Topics

BAAB 3 HAYYAT MUBARRAK MUHAMMAD S.A.W

TAREEKH K AINEY ME

 Muhammad sallallahu alaihi wasallam: Aap Salallahu Aleh Wasalam k dada ne naam rakha.

Ahmed: Aap ki walida Hazrat Amna r.a ne naam rakha.

Kunyat: Abu-ul-Qasim

Wiladat: Barooz e peer, 9 Rabi-o-Awwal 1 aam alfeel, lekin tareekh moiyan nahi hey albatta morkheen ka ye ittefaaq zaror hey k wiladat 8 se 12 Rabi-o-Awwal mein hi kisi tareekh ko howi, batareekh 20 ya 22 april son 571 eswi.

Walid: Hazrat Abdullah r.a. Muhammad Salallahu Aleh Wasalam ki wiladat se kuch mah pehle wisaal howa.

Waleeda: Hazrat Amna r.a

Umar 4 se 5 saal: Phela shak sadar ka waqia howa.

Umar 6 saal: Aap Salallahu Aleh Wasalam ki waleeda ka intiqaal howa.

Umar 8 saal: Aap Salallahu Aleh Wasalam k dada Abdul Muttalib ka intiqaal howa.

Umar 12 saal: Mulk Shaam tijarat k liye apney chacha Abu Talib k sath nikly basraa k muqaam par baheera naami raahib ne peghambari ki nishaniyan pehchaan kar yahudiyon k hasad k khatrey se agah kiya to Aap Salallahu Aleh Wasalam ko wahin se wapis Makkah bhej diya gaya.

Umar 15 saal: Aap Salallahu Aleh Wasalam ne jang-e-Fajaar mein hissa liya aur jang mein apney chacchao ko teer utha utha kar diye. Half-ul-Fozool pesh ai jis mein Aap Salallahu Aleh Wasalam ne bhi shirkat ki.

Umar 25 saal: Hazrat Khadija-ul-Kubra razi allah tala anha se Aap Salallahu Aleh Wasalam ki shaadi howi.

Aap Salallahu Aleh Wasalam ki chaar larkiyan aur do larky Hazrat Khadija razi allah tala anha se hain (larkon ki tadaad par ikhtilaaf hey k wo aik, do ya teen hain, qasim r.a par sab ko ittefaaq he, zyada riwayaton ka ittefaaq do larkon par he) tarteeb ye hey.

Qasim (r.a) - Zainab (r.a)- Ruqaiya (r.a) - Ume Qulsoom (r.a) -Fatima (r.a) - Abdullah (r.a).    

               Hazrat Khadija(r.a) se tamam auladein ibdeta nabowwat se pehle hoyen lekin Hazrat Fatima(r.a) aur Hazrat Abdullah(r.a) ki wiladat ke waqt par ikhtelaaf hey ke wo sarfaraz e nabowwat se pehle hoye ya baad main. Tamam baity bachpan hi main inteqaal kar gaye jab k betiyon ne Islam ka zamana dekha aur musalman hoyen.

               Aap Salallahu Aleh Wasalam ke aik bety Hazrat Maria Qabtia(r.a) se bhi the. Un ka naam Ibrahim(r.a) tha, aur wo bhi bachpan main hey inteqaal kar gaye the. Unki wiladat aur wisaal Aap Salallahu Aleh Wasalam ke akhir Madni dour main hoi. Hazrat Maria Qabtia(r.a) Aap Salallahu Aleh Wasalam ki loundi hi rahin.

               Is ke ilawa kisi Umul Momineen(r.a) se An Huzoor Salallahu Aleh Wasalam ki koi aulaad nahi thi.

Umar 35 saal: Hijre Aswad lagane ka waqia paish aya.

Umar 40 saal: Aap Salallahu Aleh Wasalam sarfaraz e nabowwat hoye ba tarikh 21 ya 27 Ramzan ul Mubarak. 23 saal dour e nabowwat ke hain, jisme 13 saal Makki aur 10 saal Madni dour e nabowwat ke hain.

Saan 1 se 3 nabowwat: Aap Salallahu Aleh Wasalam ne khufia dawat tabligh ki.

Saan 4 nabowwat: Eelania dawat tabligh shuro ki.

