Topics
Rohaniyat se mutaliq insani tareekh ki fehrist mein mardon ke
muqablay mein aurton ke naam ziyada kyun nahi militay ?
Hamaray khayaal mein is ki barri wajah mard ke andar ehsas kamtri
hai. Mard ney apni bartari qaim rakhnay ke liye aurat ki rohani salahiyaton par
pehray bitha diye. Yahi nahi hua balkay mard ney aurat ko bazaar ki jins bana
diya. Bheer bakryon ki terhan aurton ko mndyon mein farokht kya gaya. Jadugarni
honay ka ilzaam aed kar ke mout ke ghaat utaara jata raha.
Ibtida mein mard ney aurat ko devi tasleem kya aur is ki parastish
ki aur is ki farmabardari mein sir jukaye raha. Magar baad mein usay is mansab
se alehda kar ke mard devtaon ko is ki jagah laa bithaya. Mard muashray ney
apne daur iqtidaar mein sahra ki saza mout tajweez ki. Jab koi mard apni biwi
par jadugarni ka ilzaam lagaata to usay ghoray ki dam se bandh kar pani mein
duubo kar ya phir zindah jala kar halaak kar diya jata tha. Hum yeh nahi kehte
ke sirf mard hi jadugar hota hai. Aurat jadugarni nahi hoti mardon ki terhan
aurtain bhi jadugarni hoti hain. Magar tareekh ke safhaat aurat ki mzlomit se
bharay parre hain.
