Topics

Baab - 6 - FATAH MUBEEN (FATAH MAKKAH)

FATAH MUBEEN (FATAH MAKKAH)

Hudebia key muqaam per fareqen key darmiyan jo sulah namey tey paya tha is mein digar sharaith key ilawah do sharten yeh bhi thein:

1.    Fareeqen dus saal tak aik dusrey key sath jang nahen karen gey

2.    Arab key degar qabail ko ijazat dedi gai ke jo qabela jis fareeq ke sath mouahida karna chahy wo kar sakta hai.chunnacha har qabeely ny apni marzi se jis fareeq ke sath apna mustaqbil mehfooz samjha us ke sath dosti ka mouahida krlia makky ke groh nawah mein qabail amada thy.in mein se do qabeely aisy thy jin ki porani dushmani chali aa rhi thi.ek qabeela banu bakar kehlata tha or dosra Akhzamad.

Banu bakar ny quraish ke sath or banu khizan ny Huzoor  Aleh Salato Wasalam ke sath dosti ka mouahida kia.mouahida ke baad aman o sulah ka daur shuru hogya tha or tamam fareeq hansi khushi waqt guzarny lagy.is doran musalmano se rabt ki wajah se khizan ke beshtar afraad musalmaan hogay magar banu bakar quraish ke sath talluq ki wajah se kufr par qaim rahy.

KUFFAR KI EHAD SHUKNI

Kafi arsay tk dono qabeely sulah hudaibiya ke paband rahy or ek dosry ko nuksaan Pohunchany se guraiz karty rahy phir achanak banu bakar ny khizan ke sath qadeem dushmani ko yaad kr ke khizan par hamla karny or inteqaam leny ka faisla kiya or ek raat bagair kisi sabab ke khizan ki basti par charhai kardi khizan be khabar thy in ke wehmo guman mein nhi tha ke raat ke is peher dushman koi karrawai karsakty

Hain isliy be khabri mein maary gay or pehly hi hamly mein in ka ek admi qatal or motaddid zakhmi hogay is ke baad baqaida larai shuru hogai jo raat bhar jari rahi banu bakar chunkay quraish ke haleef thy isliy is larai mein quraish ke sardaron ny in ki bharpoor madad ki in ka khayal tha ke raat ke andhery mein humy koi nahi pehchan saky ga or kisi ko pta nhi chaly ga ke hum ny banu bakar ki madad ki hai.......

Banu khizan ny jaan bachany ke liy haram mein panah li unhy umeed thi ke yahan inhen aman mil jay ga lekin dushman ny hadood e haram ka bhi paas nhi kiya or in ko qatal karty rahy.

 

In hamla awroon mein se chand admiyon ny apney sardar nofil bin mavia ko pokara or kaha ke ay nofil Allah TALLAH se daro dekhty nhi ke tum haram mein dakhil hogay ho or phir bhi qatal ka bazar garam kiya hua hai. (naozubillah)os waqt is ny aisa jumla zaban se nikala ke zameen bhi laraz utthi. Is ny kaha:aj koi khuda nahi.aj dushmanon se inteqaam leny ka moka hai khabardar aj koi shakhs inteqaam leny mein susti na kary dushman jahan mily isy qatal kardo.

Behre haal banu bakar ko chun ke quraish ki madad hasil thi isliy larai mein in ka balla bhari raha or inhon ny khizan ke taees admi maar daly.subah ki roshni phelny lagi to quraish ke sardar apney apny ghr chaly gay.or banu bakar apni basti ki taraf laut gay.quraish ke sardar jo ke islam ki adawat mein andhay hochuky thy wo apni is galti par pachtay or door andaish logo ki malamat ki. Haris bin hassham or abdullah bin abi rabiya ny kaha:

 

Ay safwan or akrama tum ny muahiday ko tor dia hai ye muahida Huzoor  Aleh Salato Wasalam ke sath tay paya tha is ahd e shakni ke nataij bhukatny ke liy ab tayyar hojao.


 Banu Khizan Bargah E Risalat Me


 Banu khizan kabeely ke chalees afard madina tayyabah hazir huy jab banu khizan ke dafad ny bargah e risalat mein apni daastan bayan ki to Huzoor  Aleh Salato Wasalam ko sakht ranj hua.Huzoor Aleh Salato Wasalam ny farmaya tumhara kiya khayal hai ke wo loog kon hain jinhon ny tumhary sath ye ziyadti Ki hai? Inhon ny arz kiya banu bakar. Phir Huzoor  Aleh Salato Wasalam ny farmaya.

Banu bakar to buhut bara qabeela hai in mein se kin logo ny tum par zulm kiya?

Inhon ny arz ki bany nafasa or in ki qayadat nofil bin mawiya krraha tha. Huzoor  Aleh Salato Wasalam ny farmaya Ye banu bakar ka ek khandan hai mein halaat maloom krny ke liy qasid bhejta hoon jo in ke samny tajaweez paish kary ga.in mein se jis tajweez ko wo chahein pasand karlen.

