Topics

HAZRAT BIBI TOHFA (R.A)

Bibi Tohfa Hazrat sri sakti ke daur ki mashhoor Arifa hain.

Aik raat Hazrat sri sakti par be cheeni aur iztiraab ki ghair mamooli kefiyat taari ho gayi. Is terhan ki haalat pehlay kabhi aap par warid nahi hui thi. Koshish ke bawajood zikar o fikar mein yaksoi haasil nahi hui. Tohjdka waqt bhi guzar gaya lekin be cheeni khatam nah hui. Achanak Hazrat Sri Sakti ko khayaal aaya ke shifa khanaay ja kar mareezon ki timar daari karni chahiye. Hazrat Sri Sakti jon hi shifa khanaay mein daakhil hue un ke be chain dil ko qarar aa gaya.

Is achanak tabdeeli par woh heran hue. Yakayak un ki nazar aik mariza par pari. Yeh aik khobsorat larki thi. Haath paiir rassiyon se bandhay hue thay. Larki ne Hazrat Sri Sakti ko dekha to is ki aankhon se ansoo jari ho gaye aur be sakhta is ne ashaar parhay.

'' Allah ne mere dil ki yeh haalat kar di hai. Allah ne mujhe khaas inaam ataa kar ke meri izzat afzai ki. Jab mujhe bulaya jata hai to mein dili arzoo ke sath is ki taraf chal padtee hon.' '

Hazrat Sri Sakti yeh haal o maqam dekh kar gum sm ho gaye. Hosh o hawaas bahaal hue to logon se daryaft kya ke is larki ko kya takleef hai. Is ke haath paiir kyun rassiyon se bandhay hue hain? Unhon ne bataya ke is larki ka dimaghi tawazun kharab ho gaya hai aur is ka maalik usay yahan ilaaj ke liye chore gaya hai. Larki ne jab yeh baat suni to is ki aankhon se motay motay ansoo behnay lagey aur is ne arabi mein chand ashaar parhay.

'' Ae logo! Meri is haalat mein mera koi dakhal nahi hai. Mein bezahir dewaani dikhayi deti hon lekin mera dil khabardaar o hooshiyar hai. Mera jurm ishhq hai aur mein is mehboob ki ulfat mein girftar hon jis ke hukum ki sartabi koi nahi kar sakta. Haqeeqat yeh hai ke jis baat ko tum kharabi samajh rahay ho wohi meri khoobi hai aur meri khoobi tumahray nazdeek jurm o khata hai. Zara socho! Jo shakhs Allah ki mohabbat mein girftar ho aur Allah se raazi ho woh pagal kaisay ho sakta hai ?' '

Kaneez ne jab apni kefiyat ko alfaaz ka jama pehnaya to Hazrat Sri Sakti par raqt taari ho gayi. Larki ne jab inhen rotay dekha toh kaha:

'' Ae sri sakti! Is terhan ronay se kuch haasil nahi ho ga. Aap Allah ko is terhan pehchan len jo pehchanney ka haq hai.

Hazrat Sri Sakti ne is se poocha :

'' Ae larki! Tum mujhe kaisay janti ho aur tumhe mera naam kis terhan maloom hua ?' '

Larki ne kaha :

'' Jab mein ne Allah ko pehchan liya to phir mein kisi aur se nawaqif kaisay reh sakti hon ?' '

Hazrat Sri Sakti ne poocha :

'' Ae larki! To kisay dost rakhti hai ?' '

Jawab mila :

'' Mein is zaat ko mehboob rakhti hon jis ne mujhe apni nematon ki pehchan karai aur apne karam se nawaza. Yeh woh zaat hai jo insaan ki rag jaan se ziyada qareeb hai.' '

Hazrat Sri Sakti ne shifa khanaay ke muntazim se is kaneez larki ko rukhsat karne ki darkhwast ki to is ne larki ko shafakhane se farigh kar diya.

