردہ حقائق کو سمجھ کر اللہ کے ساتھ ، اللہ کے رسول
صلی اللہ علیہ وسلم کی اطاعت اپنی عملی زندگی بنا لیں۔
