Topics
”کسی بھی سلسلہ کے مقابلہ میں اپنے سلسلہ کو برتر ثابت نہ کریں اس لئے کہ تمام راستے اللہ تک پہنچنے کا ذریعہ ہیں“
تمام سلاسل طریقت حضور اکرم ﷺ کی منظوری ، خوشنودی اور رضامندی سے جاری ہوئے ہیں۔ تمام سلاسل توحید باری تعالیٰ کا پرچار کرتے ہیں۔ سلاسل اللہ تعالیٰ تک پہنچنے کے مختلف راستے ہیں۔ مقصد مشترک ہونے کی بناء پر کسی بھی سلسلہ کو کسی دوسرے سلسلہ سے برتر ثابت کرنے کی کوشش کرتا ہے تو در اصل وہ ایک ایسے اختلاف وافراق کی بنیاد رکھتا ہے جو لوگوں کو منتشر کرنے کا باعث ہے۔ اس عمل سے رسول اللہ ﷺ کے مشن کے فروغ اور تعلیمات کی ترویج میں رخنہ در آتا ہے اور اخوت کی دیوار میں دراڑ پڑ جاتی ہے۔
اپنے آپ کو برتر ثابت کرنا کبرو نخوت کا اظہار ہے۔ سلوک کے راستوں میں کِبر زہرِ قاتل ہے۔ کِبر شیطانی وصف ہے جو بندے کو اللہ سے دور لے جاتا ہے۔
سلسلہ عظیمیہ نے اس نقصان سے بچنے ، حضور ﷺ کی تعلیمات کو فروغ دینے اور دیگر سلاسل سے مربوط رہنے کے لئے اپنے سلسلہ کو دوسروں پر برتر ثابت کرنے سے منع کیا ہے۔
خواجہ شمس الدین عظیمی
مرشد کریم حضرت خواجہ شمس الدین عظیمی
فرماتے ہیں کہ کہ قرآنی تعلیمات کی روشنی میں ہم جب تک فکر کرتے ہیں تو یہ بات روز روشن کی طرح سامنے آتی ہے کہ
رسول اللہ صلی اللہ اللہ علیہ وسلم کی اتباع کے بغیر زندگی کو صحیح طرح نہیں
گزارا جاسکتا ہر مسلمان صحیح خطوط پر پر اپنی زندگی کو اس وقت ترتیب دے سکتا
ہے ہے جب قرآن حکیم کے بیان کردہ حقائق کو سمجھ کر اللہ کے ساتھ ، اللہ کے رسول
صلی اللہ علیہ وسلم کی اطاعت اپنی عملی زندگی بنا لیں۔