Teen Tajaweez

Huzoor Aleh Salato Wasalam ny apna qasid makkah ki taraf rawana kara ta ke sahi mujrim ka pta lagayn in ke samny ye tajaweez paish karen qasid ny makkah pohunch kar rasool Aleh salato wasalm ka pegham sunaya:

 

Mein Allah ke Huzoor  Aleh Salato Wasalam ka qasid hoonor tumhary samny ye tajaweez paish karta hoon.

 

1.Banu khizan ke maqtaloon ki diyat(khonn baha) ada karen.

2.Quraish banu bakar ki himayat se alag hojayn.

3.Elan kardiya jay ke hudaibiya ka muahida toot gay.

 

Ahle Makkah Ka Hatmi Faisla

 

In faislon ko sunny ke baad quraish ny baham hatmi mashwara kiya.

Qarza bin umer jo nabeena tha us ny kaha:

 

Agar hum khizan ke maqtalon ki diyat den gay to hamarey paas phooti kaori bhi baqi nahi bachy gi.isliy pehli tajweez hamarey liy qabil e qubool nahi.

 

Dosri tajweez ye hai ke hum banu bakar se dosti ka muahida taur den ye bhi hamarey liy nakabil e qubool hai. Q ke banu bakar arab ke tamam qabeelon mein kabah shareef ki ziyada tazeem kart hain hum in se apni dosti ka muahida khatam karny ke liy har giz tayyar nahi hain albatta humy teesri tajweez manzoor hai hum elaniya sualh hudaibiya ko khatam karty hain.

Ahl E Makkah Ki Peshemani

Ye faisla sun kar qasid madeena wapis agay.qasid ki wapsi ke baad ahle Makkah ki ankhein khulin or is ke khoof naak nataij ny inhyn pareshan kardiya.

 

Abu Sufiyan Ki Tag O Do

Is ke baad abu sufiyan bin harab madeeny aya.is ki ek beti Huzoor  Aleh Salato Wasalam ke nikkah mein thi.chunacha madeena pohuncha to sub se pehly apni beti ummul momneen Hazrat umme habiba ke ghr gaya. Huzoor  Aleh Salato Wasalm Ka bistar bicha hua tha.is ny jab bistar par bethny ka irada kiya to ummul momneen ny foran wo bistar lapait ka alag rakh diya. Abu sufiyan ny kaha:

Meri bacchi kia tum ny is bistar ko mery laiq nahi samjha mujhy is qabil nahi samjha ke mein is par bethoon.Hazrat umme habiba ny jawab diya ke Ye bistar Allah ke piyary rasool Aleh Salato Wasalam ka hai or tum mushriq ho isliy mein nahi bardasht kar sakti ke tum Huzoor  Aleh Salato Wasalam ke bistar par betho.

Abbu sufiyan apni beti ke is rawwiy se mayoos ho kar uth kar chala gaya. Wo Huzoor  Aleh Salato Wasalm ki khidmat mein hazir hua.is waqt Huzoor  Aleh Salato Wasalm masjid mein tashref farma thy.is ny arz kiya: Jab sulah hudaibiya ka muahida tay paya tha to us waqt mein wahan nahi tha ab mein isliy hazir hua hoon ke Huzoor  Aleh Salato Wasalam is muahidy ki tajdeed farmayn or muahidy ki muddat mein izafa karen. Lekin Huzoor  Aleh Salato Wasalam ny is ka jawab nahi diya.mayoos ho kar wo Hazrat abu Bakar siddque ki khidmat mein hazir hua or apni darkhowast paish ki. Siddiq e akbar ny jawab diya meri panah Allah ke Huzoor  Aleh Salato Wasalm ke ki panah ke tabe hai mein alag se koi panah deny ka mijaz nahi hn.wahan se nakam ho kar Hazrat umer Farooq ki khidmat mein hazir hua inhon ny bhi abu sufiyan ko do took jawab dediya. Phir abu sufiyan Hazrat usmaan uffan ki khidmat mein hazir hua Hazrat usmaan ny wahi

Alfaaz dohradiy jo Hazrat abu bakar ny farmay thy.

 

Wahan se uth ka Hazrat Ali (r.a) murtuza Aleh salam ki khidmat e aqdas mein hazir hua ap ny farmaya abu sufiyan tumhara bhala ho bakhuda jab Allah ke Rasool Aleh salato wasalm kisi baat ka azm farmalety hain to hamari ye majal nahi hoti ke hum is mein madakhlat karen.

Abu sufiyan wahan se chala gayais waqt Huzoor  Aleh Salato Wasalam ny dua ke liy hath uthay or ALLHA ke Huzoor  arz kiya. Ya Allah in ki ankhon par parda daal de or hamari koi itla quraish ko nahi mily yahan tak ke hum in ke sheher par hamla karden. Jab makkah waloon ko abu sufiyan ki wapsi ki khabar hoi to is ke paas jama hogay or abu sufiyan se pocha tum kiya kar ke ay ho?

 

Kia Huzoor  Aleh Salato Wasalam ny tumhy koi tehreer di hai ya muahidy ki muddat mein tausi ka wada kiya hai?

Abu sufiyan ny kaha.

Huzoor Aleh Salato Wasalam ny in mutalbaat ko tasleem karny se inkaar kardiya hai.