Saan 5 nobowwat: Hazrat Arqam(r.a) ka makaan darul Arqam dawat e tabligh ka markaz banaya gaya.

         Do hijraten Habsha ki janib hoyen.

Muharram 7 nabowwat ta Muharram 10 nabowwat- Aap Salallahu Aleh Wasalam Bani Hashim aur Bani Muttalib qabail ke sath Shoaib Abi Talib main mehsoor hoye kyun ke mushrikeen ne Aap logon ka mukammal baicott kardiya tha.

Saan 10 nabowwat- Hazrat Khadija(r.a) aur Abu Talib ka inteqaal hoa. Ye saal Am-ul-Hazn kehlaya.

         Maah-e-Shawwal main Aap Salallahu Aleh Wasalam ki dosri shadi Hazrat Souda(r.a) se hoi aur isi maah Aap Salallahu Aleh Wasalam ne bawaja tabligh Taif ka safar kia.

 Saan 11 nabowwat- Maah-e-Shawwal main Aap Salallahu Aleh Wasalam ka nikkah Hazrat Ayesha(r.a) se hoa. Ye Aap Salallahu Aleh Wasalam ki teesri zouja thin lekin abhi rukhsati nahi hoi.

         Waqia Meeraj ke waqt ka sahi taiyyun nahi lekin shawahid se qayaas hey ke ye akhir Makki dour ka waqia hey.

Saan 12 nabowwat- Zil-hajj main pehli baiyat Aqbaa hoi.

Saan 13 nabowwat- Zil-hajj main dosri baiyat Aqbaa hoi jo ke baiyat Aqba Kubra ke naam se musoom hey is main 3 7 mard aur 2 aurtein shamil thin aur is baiyat main Yasrab ke logon ne Aap Salallahu Aleh Wasalam ko mukammal hamayat ka yaqeen dilaya. Baiyat ke baad musalmaanon ne Yasrab ki janib hijrat shuro kardi.

Saan 14 nabowwat- 27 Safar ki darmiyani raat ko Aap Salallahu Aleh Wasalam ne Hazrat Abu Bakar (r.a) ke hamra Yasrab ki janib hijrat ki.

8 Rabbi-ul-Awwal ko Qaba pohanche aur wahin pehli masjid ki bunyad rakhi.

         Hijri- Mukhtalif riwayatton ke mutabiq Aap sallallahu alaihi wasallam

12 Rabbi-ul-Awwal ko Yasrab main warid hoye ( chunke Qaba main Aap Salallahu Aleh Wasalam ke qayaam ka arsa maloom nahi is liye Madina main dakhil hone ki tarikh ka tayyun nahi) jiske baad is sheher ka naam Madina-tun-Nabi par gaya. Aur ye saal pehla hijri saal bhi kehlaya.

         Masjid Nabwi ki bunyad rakhi gai.

         Aap Salallahu Aleh Wasalam ne Ansaar o Mahajireen main bhai chara qaim kia jisme kal 90 log shamil the. Ye mawakhaat Hazrat Ins(r.a) Bin Malik ke ghar par hoi.

         Ramzan-ul-Mubarak main pehla sarya Saif ul Bahar paish aya jisme Aap Salallahu Aleh Wasalam ne Hazrat Hamza(r.a) ko ma A 30 mahajireen ke bheja.

         Maah-e-Shawwal main Hazrat Ayesha(r.a) rukhsat hokar Huzoor Akram Salallahu Aleh Wasalam ke paas agayen.

         Hijri - Maah-e-Safar main Ghazwa Abwa ya Waddaan paish aya lekin jang nahi hoi.

         Maah-e- Rabbi-ul-Awwal main Ghazwa Bawaat paish aya lekin jang nahi hoi.

         Maah-e- Rabbi-ul-Awwal main hi Ghazwa Safwaan paish aya lekin jang nahi hoi.

         Maah-e-Jamadi-ul-Awwal O Saani main Ghazwa Zil Asheera paish aya lekin jang nahi hoi.

         Musalmaanon ka mushrikeen se pehla murka Ghazwa Badar 17 Ramzan-ul-Mubarak ko paish aya jisme 313 musalmaan aur 1000 mushrikeen aik dosrey ke madde muqabil the aur is murka main 14 musalmaan shaheed hoye jab k 70 mushrikeen qatal hoye.

