Topics
Hazrat Zulnun Misri ki behan Bibi Atifa nihayat sabra ,zahida aur
ibadat guzaar khatoon theen. Aik din quran kareem ki aayat :
'' Aur hum ne tumahray oopar abr ka saya kar diya aur hum ne
tumahray oopar mann o salwa utaara. Khao un pakeeza cheezon mein se jo hum ne
tum ko day rakhi hain.' '
Parh kar Hazrat Atifa ne socha ke jab bani Israel par Allah
Taala ne mann o salwa utaara to mohammad
Rasool (s.a.w) ki ummat is inaam se kaisay mahroom reh sakti
hai. Rafta rafta yeh soch aur is qader rasikh ho gayi ke unhon ne tay kar liya
ke ab khana nahi pakayen ge. Aasman se jab mann o salwa utre ga tab hi khayen
gi. Jab bhook shadeed hui to Allah Taala
ne mann o salwa utaara. Jisay unhon ne khud khaya aur parosion ko bhi
khilaya. Phir aik din woh ala’iq duniya ko kher abad keh kar sehraa ki janib
nikal gayeen. Is ke baad un ka koi pata nah chala.
Hazrat Zulnun Misri is douran ibadat o riyazat aur rohani taleem o
tarbiyat ke silsilay mein jagah jagah phirtay rahay. Kaafi arsay baad jab woh
wapas ghar lautay to parosion ne Bibi Atifa ka ahwaal bataya. Aap bohat khush
hue farmaya :
'' al hamdullilah! Atifa ne yaqeen ki manzil pa li hai.' '
* woh duayen maqbool bargaah hoti hain jin ke sath musalsal aur
pihm amal ho.
* Allah Taala ne mayoos
honay ko hukman mana farmaya hai.
* mushahida, yaqeen ko mustahkam karta hai. Shak aur waswasa se
aadmi nijaat pa laita hai.