Ahle Makkah Ki Janib Hatib Bin Abi Balta Ka Khat

Hazrat hatib ek muazziz sahabi thy. Aap ka talluq Makkah Se tha.Huzoor Aleh Salato Wasalam ny hamly ki tayyari mukammil karli to Hazrat hatib bin abi balta ny ahle Makkah Ko ek mukhfi khat likkha or Huzoor  Aleh Salato Wasalam ke irade se inhy mutla kiya or khat ek aurat ko diya ke wo isy bari ahtiyat se ahle makkah tak pohuncha den.

 

Hazrat hatib ki is harkat ke baary mein Allah ny apney habib Huzoor  Aleh Salato Wasalam ko mutla farmadiya. Huzoor  Aleh Salato Wasalam ny Hazrat Ali (r.a) ,hazrat Zubair Bin awam or muqdaad bin aswad ko talab kiya or hukum diya ke foran rawana hojao rasty mein tumhy unt par sawar ek aurat mily gi is ki talashi lena ia ke paas ek khat hai wo issy se lelena. Ye hazraat tezi se us aurat ke taqqub mein rawana hogay or us ko pakar lia wo unt par sawar thi usy utara or us ke saman ki talashi li lekin khat nahi mila.Hazrat Ali (r.a) ny isy danty huy Farmay: Allah ki qasam Allah ke nabi ny har giz galat bayani nahi farmai tumhary pas yaqeenan wo khat hai behtar hai ke wo khat tum hamarey hawaly kardo. Jab is aurat ko yaqeen hogya ke mamla sangeen hogya hai to us ny apni cooti kholi or us mein jo khat is ny chupa rakkha tha nikala or dedia.

Hazrat Ali (r.a) ny wo khat bargah e risalat mein paish kiya Huzoor

Alehe salato wasalm ny Hazrat hatib ko talab farmaya, or un se pocha: Ay hatib ye tum ny kia kiya?

Inhon ny arz kia: Ya rasool Allah Aleh salato wasalm bakhuda Allah or us ke rasool par mera emaan pukhta hai mein har giz murtad nahin hua mera makkah mein koi qareebi rishte daar nahi tha jo in halaat mein mery ahlo ayal ki khabar giri karta mein ny ye khat likh ka in par ek ahsan kiya hai ta ke wo is ahsan ke badly mery ahl o ayal ka khayal rakhhen.Huzoor pur noor Aleh Salato Wasalam ny hatib ka ye uzar sun kar farmaya:

Hatib ny sacchi baaat bta di hai is mokay par Hazrat hatib ko in ki is galti par karny ke liy ye ayat nazil hoi. Ay emaan walo in logo ko dost mat banao jo mery bhi dushman hain or tumhary bhi.

(Surah Al mumtehna ayat 1)

 

Pehli Qayadat

10 Ramzan ul mubarak aath hijri ko islami lashkar Makkah ki janib rawana hua makkah se ek manzil ke faslay par islami Lashkar ny parao dala jab raat hoi to Huzoor  Aleh Salato Wasalam ny hukum diya ke sub loog alag alag alao roshan karen. Is hukum ka maqsad ye tha ke andhere mein daur se dekhny par buhut bara lashkar nazar ay or dushmano ke dilon par roub or haibat taari ho jay.sahaba karam ny aisa hi kiya or wasee o areez medan mein das bara hazaar alao roshan

Kardiy door se dekhny par yuun lagta tha jesy lakhon ka lashkar Khema zan hai.

 

Abu Sufiyan Bin Harab Ki Giraftari

Ahle makkah ko ye maloom hochuka tha ke Huzoor  Aleh Salato Wasalam ek azeem ul shan lashkar ke hamrah Makkah ke qareeb a pohunchy hain is liy teen admi abu sufiyan bin Bin harab hakeem ibne hazam or badeel ibne warqa surat e haal ka jaiza leny ke liy makkah se niklay nighebani par mamoor dastay ki in par nazar pari to inhon ny in teeno ko giraftar kar liya or Huzoor  Aleh Salato Wasalm ke paas le gay, raastay mein Hazrat abbas se mulaqat hoi.hazrat abbas or abu Sufiyan ke makkah mein buhut acchy talluqat rahy thy is liy unhon ny Abu sufiyan or is ke sathiyon ko apni tehweel mein lelia or Huzoor  Aleh Salato Wasalam ki khidmat mein paish karney ke liy ley janay lagay jab Hazrat umer ke alao ke paas se guzray

or Hazrat ki abu sufiyan par nazar pari to un ke gusssay ki Inteha nahi rahi q ke musalmanon ke beshtar mushkilaat ka Sabab yehi shaks tha chunacha is ko dekhtay hi ba awaz e buland goya huy ye raha Allah ka dushman abu sufiyan. Alhumdulillah ke Allah ny is ko hamrey qaboo mein de diya. Jab ke h umraa  na is ke sath koi peman hai na koi muahida. Hazrat umer utthay or Huzoor  Aleh Salato Wasalam ko ye Khushkhabri sunanay ke liy gay Hazrat abbas ny ye dekh kar apni rafatr bhi teez karde or Hazrat umer se pegly Huzoor Aleh Salato Wasalam ke paas pohunch gay or isi doran Hazrat umer bhi a pohunchay or arz kiya ya rasool Allah Aleh Salato Wasalam Allah TALLAH ny dushman e khuda Abu sufiyan ko hamarey hath mein de diya hai,is liy mujhy ijazat dedijiy ke mein is ka sar qalam kar doon.

