Topics

JINNAAT MEIN ISLAM:

Huzoor Aleh saalato Wasalam sehra mein chalty chalty Batan e Nakhla mein pohnchy. Raat ka sama tha aur kainaat khamoshi mein dobi howi thi. Wahan pohnch kar Peghambar e Islam Huzoor Aleh saalato Wasalam ne Quran Paak ki tilawat shuru ki. Jinnaat ne jab suzo gudaaz se bhar por norani awaz mein Quran suna to in ki aik jamaat khidmat mein hazir howi aur Islam qabool kiya. Quran Paak ki chiyaliswen Surah mein irshad hey.

“Aur wo waqt aan pohncha jab hum ne jinno ki aik jamaat ko tumhari janib bheja ta k wo Qurani Ayaat ko sunen aur jab wo hazir hogaye to inhon ne aik dusrey se kaha k khamosh ho kar suno. Phir wo apni qoam ki taraf azaab se darany waly ban kar paltey.”

( Surat Al-Ahqaaf Ayat-29)

Zakham zakham jisam, bhook se nidhaal aur khasta haal Huzoor Aleh saalato Wasalam Taif k shehriyon se maiyoos ho kar Makkah loot aye. Huzoor Aleh saalato Wasalam ne ye jaan liya tha k Taif musalmanon ki panah gah nahi ban sakta, lekin kisi qabeely se munsalik hona zarori tha. Lehaza inhon ne Qabeela Zehra k sarbarah Akhnas Bin Shareek k paas peghaam bheja k wo is se haq jawaar chahty hain. Akhnas Bin Shareek ne jawab diya agarchey  is ki ye khuwahish hey k wo Muhammad Aleh saalato Wasalam ko panah de lekin wo aisa karny se mazoor hey q k is ne Qabeela Quraish k sath muhaidah kar rakha hey.

Huzoor Aleh saalato Wasalam ne Suhail Bin Umro ko peghaam bhijwaya aur is se kaha k wo inhen apney qabeely mein jagah de. Suhail Bin Umro Qabeela Quraish se daur ka talluq rakhta tha. Is ne bhi Huzoor Aleh saalato Wasalam ko panah deny se inkaar kar diya.

Arab ka ye dastoor tha k agar koi dushman bhi kisi se panah talab karta to wo usy panah dety the. Mutam Bin Adi ne Syedena Huzoor Aleh saalato Wasalam k peghaam ka masbat jawab diya aur apni qoam ko jama kar k hatiyaar bandhy. Huzoor Aleh saalato Wasalam Makkah mein dakhil howy aur Masjid ul Haraam mein dakhil ho kar tawaaf kiya. Mutam Bin Adi apni sawari par sawaar tha. Is ne elaan kiya:

“Quraish k logo! mein ne Muhammad (alhe saalato wassalaam) ko panah de di hey.”

Mutam Bin Adi aur is k larkon ne Syedena Huzoor Aleh saalato Wasalam k gird halka bana rakha tha. Kaba mein haazri k baad Huzoor Aleh saalato Wasalam apney ghar tashreef le gaye.       


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.