         Maah-e-Ramzan main Ghazwa Badar se sirf 7 din baad Ghazwa Bani Suleem paish aya aur musalmaano ko kamyabi hoi.

         Maah-e-Shawwal main Ghazwa Bano Qainqa paish aya jisne yahudiyon ka muhasira kia gaya aur unhon ne hathiyaar daal diye aur musalmaan kamyab hoye.

         Maah Zillhajj main Ghazwa saweeq paish aya jis main Abu Suffiyaan ne do sou sawaron ke sath daka zani se milti julti karwai ki aur jawabi karwai ke nateeje main maal-e-ghanimat satu (saweeq) hath aaya.

         Hijri - Mah-e-Muharram mein Ghazwa Zee Amar pesh aaya Ghazwa Badr o Uhad k darmiyaan sab se bari fooji meham thi is mein larai nahi howi.

         Mah-e-Rabi-o-Awwal mein Ghazwa Behraan pesh aaya lekin larai nahi howi.

         Mah-e-Shawwaal mein Ghazwa Uhad pesh aaya jis mein 700 musalmaan aur 3000 mushriqeen aik dusrey k mad e muqabil the aur is mein 70 musalmaan shaheed howy aur 22 ya 37 mushriqeen qatal howy.

         Uhad se wapsi par mushriqeen dobara hamla karny ka sochny lagy. Is baat ka andaza Nabi Kareem Salallahu Aleh Wasalam ko bhi tha. Chunacha 8 shawwaal ko Huzoor Akram Salallahu Aleh Wasalam ne Madina se aath mile daur hamra al asad par parao dala. Lekin koi takrao nahi howa aur mushriqeen hamla kiye baghair hi Makkah loot gaye. Is meham ko tareekh mein Ghazwa Hamra AL Asad k naam se jana jata hey.

         Aap Salallahu Aleh Wasalam ki chonhti shadi Hazrat Hafsa r.a Bint e Hazrat Umar r.a se howi.

         Hijri - Ghazwa Bano Nazeer pesh aaya jis mein Bano Nazeer (Yahodiyon) ka muhasara kiya gaya aur unhon ne hatiyaar daal diye.

         Aap Salallahu Aleh Wasalam ne Um-ul-Masaqeen Hazrat Zainab r.a se shadi ki wo Aap Salallahu Aleh Wasalam ki panchwi zoja thien jo kuch maheeno baad hi rehlat farma gayen.

         Mah-e-Rabi-us-Sani ya Jamadiyo Awwal mein Ghazwa-e-Najad pesh aaya lekin jang nahi howi.

         Mah-e-Ramzaan mein Ghazwa-e-Badr Doum pesh aaya lekin jang nahi hwi.

         Mah-e-Shawwaal mein Aap Salallahu Aleh Wasalam ne Ume Salma r.a se shadi ki ye Aap Salallahu Aleh Wasalam ki chatti zoja thien.

         Hijri - Mah-e-Rabi-o-Awwal mein Ghazwa-e-Zomat-al-Jandal pesh aaya lekin jang nahi hwi.  

         Mah-e-Shawwaal mein Ghazwa-e-Ahzaab (Khandaq) pesh aaya jis mein mushriqeen ne Madina par hamla karny ki koshish ki lekin musalmanon ne khandaq khood kar in ko charhai se baaz rakha is mein 3000 musalmaan aur 10000 mushriqeen aik dusrey k mad-e-muqabil the aur taqreeban 1 mah tak muhasara raha. Bano Qareeza ne musalmanon ki madad ka ehad-o-peman tor diya aur musalmanon k khilaaf jang mein shareeq hogaye.

         Mah-e-Zil Qad mein Ghazwa-e-Bano Qareeza pesh aaya jis mein musalmanon ne Bano Qareeza (Yahudiyon) ka muhasara kiya, inhon ne hatiyaar daal diye. Hazrat Saad r.a Bin Maaz ko Bano Qareeza ka faisla karny ka ikhtiyaar diya gaya inhon ne siwaye aurton aur bacchon k sab yahudiyon ki garden marny ka hukum diya.

         Mah-e-Zil Qad ya Zil Haj mein Aap Salallahu Aleh Wasalam ki Hazrat Zainab r.a Bint-e-Hajash se shadi howi ye Aap Salallahu Aleh Wasalam ki saathwi zoja thien aur is se phele Hazrat Zaid r.a k aqad mein thien inhon ne Hazrat Zainab r.a ko talaaq de di thi.