 

Hazrat abbas ny kaha .....Ya Rasool Allah Aleh Salato Wasalam mein is ko panah de chuka hoon. Magar Hazrat umer ny apni baat par israr jari rakkha, akhir Hazrat abbas ko gussa agya or Hazrat umer se mukhatib ho kar goya huy. Abu sufiyan mery qabeelay ka admi hai isliy tum barh charh Kar bol rahy ho.agar tumharay qabeelay bani adi ka fard hota to yun batein na kartay. Hazrat umer ny kaha ke nahi abbas aisi baat nahi hai.khuda ki qasam jis din aap islam lay thy us roz mujhy itni khushi hoi ke agar mera baap zinda hota or islam lata ,tab bhi itni musarrat na hoti or is ki wajah mehez ye thi ke rasool Allah Aleh Salato Wasalam ko jis qadar aap ke islam lanay se khushi hoi thi ,itni musarrat mery walid ke imaan lany par na hoti.

 

Behre haal Hazrat abbas chun ke abu sufiyan ko panah de chukay thy isliy Huzoor  Aleh Salato Wasalam ny Hazrat abba ki ye baat qubool karli or farmaya....filhal to abu sufiyan ko ly jayn or apni tehweel mein rakkhen subah mery dobara hazir hoon. Subah hoi or loog namaz ke liy bedaar honay lagay to abu Sufiyan Ny pocha ke ye sub kia karny lagay hain?

 

Hazrat abbas ny batay ke namaz ada karnay ki tayyari ho rhi Abu sufiyan ny logo ko intehai nazmo zabt se uth kar wazo kartay huy or namaz ada kartay huy dekha to buhut mutassir hua or kehnay laga:

Ajeeb itaat ka muzahira hai Muhammad Aleh Salato Wasalam jis kaam ka hukum detayn hain sub bila chun chara is par amal karnay lagtay hain itaat ka aisa manzar to meny kisi bary bary shahi darbar mein nhi dekha.

 

Paishi

Huzoor Aleh Salato Wasalam namaz se farig huy to Hazrat Abbas ny Abu sufiyan or dosray do qaidi app aleh salato wassalam ke robaro paish kiy Aap Allah Aleh Salato Wasalamny in se pocha .......kia abhi wo lamha nahi aya ke tum is baat ki gawahi do ke Allah ke siva koi maabood nahi hai? Sub ny kaha ke hum gawahi detay hain ke Allah wah daho lashareeq hai Abu sufiyan ny kaha ke kia shak reh gaya hai? Huzoor Aleh Salato Wasalam ny farmaya ye bhi gawahi do ke mein Allah ka rasool hoon.. Abu sufiyan ny pora qalma shahadat parh liya or mushraf ba islam hogya..

 

Dar Ul Amaan

Islam laany ke baad Abusufiyan ny pocha ke Ya Rasool Allah Aleh Salato Wasalam agr quraish aap aleh salato wasalam ke maqabil na ayn or kisi qisam ki muzahmat na kren to in ko amaan mil jay gi? Huzoor Aleh Salato Wasalam ny farmaya........han jo shaks muzham na ho us ke liy amaan hai. Hazrat Abbas ny sargoshi ki Ya Rasool Allah Aleh Salato Wasalam Abu sufiyan jah pasand admi hai agr is mokay par Aap Alehe Salato Wasalam is ki kuch izzat afzai farma den to khush hojay ga..daryaiy rehmat joosh mein aya or farmaya jo shaks Abu sufiyan ke ghr mein dakhil hojay us ke liy bhi amaan hai.

 

Makkah Mein Dakhil Honay Ka Manzar

Dosray din huzoor  aleh salato wasalm ny makkah mein dakhil hony ke liy kooch ka irada kiya to Hazrat Abbas se farmaya jis pahari ke smnay se lashkar guzray ga us par Abu sufiyan ko le kar kharay hojayn ta ke Abu sufiyan islami lashkar ke jaho jalal or shano shoukat ko apni ankhon sedekh ly Hazrat Abbas ny aisa hi kiya or bolandi par kharay ho kar Abu sufiyan ko ye azim ul shan manzar dekhaya. Ye ajeeb roh parwar dilkash nazara tha b uhut bara lashkar tha mukhtalif qabail ke loog thy har qabeela har qabeela apni numayan alamat ki wajah se pehchana jata tha.jab ye qabail markazi kaman ke ahkam ke mutabik ek khaas tarteeb o tanzeem se baad e degar makkah ke liy rawana huy to in ka joosh o kharoosh qabil deed tha juziya ashar parhtay naray taqbeer buland karaty or Allah ki hamdo sana ke taranay gatay uy jab ye loog Abu sufiyan ke samnay se guzray to wo heran reh gaya.

