Topics

Hazrat Khadija(r.a) Se Nikkah

Hazrat Khadija(r.a) ke shohar ka inteqaal ho chukka tha. In ki khandaani sharafat, izzat-o-touqeer aura aala kirdaar ki bina par Makkah ke barey barey raees aur sardaraan in se shadi karna chahte the lekin Hazrat Khadija(r.a) ne Huzoor alhe saalato wassalaam ko pasand kia aur nikkah ka paighaam bheja.

Hazrat Abu Talib ne khutba-e-nikkah parha. Nikkah ke waqt Huzoor alhe saalato wassalaam ki umar Mubarak pacchees saal thi aur Hazrat Khadija(r.a) ki umar challis saal thi.

Huzoor alhe saalato wassalaam Ki Aulaad:

Huzoor alhe saalato wassalaam ki tamaam auladon ki amman Hazrat Khadija(r.a) hain. Aap(r.a) se do larkey paida hoye. Aik Qasim jin ke saath Huzoor alhe saalato wassalaam ki kunniyat Abu-ul-Qasim he. Dosrey Abdullah aur chaar larkiyan paida hoiyen. Hazrat Zainab(r.a), Hazrat Ruqayya(r.a), Hazrat Kulsoom(r.a), aur Hazrat Fatima(r.a).

Huzoor alhe saalato wassalaam ke teesrey sahab zadey Ibrahim ki walida Hazrat Maria(r.a) Qabtia hain. Teenon sahab zadey bacchpan hi main intqaal farma gaye the.


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.