Topics

Rohani Ghiza

Sawal   : guzarish hai ke manfi khayalat, shaytani waswason, nagehani afaat, logon ke hasad waghera se mehfooz rehne ke liye kuch vird tehreer farma den taa ke dil ko taqwiyat rahay ke Rohani ghiza mil rahi hai. Kamzor dil ensaan mayoosi ke darya mein doob jata hai. Mujhe hazaron qisam ke logon se Sabiqa parta hai. Koi tareef karta hai, koi nuqsaan pohanchanay ki dhamki deta hai, koi court mein case karne ki dhamki deta hai, koi wakeel ke zariye notice bhejta hai. Un sab se Mamoon rehne aur dil ko taqwiyat haasil hona zurori hai.


Jawab  : har namaz ke baad so martaba Nasar mann allah o fatah qareeb padkar apne oopar dam kar liya karen. Insha Allah aap dushmanon ke shar aur hasad se mehfooz rahen ge.

Paros ke logon ki kharab zehniat se bachney aur dushmanon ke shar se mehfooz rehne ke liye Fajar ki ada namaz ke baad so martaba Nasar mann allah o fatah qareeb parh kar pani par dam karen aur apne sab bachon ko pila diya karen. Insha Allah aap ke bachay dushmanon ke shar se mehfooz rahen ge.

Topics


Roohani Daak (1)

KHWAJA SHAMS-UD-DEEN AZEEMI