 

Makkah mein dakhil honay waly pehlay datay ki qayadat Hazrat ali ny ki in ke haton mein huzoor  aleh salato wasalam ka makhsoos parcham lehra raha tha dosra dasta Hazrat Zubair bin awam ki qayadat mein magrib ki janib se makkah mein dakhil hua Hazrat saad bin abada ansari mashriq ki taraf se makkah me dakhil honay waly teesray dastay ki sar barahi karrahay thy chothay dastay ki qayadat Hazrat khalid bin waleed ny ki jo junoob ny makkah mein makkah mein dakhil huy.hazrat saad bin abada jab makkay mein dakhil huy to unhon ny be ikhtiyar y eelaan kiya. Aj ka din hamlay ka din hai or aj hurmat khatam hogi.Jab ye khabar huzoor  aleh salato wasalam tak pohunchi to Aap Aleh Salato Wasalam ny farmaya:

 

Saad bin abada ny galat kaha hai aj ka din kaabah ki azmat ka din hai aj kabaah ko libas prhnany ka din hai, or saad bin abada ko dastay ki sarbarahi se hata kar in ke bety Hazrat qisar bin saad ko dastay ki sipa salari ke Faraiz sonp diy.

Amaan

Is ke baad huzoor  aleh salato wasalam ny tamam lashkar ko hukum diya ke ashad zarorat ke bagair qatan kisi ka khoon nahin bahaya jay jo loog darwazay band kr ke gharon mein beth jayn.....ya masjid e haram mein dakhil hojayn...........ya Abu sufiyan ke ghr mein panah lelen...........or smanay na ayn ya samnay ayn or ghair muslah hoon or kisi qisam ki mazahmat na karen............in sub ke liy ....... Amaan hai.

 

Muzahmat

Huzoor Aleh Salato Wasalamko makkah mein dakhil hotay waqt kisi qasim ki mazahmat ka samna nahi karna parta albatta Hazrat khalid bin waleed ko baaz na aqbaat andaish jawanon ny roknay ki koshish or Hazrat khalid bin waleek ke dastay par teer barsay . Hazrat khalid bin waleed ny majboor ho kar dafai hamla kiya mushriqeen ke terah admi jaan se hath dho bethy or baqi loog bhag gay.

 

Huzoor Aleh Salato Wasalam ny chunkay khun rezi se mana farmaya tha isliy Hazrat khalid bin waleed ko bula kar farmaya ke tum ny mery mana ke bawajood itnay admiyon ko kiuu qatal kiya? Hazrat khalid ny arz kiya........Ya Rasool Allah Aleh Salato Wasalam larai ka aghaz meny nahi kiya tha mein to tasadum se bachnay ki har mumkin koshish karta raha magar jab wo loog hathyaar utha kar muqablay par agay to is ke ilawa koi chara nahi raha ke in ko raastay sy hata diya jay. Chunkay amaan sirf in logo ke liy thi jo gher musallah hoon isliy huzoor  aleh salato wasalam Hazrat khalid ke isjawab se mutmaen hogay or farmaya:   Allah ka faisla hamesha behtar hota hai..

Tawaf

Makkah mukarramah mein huzoor  aleh salato wasalam ke liy ek munasib maqam par khema nasab kardiya.chun na cha Huzoor Aleh Salato Wasalam makkah mein dakhil hony ke baad is mein tashreef le gay.thori der aram farmaya phir ghusal kiya or tayyar ho kar bahar tashreef lay darwazay ke samnay hazaron jan nisar ba adab or khamosh kharay huzoor  aleh salato wasalam ka intezar karrhy thy Hazrat muhammad ibn e muslima ny khemay ke bilkul qareeb huzoor  aleh salato wasalam ki makhsos untni bitha rakkhi thi.is par huzoor  aleh salato wasslam sawar hogay Hazrat muhammad ibn e muslima ny muhaar pakri or suy kabbah chl paray peechy peeechy hazaron afrad ka lehrein leta hua darya bhi rawan hogya or huzoor  aleh salato wasalam ny in ke hamrah tawaf shuru kiya to sub khushi se az khud rafta hogay ............ Or kiuu na hotay.......?K ye din tha hi be payan musarrat ka........poray arab ka markazi maqam makkah mukarrama aj ahle islam tassaruf mein a chuka tha or Allah ke jis ghrk tawaf karnay ke liy inhen mushreeqen Makkah se ijazat leni parti thi aj is ka tawaf karnay mein rukawat dalna to darkinar, kisi ko in ki taraf ankh utha kar dekhnay ki jurrat nahin thi lekin is manzil tak pohunchnay ke liy inhen kai saal tk shab o roz jiddo jehed karni pati thi tab kahin bartaro bala khuda wanda nyin par itna bara karam kiya tha in ke dil jazbat e tashukkur se mamoor thy or zaban e Allah ki azmat o kibriyai ka ailan kar rahi theen:

 

Allah Hu Akbar , Allah Hu Akbar , Allah Hu Akbar , Allah Hu Akbar.

