Topics
Jaria Soda ka talluq faris se tha. apne ilaqay ke har ghar ki
khabar rakhti theen. Jis ghar mein zaroorat hoti usay poora kartin. Allah
Taala o raas ke Rasool (s.a.w) ke diye hue haqooq se khawateen ko
aagah kartin. Aap farmaati theen :
Biwi chahay kitni maldaar ho magar kifalat shohar ke zimma hai.
Rehne ke liye ghar dena bhi shohar ki zimma daari hai. Nikah ho gaya magar abhi
rukhsati nahi hui to shohar larki ko kharch dainay ka paband hai. Larki walon
ki taraf se rukhsati mein der kar di jaye to larki kharch lainay ki majaz nahi
hai. Jitne arsay biwi shohar ki ijazat se maikay mein qiyam kere itnay arsay
tak ilaaj aur roti kapra ka kharcha shohar se le sakti hai. Bemaar biwi agar
maikay reh kar ilaaj karaye tab bhi poora kharch shohar se le sakti hai.
Agar biwi, shohar ke rishta daaron ke paas nah rehna chahay to
shohar ke oopar farz hai ke biwi ke liye allag ghar ka intizam kere. Dono miyan
biwi raza mandi se agar saas sasur ke paas rahen. Baho, saas sasur aur rishta
daaron ki khidmat kere to yeh bohat achi baat hai. Is terhan khandan jura rehta
hai aur aapas mein mohabbat aur ulfat barhti hai. Aurat chahay to bacha ko
doodh pilanay ki ujrat shohar se le sakti hai.
Quran pak mein Allah Taala
farmatay hain :
'' Un ko zamana iddat mein is jagah rakho jahan tum rehtay ho,
jaisi kuch bhi jaghen tumhe muyassar hon. Inhen tang nah karo. Aur agar woh
haamla hon to un par is waqt tak kharch karte raho jab tak un ka hamal waza nah
ho jaye. Phir agar woh tumahray ( bachay ko ) doodh pilain to is ki ujrat inhen
do aur bhallay tareeqay se ( ujrat ka maamla ) bahami guft o shaneed se tay kar
lo.' '
( surah talaq :? )
Hazrat Aisha se riwayat hai ke Atba ki beti Hinda ne Nabi Kareem
(s.a.w) se arz kya :
'' Ya Rasool (s.a.w) ! Mera
shohar Abbu Sufyan nihayat bukheel aadmi hai. Mujhe itna kam kharch deta hai ke
woh mere o rabjou ke liye kaafi nahi hota. Agar mein is ke maal se baqadar
zaroorat le lon aur usay khabar nah ho to kya yeh amal jaaiz hai.
Rasool (s.a.w) ne farmaya :
'' Shohar ke maal mein se baqadar zaroorat le kar kharch kar liya
karo.' '
Jaria Soda aik martaba aik ghar mein gayeen jahan rizaq ki tangi
thi. Jaria Soda ne khatoon khanah se kaha :
'' Bartan se ghalla kharch kyun nahi kartin.' '
Khatoon khanah ne kaha :
'' Bartan khaali hai. Aap ne bartan ka dhakkan uthaya aur kaha :
' Ab yeh khaali nahi hai. Mun band tha is liye khaali tha. Allah
har aik ko is ke mutabiq rizaq pohanchata hai.' '
Jab jaria soda ne tasarruf kya to isi waqt Allah Taala ne gheehon aur anaaj se tamam bartan bhar
diye aur khatoon khanah ne dekha ke gheehon ki kothhe gandum se bhari hui hai.
*' ' bartan ka mun band tha is liye khaali tha' ' ka matlab yeh hai
ke khud bhi kharch karo aur doosron ko bhi do.
* Allah har 1 shakhs ko rizaq pohanchata hai.
* Allah har makhlooq ko be hisaab rizaq deta hai.
