Topics

تخلیقی رازو نیاز


” نوع ِ انسان میں مرد ، عورتیں ، بچے ، بوڑھے سب آپس میں آدم کے ناطے خالق ِ کائنات کے تخلیقی رازونیاز ہیں آپس میں بھائی بہن ہیں نہ کوئی بڑا ہے نہ کوئی چھوٹا ، بڑائی صرف اس کو زیب دیتی ہے جو اپنے اندر ٹھا ٹھیں مارتے ہوئے اللہ کی صفات کے سمندر کا عرفان رکھتا ہو، جس کے اندر اللہ کے اوصاف کا عکس نمایاں ہو جو اللہ کی مخلوق کے کام آئے کسی کو اس کی ذات سے تکلیف نہ پہنچے۔“

سلسلہ عظیمیہ کی تعلیمات خالق اور مخلوق کے ربط کی وضاحت کرتی ہیں۔ اللہ تعالیٰ بحیثیت خالق، مخلوق کے ہر فرد سے ایک خاص نسبت رکھتا ہے۔ ہر فرد میں اللہ تعالیٰ  کی پھونکی ہوئی روح کام کر رہی ہے اس لئے کسی شخص کو یہ زیب نہیں دیتا کہ وہ کسی دوسرے کو کمتر سمجھے۔ تخلیقی پروگرام کے تحت ہر انسان خواہ وہ مرد ہو یا عورت بچہ ہو یا بوڑھا سب اللہ کے نزدیک برابر ہیں۔ نہ کوئی چھوٹا ہے نہ کوئی بڑا۔ تخلیقی پروگرام میں ہر شخص کا ایک خاص کردار متعین ہے۔ اللہ تعالیٰ کا ارشاد ہے 

” بے شک اللہ پسند کرتا ہے متقیوں کو۔“ (سورہ التوبہ  ۷)

اللہ تعالی کے ارشاد کے مطابق بڑائی صرف اس کو زیب دیتی ہے جو اللہ کے قریب ہو ، اللہ کی ذات کا، اللہ کی صفات کا عرفان رکھتا ہو۔ یہ بڑائی خود اللہ کی طرف سے عطا کی جاتی ہے کوئی فرد بزعم خود بڑا نہیں بن جاتا۔ اللہ کا دوست، اللہ کی صفات کا عارف ، اس کی ذات سے کسی کو تکلیف نہیں پہنچتی وہ اللہ اور اللہ کی مخلوق کا پسندیدہ ہوتا ہے۔

جب                                 تک                                کہ                                   ہے                            چاندنی                                  میں                                ٹھنڈک                                         کی                                  لکیر

جب                                            تک                                              کہ                                                          لکیر                                                          میں                                                      ہے                                                                   خم                                                                      کی                                            تصویر

جب                                    تک                                        کہ                             سب                                                 مہ                                                             کا                                                           ورق                                                          ہے                                                  روشن

ساقی                                      نے                                                           کیا                                                                                     ہے                                                                         مجھے                                                                                    ساغر                                                                                میں                                                              اسیر

حضور قلندر بابا اولیاؒ


Topics


Uswa E Hasna

خواجہ شمس الدین عظیمی


مرشد کریم حضرت خواجہ شمس الدین عظیمی فرماتے ہیں کہ کہ قرآنی تعلیمات کی روشنی میں ہم جب تک فکر کرتے  ہیں تو یہ بات روز روشن کی طرح سامنے آتی ہے کہ رسول اللہ صلی اللہ اللہ علیہ وسلم کی اتباع کے بغیر زندگی کو صحیح  طرح نہیں گزارا  جاسکتا ہر مسلمان صحیح خطوط پر پر اپنی زندگی کو اس وقت ترتیب دے سکتا ہے ہے جب قرآن حکیم کے بیان کردہ حقائق کو سمجھ کر اللہ کے ساتھ ، اللہ کے رسول صلی اللہ علیہ وسلم کی اطاعت اپنی عملی زندگی بنا لیں۔