 

Khitab

Huzoor Aleh Salato Wasalam ny sath martaba khana kaabah ka tawaf kiya or khana kabbah ke kaleed bardar usman bin talha ko hukum diya ke wo kabbah ka darwaza khool de. Is roz panch musalman khana kabbah mein dakhil huy.

 

1. Huzoor  Aleh Salato Wasalam

2.Hazrat Ali (R.A) (R.Z)

3.Hazrat Usama Bin Zaid

4.Hazrat Bilal

5.Kabbah ke Kaleed Bardar Usman Bin Talha 

 

Fatah makkah ke waqt khana kabba mein 360 but rakkhy huy thy huzoor  aleh salato wasalam ny haq aya or batil mit gaya , beshak batil ny mit jana hi tha (surah bani israel.ayat 81) ka wird kartay huy hath mein pakri hoi lakri se khana kabbah mein rakkhy huy sub se baray but ki taraf ishara kiya or wo gir gaya is ke baad huzoor  huzoor  aleh salato wasalam ke hukum se khana kabbah se 360 buut nikaal kar bahar phenk diy.

 

Ahle makkah khoof o hiras ke alam mein thy in ke dil pareshan thy in ka khayal tha ke musalman in ke sath wahi slook karen gay jo fateh fauj maghloob awam ke sath karti thi khoon se galiyan bhar jayn gi aho buka se fiza laraz jay gi loog ghr se be ghr hojayn gay khawateen be pardah hojayn gi bacchy yateem hojayn gay. Lekin huzoor  aleh salato wasalm ny khanay kabbah ke darwazay par kharay hokar farmaya: ayy makkah ke bashindon tum loog jang ke qanoon se agah ho or jantay ho ke k ahd e shikni ki saza kia hai ab jab ke tum h umraa y maghloob ho musalmanon ko ye haq pohunchta hai ke tum sub ko teh teeg kar den ya apna ghulam bana len lekin aj mein tum se wahi baat keh raha hoon jo Hazrat yusuf ny apney bhaiyon se kahi thi chun na cha tum loog azad ho.......or tumhari jaan o maal par koi taaruz nahi hai.. Ay logo Allah Talah ny tamam insanon ko ek mard or ek aurat se paida kiya hai inhen ek dosray par foqiyat hasil nahi magar taqwa mein Allah ki nazar mein tamam insan barabar hain lehaza dore ke wo tamam aizazat jo hasab o nasab or qabeela or mansab ki bila dasti par qaim thy aaj mansookh kiy jatay hain.

 

Fatah Makkah ke Baad Ahkamaat

Fatah makkah ke baad huzoor  aleh salato wasalam ny apnay or islam ke sakht dushmanon ke muqablay mein intehai narmi or farakh dili ka muzahira farmaya or inhen afood bakhshish se nawaza aisy hi logo mein ek shakhs ukrama bin Abu jehel tha jo musalmanon ke makkah mein dakhil honay se pehly hi jan ke khof se bhag gaya tha. Ukrama ki biwi huzoor  aleh salato wasalam ke pas aye or apnay shohar ke liy amaan talab ki syedana huzoor  aleh salato wasalm ny ukrama ki jaan bakhsh di.

 

Islam ka ek bara dushman ufwan bin umiya bhi afodar guzarna se behrawar hua. Fatah makkah ke teesray din huzoor  aleh salato wasalam ny kuch musalmanon ko ye zimmedari sonpi ke makkah ke muzafaat me jayn or jahan bhi buut nazar ayn inhen taur den inhi logo

Me khalid bin waleed bhi shamil thy jinhen ye hukum mila ke nukhla ja kar wahan ke butoon ko tor den.

 

Aurtoon Ki Bait

Fatah makkah ke baad huzoor  aleh salato wasalam ny logo se bait li. Bait honay walon mein mard bhi shamil thy or aurtoon bhi ..ek aurat buhut se aurton ke jhurmat mein naqab urhay huy aye or kehny lagi.

Alhumdulillah , ke Allah ny apnay pasand dida deen ko ghalba ata farmaya..ya Muhammad aleh salato wasalam mujhy yaqeen hai ke me bhi Aap Allah Aleh Salato Wasalamki rehmat se hissa paon gi q ke mein Allah par emaan lany wali or tasdeeq karnay wali aurat hoon..ye keh kar is ny naqab utha diya or kaha me hunda hoon, utba ki beti or Abu sufiyan bin harab ki biwi ye wahi hunda hai jis ny Hazrat hamza ka kaleja chabaya tha. Hunda jab emeen le aye to Rehmatul Lilalameen Aleh Salato Wassalam ny is ke saray qusoor maaf kardiy or jabeen e anwar par koi shakun lay baghair nihayat farakh dili se farmaya khush amdeed. Is ke baad huzoor  aleh salato wasalam ny hunda or us ke sath ai hoi aurton ko bait kiya or in se mandarja zeel batoon ka ehad lia is waqt Hazrat umer huzoor  aleh salato wasalam ki tarjumani karrahy thy chun na cha Hazrat umer ny kaha...allah ke sath kisi ko shareek nahi karna. Hunda ny kaha......agr Allah ka koi shareek hota to kia aj h umraa y kaam nahin ata? Hazrat umer ny kaha...... Chori nhi karna hunda ny kaha.....Ya Rasool Allah Aleh Salato Wasalam mera khawand Abu sufiyan buhut kanjoos admi hai kia is ke ilm mein lay baghair mein iski aulaad par kharch kar sakti hoon? Huzoor Aleh Salato Wasalam ny farmaya “han zarorat ke mutabiq le Sakti ho.” Hazrat umer ny kaha... Zina nahi karna.hunda ny kaha....kia azaad aurtoon ny bhi kabhi zina kiya hai? Hazrat umer ny kaha.......apni aulad ko qatal nahi karna hunda ny kaha.....hum ny to paal poos kar in ko bara kiya tha,magr ap nay medan e badar mein in ko maar dala.

