Topics

WAHI KA NAZOOL


Ghaar-e-Hira mein qayaam se Huzoor Aleh saalato Wasalam ko is qadar khushi howi k Huzoor Aleh saalato Wasalam ne Ghaar-e-Hira mein jana apna mamool bana liya. Wakfe wakfe se mutawatir panch saal tak Ghaar-e-Hira le jaty rahe. Huzoor Aleh saalato Wasalam ka beshtar waqt ibadat aur ghor o fikar mein guzarta tha. Huzoor Aleh saalato Wasalam ko mehsos hota tha k pusht ki taraf se koi Aap Salallahu Aleh Wasalam ko pukaar raha hey. Mur kar dekhty to koi nazar nahi aata tha.

Huzoor Aleh saalato Wasalam ko Ghaar-e-Hira mein jaty howy panch saal hogaye the aur mah-e-Ramzaan k akhri din the k raat k waqt Ghaar-e-Hira mein aik farishta mulaqaat k liye hazir howa. Farishte k paas aik dastaweez thi.

Farishte ne kaha:

“Aye Muhammad sallallahu alaihi wasallam! mein Jibrail hon. Allah Tala ne Aap Salallahu Aleh Wasalam tak apna peghaam pohnchany k liye mujhe mamoor kiya hey. isy parhiye!”

Huzoor Aleh saalato Wasalam ne farmaya:

“Me Ummi hon.”

Ye sun kar Hazrat Jibrail a.s ne Huzoor Aleh saalato Wasalam ko apney dono bazuon mein le liya aur zor se dabaya aur chor diya. Hazrat Jibrail a.s ne dobara kaha isy parhiye! Huzoor Aleh saalato Wasalam ne kaha “ mein parha howa nahi hon.” Hazrat Jibrail a.s ne phir Huzoor Aleh saalato Wasalam ko bazuon mein le kar phele se ziyadah shiddat se dabaya aur kaha:

“Parh, Apney raab k naam se, jo Khaliq hey kainaat aur insaan ka, jis ne paida

kiya insaan ko jamy howy khoon se. Aap ka raab bohat Kareem hey jis ne qalam se ilm sikhaya, sikhaya admi ko jis ko wo nahi janta tha.”

( Surat Al-Alaq Ayat-1-5)

Is k baad Huzoor Aleh saalato Wasalam ghar tashreef laye. Jisam athar par kapkapi thi. Huzoor Aleh saalato Wasalam ne Hazrat Khadija r.a se farmaya,”Mujhe chadar urha do,mujhe chadar urha do.”

Kuch dair baad jab kapkapi door hogai to Hazrat Khadija r.a se pura waqiya biyan farmaya. Hazrat Khadija r.a ne arz kiya:

“Huzoor Aleh saalato Wasalam hargiz na ghabraiye, Allah Tala Huzoor Aleh saalato Wasalam ko ruswa nahi Karen gen. Is liye k Huzoor Aleh saalato Wasalam sila rehmi karty hain, Huzoor Aleh saalato Wasalam sach bolty hain, logon ki madad karty hain, Huzoor Aleh saalato Wasalam Ameen hain, naadaron ki khabar giri karty hain, Huzoor Aleh saalato Wasalam Sadiq aur Ameen hain.”

(Sahi Bukhaari-Jild Awwal-Kitaab Al Wahi-Hadees 3)

Huzoor Aleh saalato Wasalam raat ko Ghaar-e-Hira mein tashreef le jaty the aur wahan Allah Tala k barey mein sochtey rehty the aur subah ghar tashreef le aty.

Huzoor Aleh saalato Wasalam khabhi khabhi Hazrat Jibrail a.s ki awaaz sunty the:

“……Ya Muhammad sallallahu alaihi wasallam! Aap Allah Tala k Rasool hain aur mein Allah Tala ka farishta Jibrail a.s hon.

Ya Muhammad sallallahu alaihi wasallam! Aap Allah Tala k Rasool hain aur mein Allah Tala ka farishta Jibrail a.s hon.

 

Topics

BARAN E REHMAT View

BARAN E REHMAT

Khwaja Shamsuddin Azeemi


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.