Topics
Bibi jamal khatoon Hazrat miyan meer ki behan theen. Bibi jamal
khatoon ko silsila qadrih se faiz haasil hua, inhen rabia sani kaha jata hai.
Zuhad o taqwa aur rohani zehen virsa mein mila. Un ki walida bhi
rohaniyat mein barray darja par faiz theen. Har waqt zikar o fikar mein
mashgool rehna un ka mamool tha. Bibi jamal khatoon ne apni walida ka zehen
qubool kya is liye un ke oopar rohani rastay jald khil gaye. Un ke bhai miyan
meer ne bhi bharpoor tawajah di, rohani asbaq taleem kiye jis se aap ka rohani
safar taizi se tay hua, Bibi jamal ki tabiyat mein gosha nasheeni thi. Kabhi
seosatan se bahar nahi gayeen.
Bibi sahibaa logon ko khana khula kar bohat khush hoti theen.
Langar ka ihtimaam rehta tha aur kaseer tadaad mein log khana khatay thay. Jab
khana tayyar ho jata tha to khud apne haath se nikaal kar ibtida karti theen
aur sath yeh bhi farmaati theen ke
'' Jo bhi aaye usay khilaya jaye, koi bhooka nah jaye, insha Allah
sab ke liye poora ho jaye ga.' '
Chunancha aisa hi hota tha aur log sair ho kar khatay thay.
Aik martaba aap ne do mann gheehon apne haath se mashko mein
rakhay. Rozana un mein se gheehon nikaal kar haajat mandoon mein taqseem karti
theen. Aik saal guzarnay ke baad bhi mtke khaali nahi hue.
Aik din Bibi sahibaa par khaas kefiyat taari thi is douran aik khushk
machhli aap ke samnay layi gayi. Aap ne machhli ko dekhte hi farmaya
'' Is machhli ko sambhaal kar rakho is machhli mein barket hai.' '
Logon ne is khushk machhli ko sambhaal kar rakh liya jab tak yeh
machhli mojood rahi khoob barket hui.
* mauqa ki munasbat se agay anay walay log kamyaab rehtay hain.
* tawakkal yeh hai ke khushi aur pareshani dono mein insaan Allah
ka shukar ada kere.
* noor firasat se sochnay wala bandah Allah ka deedar kar laita
hai.
* chalaak tabiyat insaan resham ke keeray ki terhan apne khoal mein
band ho jata hai.
* naik khwahisaat rakhna sakhavat hai.
* shukriya hai ke har haal mein khush rahay.
* jahan tak mumkin ho Allah se duniya kam mango aur akhirat ki
fikar karo.
* kisi se gharz nah rakho sab mein mumtaz ho jao ge.
Pait bhar kar khanay wala ibadat se daur ho jata hai.
Allah ki mohabbat khashoo se peda hoti hai.
* kam goi khud hifazati ke liye aik qilah hai.
Sir ko jhuknay aur dil ko sochnay ki aadat daalo.