 

Ye dil chasp jumla sun kar Hazrat umer kafi der tak muskuraty rahy. Hazrat umer ny kaha ke huzoor  aleh salato wasalam jin achy kamon ka hukum den in par amal karna or Huzoor Aleh Salato Wasalam ki nafarmani nahi karna hunda ny kaha....Ya Rasool Allah Aleh Salato Wasalam mery maa baap ap par qubaan hoon ye kesi umdah or ala ba huzoor  aleh salato wasalam ny hum ko sekhai hain.

 

Fatah Makkah ke Nataij

Jab makkah fatah hua logo ny jok dar jok islam qubool karlia. Jab ajay madad Allah ki or fatah naseeb hojay or dekh lo ay nabi aleh salato wasalam logo ko ke dakhil ho rahy hain wo Allah ke deen mein foj dar foj to tasbeeh karo apnay rab ki hamd ke sath or bakhshish mango issy beshak wahi hai tauba qubool karnay wala.

(surat ul nasrah)

 

Fatah makkah ke mutalliq morkheen ny aitraaf kiya hai tareekh mein aisi misaal nahi milti ke koi fatah khoon bahay baghair hoi ho.qadeem o jadeed duniya ki tareekh mein maftoheen ko is tarhan ki aam mafi kabhi nahi de gai or duniya ki tareekh mein aisi koi misaal nahi milti ke fatah ny aam mafi di ho.


GHAZWA E HUNAIN

Makka Mukarrama se janib shumal mashriq choudah pandrah mile ke fasle par aik wadi hey jo Hunain ke naam se mashoor hey. Baaz jughrafiya dano ne likha hey ke aik chasme ka naam Hunain tha jis ki waja se ye sari wadi Hunain khelai. Yahan qabeela hawazan abaad tha.

Is qabeela ko apni afradi kasrat, apne nojawano ki shujaat o basatat aur fanon sipa giri khususan teer andazi mein in ki be nazeer maharat ke bais tamam arab qabail mein aik mumtaaz muqaam hasil tha. Is wadi mein aik jagah ke naam Otaas tha. Ye wo jagah hey jahan lashkar e Islam se in ki faisla kun jang howi thi. Seerat ki kitabon mein ye Ghazwah, Ghazwah e Hunain aur Ghazwa e Otaas ke naam se mashoor hey.

Jab Huzoor  Aleh Salato Wasalam ne Makka ko fatah kar liya aur qabail Quraish ke aksariyat ne Islam qabool kar liya to jazeera tul Arab ke beshtar qabail bargah e Risalat s.a.w mein hazir ho kar Islam qabool karne lage lekin qabeela e Hawazan aur qabeela e Saqeef ka mamla is ke baraks tha Islam ka ghalba dekh kar qabeela e Hawazan aur qabeela e Saqeef muztaraf hogaye ke ab in ki bari hey lashkar e Islam ab in par hamla kare ga aur in ki riyasat aur hukmarani ka khatma hojaye ga.

Qabeela e Hawazan ke rais Malik Bin Oof ul Nasra ne aur qabeela e Saqeef ke ameer Kanana Bin Abad Yalail ne is sorat e haal se nipatne ke liye bahemi mashware kiye. Majlis mashawarat mein dono qabeelon ke ayhal lul raye ko bhi mado kiya gaya.

Sab ne ittefaq e raye se ye tey kiya ke agar hum ne koi qadam uthane mein hichkicahat ka muzahirah kiya to musalmaan hum par hamla kar den ge. Is liye bajaye is ke k wo pehal Karen hamey fori qadam uthana chahiye aur musalmano par hamla kar dena chahiye. Chunacha qabeela e Hawazan, aur qabeela e Saqeef ke tamam log in meham mein shirkat ke liye amadah hogaye. Is Ghazwe mein taqreeban barah hazaar musalmaan shamil the, jab ke dushman ke tadaad bees hazaar thi.

Hawazan Aur Saqeef Ka Ijtima:

Malik Bin Oof is fouj ka qaid tha. Is ki umar tees saal thi wo bohat hi josheela jawan tha. Is ne tey kiya ke aurton, bacchon aur maveshiyon ko bhi medaan e jang mein le jayen, ta ke larne walon ke zehan mein rahe ke shikast ki sorat mein hamare ahl o ayaal aur maveshi bhi dushman ke hath lag jayen ge, is tarha har admi marte mar jaye ga magar peeche hatne ki nahi soche ga.

