Topics
Sawal : sara haal maloom sun-hwa. Ab
mein apna haal ahwaal bta rahi hon. Hum paanch behnain theen sab se choti mein
thi. Lekin mujhe maa baap ne bohat laad pyar se paala posa. Aur meri shadi ho
gayi. Aik saal bohat khusi se guzra. Is ke baad ghar ke halaat bigartai hi
chalay gay. Ab mein to bilkul hi rootti ki mohtaaj hon. Saas nand pehlay apne
makaan mein thi. Mera haal kuch theek ho gaya tha. Ab un logon ne apna makaan
beech diya hai aur mere sir par aakar baith gay hain. Maa baap ne jo kuch diya
tha woh bhi unhon ne chean liya hai. Ghar mein har waqt fasaad rehta hai. Barri
barri gaaliyan deti hain. Agar mein Jawab dun to mera khawand mujhe maarta hai. Chup rahon
to un ko mana nahi karta. Saas nandein kehti hain ke hum bhai ki doosri shadi
kar len ge. Khawand ki thankhowa barri behan ki tehweel mein rehti hai. Mein apna
guzara karne ke liye silai karhai ka kaam karti hon. Yun mehsoos hota jaisay
mera ghar mera nahi hai mein is ghar ki faqeeran hon. Aur to aur ab mein maikay
bhi nahi ja sakti. Behan bhai mujh se milnay nahi aa satke. Itni sakht
pabandiyan aur sakhtiyan bardasht karte hue saloon guzar gay hain.
Mein ne bohat sabr kya hai ab baat bardasht se bahar ho gayi hain. Yeh log kisi
terhan baz nahi aeye mujhe aisa wazifa bta den ke yeh log apne ghar chalay
jayen nahi to mein apne hathon apna gala ghoont lon gi.
Jawab : aadhi raat guzar jaane ke
baad neend se beedar ho kar ghusal kijiyej aur do Nafil ada kar ke musalley par
baithy baithy 141 martaba ya raqeeb parh kar ankhen band kar len aur yeh
tasawwur karen ke aap ke seenay mein roshniyan bhari hui hain aur ghar ke afraad
ke oopar yeh roshniyan barish ki terhan baras rahi hain. Is amal se Insha Allah
aap ka apna ghar ban jaye ga aur roz burrows ki zayadtio se aap ko nijaat mil
jaye gi. Amal ki muddat chalees roz ya nawway din hai.
