Topics

Shohar London mein hain

Sawal   : umeed hai ke apni gham zada behan samajh kar meri madad farmaen ge. Aap mujh jaisay hazaron be sahara logon ke dukh banttay hain. Meri bhi madad karen. Meri kahani yun hai ke meri shadi ko paanch saal ho gaye hain magar aik din sukoon nahi mila hai. Shadi ke teen mah taq mere shohar theek rahay is ke baad ulti seedhi baatein karne lagey. Maa baap ko gaaliyan dete. Dewaron ke sath baatein karte phir un ke waalid ne un ko London bhaij diya. Saat mah baad bachi peda hui to phir un par dora para ke quran pak ghrse utha kar masjid ki deewar par rakh diye. Ghilaaf utaar pheink diya. Jaye namaz, tasbeeh jungle mein pheink aeye. Pardon ke kapray aur islami kitabon ko aag laga di. Din ke waalid ne un ko dobarah London bhaij diya hai. Mera koi aasra nahi hai. Aik walida theen woh Allah ko pyari ho gayeen. Ab meri bachi bhi chay mah ki ho gayi hai.


Jawab  : aap ke shohar dimaghi mareez hain un ka baqaida ilaaj hona chahiye. Mehez dam duroood se ilaaj par takiya nah karen. Hospital mein daakhil kara ke ilaaj karayen. Aap ke shohar Bartanwi shehriat rakhtay hain. Un ka wahan behtareen ilaaj ho sakta hai. Is ke bajaye ke aap inhen yahan bulayen. Koshish kar ke aap wahan chali jayen aur wahan reh kar un ka poora ilaaj karayen. 
Sahet yabi ke liye har namaz ke baad aik so aik baar ya allah ya Rehman ya Raheem parh kar dua kya karen.

Topics


Roohani Daak (1)

KHWAJA SHAMS-UD-DEEN AZEEMI