Topics

امید بندھی اور ٹوٹ گئی-Aulad ke liye۔استقرار حمل ۔


سوال: میری شادی 1978ء میں ہوئی تھی۔ شادی کے تیسرے مہینے امید بندھی لیکن اسی مہینے خالی ہو گئی۔ اس کے بعد کافی دنوں تک استقرار حمل نہیں ہوا۔ تو میں نے اور میرے شوہر نے ڈاکٹر کو دکھایا۔ ڈاکٹر نے میرے اندر کوئی خرابی بھی نہیں بتائی۔ میرے شوہر کی رپورٹ صحیح نہیں تھی۔ مہنگا ترین علاج ہوتا رہا۔ ڈاکٹر کا کہنا ہے کہ اولاد ہونی چاہئے۔ آپ مجھے کوئی مشورہ یا وظیفہ بتا دیجئے جس سے میری یہ مشکل حل ہو جائے۔

جواب: رنگ اور روشنی سے علاج کے طریقے پر بینگنی رنگ کی شعاعوں کا تیل، کمر میں ریڑھ کی ہڈی کے جوڑ پر مالش کریں۔ دائروں میں دس د س منٹ صبح اور رات، اس تیل کی مالش دونوں میاں بیوی کریں۔ کتاب رنگ و روشنی سے علاج ہر جگہ دستیاب ہے۔ اس میں سے تیل بنانے کی ترکیب پڑھ لیں۔


Topics


Roohani Daak (2)

خواجہ شمس الدین عظیمی

جناب خواجہ شمس الدین عظیمی صاحب نے کالم نویسی کاآغاز1969میں روزنامہ حریت سے کیا ۔پہلے طبیعیات کے اوپر مضامین شائع ہوتے رہے پھر نفسیات اور مابعد نفسیات کے مضمون زیر بحث آ گئے۔ روزنامہ حریت کے قارئین نے سائیکالوجی اور پیراسائیکالوجی کے ان مضامین کو نہ صرف پسند کیا بلکہ اپنے مسائل کے حل کے لئے خطوط لکھنے شروع کر دیئے۔ زیادہ تر خطوط خواب سے متعلق ہوتے تھے۔ شروع کے دنوں میں ہفتہ میں تین یا چار خط موصول ہوتے تھے اور پھر یہ سلسلہ ہر ہفتہ سینکڑوں خطوط پر پھیل گیا۔ حریت کے بعد روزنامہ جسارت، روزنامہ اعلان، روزنامہ مشرق اور پھر روزنامہ جنگ میں روحانی ڈاک کے عنوان پر یہ کالم اتنا زیادہ مقبول ہوا کہ خطوط کی تعداد ہزاروں تک پہنچ گئی۔ جب اخبار کا دامن اتنی بڑی ڈاک کا متحمل نہ ہو سکا تو پیارے اور محترم دوستوں کے مشوروں اور تعاون سے روحانی ڈائجسٹ کا اجراء ہوا اور آج بھی روحانی ڈاک کے عنوان سے یہ کالم روحانی ڈائجسٹ میں شائع ہو رہا ہے۔

آپ نے ان اخبارات وجرائد میں عوام کے ان گنت معاشی، معاشرتی، نفسیاتی مسائل اورالجھنوں کا حل پیش کیا ہے اورمظاہرقدرت کے پیچیدہ معموں سے متعلق سوالات کے جوابات دئیے ہیں۔خواجہ شمس الدین عظیمی صاحب کے لائق شاگرد جناب میاں مشتاق احمد عظیمی نے روحانی ڈاک میں شائع شدہ ان خطوط کو یکجا کیا اورترتیب وتدوین کے مراحل سے گزارکر چارجلدوں پر مشتمل کتاب روحانی ڈاک کو عوام الناس کی خدمت کے لئے شائع کردیا۔