Topics

Aabao Ajdaad Silsila Nasb

Phela hissa:- Muhammad bin Abdullah bin Abdul muttalib (Sheeba) bin Hashim (Umro) bin Abdul Manaaf (Mughira) bin Qasi (Zaid) bin Qalaab bin Marta bin Qaab bin Loi bin Ghalib bin Fahar (Quraish in ka laqab tha) bin Malik bin Nazar (Qais) bin Kanana bin Khazima bin Madarka (Amir) bin Illyaas bin Mazar bin Nazaar bin Muad bin Adnan.

Dusra hissa:- Adnan bin Aao bin Hameesa bin Salamaan bin Oos bin Boz bin Qamwaal bin Abi bin Awaam bin Nashad bin Haza bin Bildaas bin Yad laaf bin Tabagh bin Jaham bin Nahash bin Maghi bin Aez bin Abqar bin Ubaid bin Al dua bin Hamdaan bin Sanbar bin Yasarbi bin Yahzan bin Yalhan bin Arowi bin Aez bin Dishaan bin Esar bin Afnaad bin Aihaam bin Maqsar bin Nahas bin Zaarah bin Sami bin Mazi bin Uza bin Araam bin Qedaar bin Ismail a.s bin Ibrahim a.s.

Teesra hissa:- Ibrahim a.s bin Taarah (Azar) bin Nahoor bin Saaro ( ya saarogh) bin Raao bin Faligh bin Aabir bin Shalikh bin Ar Qahashd bin Saam bin nou a.s bin Laamak bin Matoshalagh bin Akhnoogh(kaha jata hey k ye Hazrat Idrees a.s hain) bin Yard bin Mehlail bin Qeenaan bin Anoosha bin Sheesh a.s bin Adam a.s.

Note: Dusra or teesra hissy mein ikhtilaaf mojood hey jab k phele hissy k mutalliq tamam morkheen muttafiq hain.

Qeedaar:

Hazrat Ismail a.s ko Allah Tala ne barah sahabzady ata farmaye. Aik bety ka naam Qeedaar tha. Ye apney sab bhaiyon se zyada bahadur, sahib-e-kirdaar mashoor the. In ki nasal shumali arab mein abaad howi aur is nasal se fakar-e-kainaat Huzoor Aleh Slato Wasalam ka zahoor howa.

Adnan:

Qeedaar ki ulaad mein jitney ameer aur hukmaraan paida howy in mein ittifaaq-e-raye se ahl-e-arab k nazdeeq sab se mashoor laik aur feham-o-farasat ka maalik Adnan tha. In ka khandaan hajaaz mein abaad howa.

Qasaa:

Qasaa bin Qalaab Adnan ki nasal se hain. Makkah ki sardaari in k zamany mein Quraish k paas ayi. Qasaa bohat danishmand, mutazim aur tajir the. Makka k tamam munasab aur azazaat bhi qasaa k paas the. Ye apni qoam ko jumma k rooz jama karty the aur inhen waaz-o-nasihat farmaty the k anqareeb in mein aik Nabi maboos hony waley hain in ki dawat qabool karna. Qasaa n Makka mein Dar-ul-Nadwah tamer karwaya is ka darwaza Bait-ul-Allah ki janib rakha. Qasaa is mein beth kar qoam k saary masail baheemi mashwarah se hal karty the. Jab khabhi kisi ehm mashwarah k liye wo qoam k sardaron ko hazir hony ka hukum dety the to sab wahan hazir hojaty the.

Qasaa ne apni qoam mein ittehaad aur yakjheti ki fiza qaim ki aur mukhtalif shoby tashkeel diye. In shobon ko Quraish k mukhtalif qabail k supurd kiya ta k nazm-o-nasq behtar taur par anjaam pa sakey.

               Hajaba…….Khana Kaba ki nigrani o intizamaat karna.

               Rafadah…..Hajaj ki maali aanat aur taam o qayaam ka intizaam karna.