         Hijri - Ghazwa-e-Bano Lehyaan pesh aaya lekin jang nahi howi.

6 ya (5). Ghazwa-e-Bani Al Mastaq ya Ghazwa-e-Marese pesh aaya jang howi ya nahi kuch ilm na ho saka lekin musalmanon ko kamiyaabi howi.

6 ya (5) - Hijri - Hazrat Jaweria r.a Bint-e-Haris jo Bano Al Mastalaq k qaidiyon mein lai gayi thien inhen Aap Salallahu Aleh Wasalam ne azaad kara k nikah kar liya wo Aap Salallahu Aleh Wasalam ki aathwi zoja thien.

         Mah-e-Zil Qad mein Sulah Hadeebia ye Makkah k mushriqeen se aman ka aik muhaida tha.

         Hadeebia k baad aur Ghazwa-eKhyber se phele Ghazwa-e-Ghaba ya Ghazwa-e-Qard howa. Is Ghazwa mein Bano Fazarah k logon ne Huzoor Akram Salallahu Aleh Wasalam k mawaishiyon par daka dala. Mukhtasar si larai k baad musalmanon ko fateh howi aur mawaishi chura liye gaye.

         Hijri - Aap Salallahu Aleh Wasalam ne Hazrat Ume-e-Habiba r.a Bint e Abi Sufiyaan ko apni zojiyat mein le liya ye Aap Salallahu Aleh Wasalam ki nawi zoja thien.

         Mah-e-Muharram ta Safar mein Ghazwa-e-Khyber pesh aaya aur is mein yahudiyon ko shikast faash howi.

         Aap Salallahu Aleh Wasalam ne Hazrat Aafiya r.a Bint e Hai Bin Akhtab ko apney nikah mein le liya ye Aap Salallahu Aleh Wasalam ki daswi zoja thien aur Aap r.a Khyber k qaidiyon mein lai gayi thien.

         (Waqt par ikhtilaaf he) Mah-e-Rabi-o-Awwal mein Ghazwa-e-Zaat-Ur-Riqa pesh aaya lekin jang nahi howi.  

         Mah-e-Zil Qad mein Aap Salallahu Aleh Wasalam Makkah Muazzama Umra k liye gaye aur teen rooz qayaam kar k wapis agaye.

         Aap Salallahu Aleh Wasalam ne Umra k safar k doraan Hazrat Memona r.a Bint e Haris se nikah kiya ye Aap Salallahu Aleh Wasalam ki gaarwhi zoja thien.

         Hijri – Murqa Mouta pesh aaya, Aap Salallahu Aleh Wasalam ne is murqa mein shirkat nahi ki. Ye romiyon se pheli takkar thi is mein do lakh dushmanon k khilaaf faqat teen hazaar musalmaan the. Musalmanon ne romiyon ko kaafi nuqsaan pohnchaya.

         Mah-e-Ramzaan ul mubarrak mein Makkah muazzama fateh howa.

         Mah-e-Shawwaal mein Ghazwa-e-Hunain pesh aaya.

         Mah-e-Shawwaal k akheer mein Ghazwa-e-Taif pesh aaya. Ye Ghazwa-e-Hunain ka hi phelao tha.q k Ghazwa-e-Hunain k dushman Taif bhag gaye the.

         Hijri – Mah-e-Rajab ta Mah-e-Ramzaan ul mubarrak mein Ghazwa-e-Tabooq pesh aaya is mouqy par Aap Salallahu Aleh Wasalam ne logon se maal talab kiya.

          Hijri – Mah-e-Zil Qad ta Zil Haj mein Hujjat-ul-Widah howa.

          Hijri – Mah-e-Safar mein Aap Salallahu Aleh Wasalam k marz ka aghaaz howa jo chuda(14) rooz jari raha.

         Aap Salallahu Aleh Wasalam 12 Rabi-o-Awwal barooz e peer bawaqt-e-akheer chasht ko apney Khaliq-e-Haqeeqi se ja mily.