Hazrat Sri Sakti ne kaha :

'' Ab tum azad ho jahan jee chahay chali jao.' '

Larki ne kaha :

'' Hazrat aap mere maalik nahi hain. Jab tak mera maalik azad nahi kere ga mein kahin nahi jaoungi.' '

Isi waqt kaneez ka maalik bhi aa gaya. Hazrat Sri Sakti ne is se farmaya :

'' Ae shakhs! Mein heran hon ke to ne is larki ko kyun qaid kar diya hai yeh to mujh se ziyada qabil ehtram aur danish mand hai.' '

Is shakhs ne kaha :

'' Hazrat! Mein samjhta hon ke is ki zehni haalat theek nahi hai. Nah khati hai, nah peeti hai, nah soti hai aur nah aaraam karti hai. Ziyada waqt kisi fikar mein gum rehti hai. Mere paas aik yahi kaneez hai jisay mein ne bees hazaar darham mein khareeda hai. Is ki khoobiyon ko dekh kar mein ne socha tha ke yeh larki mere liye be had munafe bakhash saabit ho gi kyunkay is ki awwaz bohat surili hai aur gaati bohat acha hai lekin aik din naghma saraai ke baad aah o zaari karne lagi aur alaat moseeqi toar diye.

Hazrat Sri Sakti ne kaha :

'' Tum is ki jo bhi qeemat talabb karo mein tumhe doonga. Tum usay azad kar do.' '

Is shakhs ne herani se kaha :

'' Hazrat! Aap aik darwaish hain itni qeemat kahan se den ge ?' '

Hazrat Sri Sakti ne farmaya :

'' Tum is ki fikar nah karo tumhe matlooba raqam mil jaye gi. Yeh keh kar aap apne ghar aa gaye. Un ke paas aik darham bhi nahi tha. Hazrat Sri Sakti poori raat ro ro kar bargaah ellahi mein faryaad karte rahay.

'' Ya ellahi! To mere zahir aur batin ko achi terhan jaanta hai aur mujhe tairay fazl o karam par poora yaqeen hai. Mujhe is muamlay mein sharmindagi se bachalay.' '

Darwazay par dastak hui. Aap ne darwaaza khoola to 1 shakhs haath mein shama daan liye khara tha aur is ke sath chaar khadim thay. Is ne apna taaruf karate hue bataya. Mera naam Ahmed ban musna hai. Aik ghaibi aawaz ne mujh se kaha ke sonay ki paanch theliyan Hazrat Sri Sakti ko pouncha day. Hazrat Sri Sakti sjday mein gir gaye aur Allah ka shukar ada kya.

Namaz fajar ke foran baad Hazrat Sri Sakti ahmed ban musna ko sath le kar nafsiati hospital puhanche. Dr ne salam ke baad arz kya :

'' Hazrat! Mein ne khawab mein aik aawaz suni. Kya khoob hai woh dil jo hamari yaad mein mehv hai aur hum se lo lagaye hue hai. Isi waqer mere dil mein yeh khayaal alqa hua ke yeh elaan tohfa ke liye ho raha hai.

Abhi baat ho rahi thi ke tohfa wahan aa gayeen. Un ki aankhon se ansoo rawan thay. Woh keh rahi theen :

'' Ya ellahi! To ne mera raaz sab par zahir kar diya hai.' '

Hazrat Sri Sakti ne tohfa ke maalik se kaha :

'' Ae shakhs! Mein tairay mutalbe ke mutabiq raqam le aaya hon to chahay to mein aur dainay ko tyarhon.' '

Yeh sun kar tohfa ke maalik ki giryaa o zaari mein izafah ho gaya, is ne kaha :

'' Mujhe yeh raqam nahi chahiye. Aap gawah rhiye ke mein ne tohfa ko Allah ke liye azad kar diya. Mein sirf razaye ellahi ka tallab-gaar hon.' '

Ahmed ban musna ne rotay hue kaha :

'' Afsos mein khidmat se mahroom raha jis kaam ke liye meer intikhab kya gaya tha woh kisi aur ke zariye poora ho gaya. Mein samjhta hon ke khuda  ne mujhe sharf qabuliat nahi bakhsha aur yeh amar mere liye sakht iztiraab ka baais hai.

'' Hazrat sri sakti! Aap gawah rahiyay ke mein ne apna tamam maal o doulat Allah Taala  ki raah mein waqf kar diya aur ab mujhe is par koi ikhtiyar nahi. Shayad Allah Taala  mere is amal ko qubool kar le aur mujhe is ki khushnodi haasil ho jaye.' '

Hazrat Sri Sakti ne farmaya ke mujhe yaqeen hai ke aisa hi ho ga kyun ke Allah Taala  ne Bibi Tohfa par khusoosi karam farmaya hai is ke waselay se doosron ko bhi hadaayat aur sarfarazi ataa ho gi.