               Saqaya……Ye soba haj k muqey par hajiyon k pani ki farahmi k intizamaat karta tha.

               Lawa…….Isy aap mujoodah daur ka wizaarat-e-difaa samjhiye. Ye shoba hejing ki hikmat-e-amli banata tha.

               Sifaarat…..Sifaarati umoor ki anjaam dahi.

               Salsi………Tanazaat ka tasfiya karna.

Qasaa bin Qalaab k teen bety the.

               Abdullah bin Qasaa         2. Asad bin Qasaa       3. Abdul Manaaf bin Qasaa

Abdul Manaaf bin Qasaa:

Abdul Manaaf apni sardaari k zamany mein Quraish ko khuda tarsi o haq shanasi ki nasihat farmaya karty the. Allah Tala ne Abdul Manaaf ko chaar bety ata farmaye jin se mazeed chaar zeeli qabeely wajood mein aaye.

               Abdul Shams bin Abdul Manaaf         2. Nofil bin Abdul Manaaf

               Matlab bin Abdul Manaaf                   4. Hashim bin Abdul Manaaf

Hashim bin Abdul Manaaf:

Hashim apney osaaf ki wajah se qoam k sardaar the. In ka naam umro tha jab k Hashim laqab tha. Aik martaba Makkah mein qehat saali ke bais faqa ki noubat ponhach gai. Logon ko kai rooz tak khane ke liye kuch mayyasar nahi aya. Hashim Makkah se sham agaye wahan se ashiya khurdonosh kharidein aur Makkah wapis aye. Rotiyan pakwaen oont qataar dar qataar zibah kiye salan banwaya. Salan ke shorbey main rotiyan tor tor kar dali gayin. Tamam logon ke liye dartarkhawan bicha diya gaya aur dawat aam kardi. Arbi mian is khane ko sureed kehte hain is waqia ke baad inhe Hashim kaha jane laga. Hashim tokre tokre karne ko kaha jata hey.

Hashim aik roz Yasrab main thehre. Wahan inhon ne Qabila Khazraj ki khatoon Salma Bint e Umroo se nikah kia. Jis ke batan se Shiba name farzand paida hoye. Hashim ki wafaat douraan-e-tijarat Phalestine ke sheher Ghaza main hoi. Shiba Yasrab mian apni walida ke han parwarish pa rahe the. In ke chaccha Muttalib in ki walida Salma Bin e Umroo ki raza mandi se Makkah le aye.

Shiba urf Abdul Muttalib

Jis waqt Muttalib ki sawari Makkah main dakhil hoi Shiba in ke aqab mian bethey hoye the. Ehle Makkah ne samjha ke ye noujawan Muttalib ka ghulam hey aur kisi ne buland awaz se ye keh diya “Abdul Muttalib” Muttalib ne foran kaha ye mera ghulam nahi balke mera bhatija hey Hashim ka beta hey. Lekin Shiba Abdul Muttalib ke naam se mashoor ho gaye aur in ka asli naam logon ke zehan se utar gaya.

 Muttalib ki wafaat ki baad Makkah ki qayadat aur tamam manasib janab   

Abdul Muttalib ko muntaqil ho gaye. Abdul Muttalib Huzoor Aleh Slato Wasalam ke dada hain. Abdul Muttalib apne azeem usshaan karnamon buland himmati aur ousaaf ke bais sari qoam ki ankhon ke tare the. Allah Talah ne Hazrat Abdul Muttalib ko be missal husn o jamal ata kia tha. Hazrat Abdul Muttalib ki shaksiyat pur asar , pur azmat aur waqaar main be missal thi. Hazrat Abdul Muttalib ko jo dekhta maroub ho jata tha. Hazrat Abdul Muttalib ki sakhawat apne baap Hashim se ziyadah thi. In ki mehmaan nawazi charind o parind tak ponhach gai thi.


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.