 

         Rabi-o-Awwal barooz-e-do shanba bamutabiq 20 August 570 ko Huzoor Aleh saalato Wasalam ki wiladat ba saadat howi. (9 Rabi-o-Awwal barooz-e-shanba 22 April 571 bhi Huzoor Aleh saalato Wasalam ki tareekh-e-pedaish riwayat ki gayi he). Huzoor Aleh saalato Wasalam ki waleedah Hazrat Amna ne apney bety ki pedaish ki khabar apney susar Hazrat Abdul Muttalib ko bheji jo tawaaf-eKhaba mein masroof the. Hazrat Abdul Muttalib ghar aye aur Huzoor Aleh saalato Wasalam ko Khana-e-Kaaba mein le aaye aur Allah Tala se har qisam k fitna o shar se mehfooz rehny ki dua ki. Hazrat Abdul Muttalib ne Aap ka naam “Muhammad saw” rakha.

Huzoor Aleh saalato Wasalam jab duniya mein aaye to sar zameen arab sar sabzo shadaab hogai.Makkah mein khushali aagai.

Wiladat k waqt zalzala aaya aur Kasraa Sehanshah-e-Faris k mehal k chuda kungury gir gaye.

Faris k aatish kada mein sadiyon se roshan aag bujh gai. Hazrat Usmaan Bin Abi-Ul-Aass r.a ki waleedah Fatima r.a Bint-e-Abdullah farmati hain:

“Me Huzoor Aleh saalato Wasalam ki wiladat k waqt Hazrat Amna k paas mojood thi. mein ne dekha k pury ghar mein noor hi noor tha aur asmaan mein sitare jhuky howy mehsos howy. Yahan tak k mujhe gumaan howa k asmaan se sitare zameen par A jayen gen”.

Wiladat k waqt Huzoor Aleh saalato Wasalam ki waleedah Hazrat Amna ne aik noor dekha, jis se duniya roshan hogai. Hazrat Abdul Muttalib ne Huzoor Aleh saalato Wasalam ki wiladat se phele khuwaab mein dekha k aik zanjeer hey jis ka aik sira asmaan aur dusra sira zameen par hey. Kuch dair baad zameen par darakht ban gaya jis k har pattay par noor zahir ho raha tha. Quraish mein se kuch log is ki shakhon ko pakrey howy hain aur kuch log is ki shakhon ko kantna chahty hain. Lekin jo log shakhon ko kantna chahty the kamiyaab howy.

Aqeeqa:

Riwayat hey k Hazrat Bi Bi Amna ko khuwaab k zariye bataya gaya k wo aik bargazida bacchey ki maa hain aur is ka naam “Muhammad” hey.

Wiladat k sathwen rooz Hazrat Abdul Muttalib ne apney poty ka aqeeqa kiya aur is taqreeb mein aam dawat ki.

Bachpan:

Huzoor Aleh saalato Wasalam ne teen din tak apni maa ka doodh piya phir chand rooz Soobia ne doodh pilaya. Soobia Abu Lehab ki kaneez thien. Soobia ne Huzoor Aleh saalato Wasalam k chacha ko bhi doodh pilaya tha. Ye wok hush qismat khatoon thien jinhon ne Huzoor Aleh saalato Wasalam ki pedaish ki khabar Abu Lehab ko sunai to Abu Lehab ne inhen azaad kar diya.

Arbon mein riwaaj tha k parwarish k liye kam sin bacchon ko sehra mein bheej dety the ta k sehra k sehat afza muqaam par reh kar bacchon ki nashoonuma achi ho. Dehaton mein rehny wali arab aurten saal k mukhtalif hisson mein Makkah aati thien aur sheer khuwaar bacchon ko parwarish k liye sehra mein le jati thien. Qabeela Bano Saad Bin Bakar ki aurton ne dusry bacchon ko goud liya aur Hazrat Haleema r.a ne Huzoor Aleh saalato Wasalam ko seeny se lagaya. Inka taluq Qabeela Saad Bin Bakar se tha. Huzoor Aleh saalato Wasalam ne chaar saal Bano Saad mein Amma Haleema r.a k paas parwarish pai.

Huzoor Aleh saalato Wasalam k razai behn bhai:

Huzoor Aleh saalato Wasalam k razai behn bhai k naam ye hain:-

Abdullah, Aneesa, Huzaifa aur Hazafah in ka naam Sheema bhi hey aur ye isi naam se pukari jati thien.


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.