Hazrat Sri Sakti Bibi Tohfa se mukhatib ho ye jin ki aankhon se ashkon ka selaab rawan tha.' ' ae tohfa! Ab ronay ka kya maqam hai ke Allah Taala  ne khusoosi nazar karam farma kar tumhe ghulami se azad kar diya hai.' '

Hazrat tohfa ne ashaar mein kaha.

'' Jis ki kashish mujhe khech rahi hai aur jis ki taraf mein bhagee ja rahi hon isi ke liye ansoo beh rahay hain. Qisam hai is haq ki jis ne mujhe talabb kya hai mein hamesha is ke sath hon taa ke woh mujhe matloob tak pouncha day.' '

Yeh keh kar Bibi Tohfa hospital se bahar nikal gayeen aur phir kisi ne inhen nahi dekha.

Hazrat Sri Sakti, Ahmed Ban Musna aur Hazrat Bibi Tohfa ka maalik tenu kaaba Allah ki ziyarat o tuwaf ki niyat se rawana hue. Rastay mein ahmed ban musna ka aakhri waqt aa gaya aur woh intqaal kar gaye. Baqi 2 afraad kaaba Allah ka tuwaf kar rahay thay ke inhen dard aur shoq mein doobi hui aawaz sunai di. Koi keh raha tha.

'' Khuda ka dost is duniya mein bemaar hai aur is ki takleef tole pakar chuki hai is takleef ka ilaaj mohabbat ellahi hai aur khuda  ne apne fazl wakaram se khud usay jaam mohabbat pila diya hai. Khuda ka dost is ki talabb mein dunyawi hosh o khirad se begana ho gaya hai.' '

Hazrat Sri Sakti par un kalmaat ne bohat assar kya. Aap is aawaz ki taraf chalay. Isi asna mein kisi ne un ka naam le kar puraka.' ' ae sri sakti yahan aayye.' '

Hazrat si sakti ne pukarnay walay ko dekh liya. Poocha tum kon ho ?

Jawab mila.' ' Hazrat mein wohi tohfa hon jisay aap ne hospital mein dekha tha.' '

Bibi Tohfa itni zaeef aur naatvaan ho gayi theen ke pehchanana mushkil tha. Hazrat sakti ne poocha :

'' Ae tohfa! Khalwat ikhtiyar kar ke tumhara haal kya hai ?' '

Bibi Tohfa ne farmaya :

'' Allah Taala  ne mujhe apni mohabbat aur qurb ataa farma diya aur ghair Allah se latalq aur be niaz kar diya.' '

Jab Bibi Tohfa ne ahmed ban musna ke intqaal ki khabar suni to farmaya !

'' Allah un par reham farmaiye Allah ne inhen barri izzat o azmat bakhsh hai woh jannat mein mere parosi hunge.' '

Hazrat Bibi Tohfa ne apne sabiqa maalik ke liye bhi duaye kher farmai. Dua karte hue aap par ghunodghi taari ho gayi. Haalat ghunodghi mein hatef ghaibi ne aawaz di :

'' Tohfa! Tairay parvar-digaar ne tujhe talabb farmaya hai.' '

Logon ne dekha ke Bibi Tohfa kaaba Allah ke qareeb gir gayeen. Aur maalik haqeeqi se ja milein.

Hikmat O Danayee

* sab se behtareen dost insaan ka apna mann hai.

* Allah ko pehchanney ka wahid zareya mohabbat hai.

* rad-e-amal tarz fikar ki nishandahi karta hai.

* momin har haal mein saabit qadam rehta hai.

* duniya ka koi aadmi bura nahi hota. Khayalat achay ya buray hotay hain.

* taasub karne wala bandah Rasool  (s.a.w)  ki shafaat se mahroom rehta hai.

* jo cheez haqeeqi nahi hai woh haq se qareeb nahi hoti.

* qalbi mshahdat haqeeqat ki akkaasi karte hain.

* bandah ka saans khalis sharaab ka aik ghoont hai.

* har cheez waqt ke hathon mein khilona hai.

* khilona duniya hai. Waqt chaabi hai.

Topics


101 AULIA ALLAH KHAWATEEN (Roman)

KHWAJA SHAMS-UD-DEEN AZEEMI