Topics
Sawal : aap ne aik aisay bacha,
jis ki rotay rotay saans ruk jati hai aur be hadd nidhaal ho jata hai ke liye
shahadat ki ungli par ya hi ya qayum parh kar 21 roz taq shehad chataney ke
liye bataya hai. Arz hai ke mere bachay ki bhi yahi kefiyat hai. Is ki Umar do
saal hai. Jab rota hai to bohat der mein saans aata hai. Haath paiir balkay
poora jism dheela chore deta hai aur hont uday ho jatay hain. Peeth par haath
maarny se kaafi der baad saans aata hai. Aap baraye meharbani Jawab mein yeh farma dijiye ke kya mein bhi yeh
ilaaj kar sakti hon.
Jawab : aap apne bachay ka mazkoorah tareeqa par
ilaaj karen. Allah taala Shifa ataa karaingay. Is ke ilawa raat ke waqt jab
bacha gehri neend so jaye to itni aawaz se ke neend kharab nah ho aik martaba
surah falaq poora surah parh diya karen, chalees roz taq.