Jab tiyariyan mukammal hogain to Hawazan apne qabeele ke aik zaeef ul umar musheer Dareed Bin Alsama ko bhi apne sath le gaye.

Mashwarah:

Medan e jang mein pohnch kar Dareed ne pocha…… “Ye bacchon, aurton aur janwaron ki mili juli awaazen kahan se aa rahi hain?”

Malik Bin Oof ne bataya “Ye hamari aurten, bacche aur maveshi hain.” “Hum in ko is liye sath laye hain ke har larne wala jaan le ke is ki jaan o maal aur izzat o abro sab kuch dao par laga howa hey.”

“Ye to bohat ghalat kaam kiya hey tum logon ne!” Dareed ne kaha “Kiyonke jab shikast hoti hey to bhagne walon ko koi shey nahi rook sakti. Is liye meri baat maano, aurton aur bacchon ko mehfooz muqamaat par bhej do. Agar tumhe fatah hogai to khawateen khud hi tum se aa milen gi aur agar shikast hogai to kam az kam tumhare ahl o ayaal to dushman se mehfooz rahen ge.”

Malik ko Dareed ke mashware par sakht gussa aya is ne kaha “Me jo faisla kar chukka hon, is par behar sorat amal karon ga.

Rawangi:

6 shawwal 8 hijri ko Huzoor  Aleh Salato Wasalam lashkar ki qiyadat karte howe Hunain ki taraf rawana howe. Lashkar mein dus hazaar to wohi khush naseeb the jo Madina se Huzoor  Aleh Salato Wasalam ke sath aye the aur Fatah e Makka mein shamil howe the. Do hazaar ke qareeb Makka ke no Muslilm the. ilawah azin jo log abhi tak mushrik the, in mein se bhi assi afraad shamil the.

Agahi:

Hunain ke qareeb pohnch kar Huzoor  Aleh Salato Wasalam ne dushman ke saaz o samaan aur pilaan wagerah se agahi hasil karne ke liye Hazrat Abdullah Abi Hadrada Salma r.a ko bheja. Hazrat Abdullah Abi Hadrada Salma r.a ko kisi ne nahi pehchana aur wo in mein ghul mil gaye. Is tarha inhon ne tamam zarori malomat hasil kar lien aur wapis akar bataya ke wo log to aurton ke ilawah hazaron ki tadaad mein maveshi bhi sath laye hain to Huzoor  Aleh Salato Wasalam ne farmaya

“Kal Insha.allah ye tamam cheezen maal e ghanimat ke tor par musalmano ke qabze mein hon gi.”

Dusri taraf Malik Ibn e Oof ne bhi teen admiyon ko malomat hasil karne ka liye bheja, magar wo teeno jald hi hanpte kanpte wapis chale aye khof se in ka bura haal tha.

Malik ne in se pocha…… “Tumhe kiya hogaya he?”

Inhon ne kaha

“Hum ne gorey chitte admiyon ko dekha, jo safaid ghoron par sawaar the. inhen dekh kar khof se hum par larza tari hogaya. H umraa  ye mashwarah hey ke is jang se baaz ajao Kiyonke hum zameen walon se to lar sakte hain, lekin asmani makhlooq se larna hamare bas se bahir hey.”

Ye sun kar Malik ko gussa agaya aur in ko dant te howe bola…. “Tum logon ne ye kiya kahaniyan shuru kar din hain….!!

Ye sab tumhari buzdili aur kam himmati ka shakhasana hey.”

Malik ko ye bhi khatrah tha ke agar ye khabar mashoor hogai to lashkar mein khof phail jaye ga. Is liye is ne in teeno ko qaid karne ka hukum de diya.

Lashkar E Islam Ki Jangi Tarteeb:

Huzoor Aleh Salato Wasalam ne fajar ke baad apne Sahaba r.a ko sifen durust karne ka hukum farmaya aur mukhtalif dastoor ke salaron ko parcham taqseem kiye. Muhajireen ka aik jhanda Hazrat Umar r.a ko dusra Hazrat Ali (r.a) r.a Abi Talib ko teesra Hazrat Saad r.a Bin Abi Waqas ko marhammat farmaya. Qabeela e Oos ka jhanda Hazrat Asaid r.a Bin Hazeer ko aur Khazraj ka jhanda Hazrat Khabab r.a Bin Manzar ko ata farmaya.

Marka Arai:

Jis din larai honi thi is se pheli raat Malik Ibn e Oof ne qabeela e Hawazan o qabeela e Saqeef ke mahir teer andazon ko munasib muqamaat par bitha diya aur kaha ke jab jang shuru hojaye to tum sab yakbaar hamla kar dena aur teeron ki barish kar dena.

Ibteda mein musalmano ko khasi kamiyabi howi dushman paspa hone laga. Ye dekh kar musalmano ke hosle barh gaye. Baaz Sahaba r.a ne musalmano ki kaseer tadaad dekh kar kaha “Aj hum par kon ghalib a sakta hey……? Lekin Allah Talah ko ye baat passand nahi ayi.

“Aur Hunain ke din, jab tumhari kasrat ne tumhe gharor mein mubtala kar diya, magar ye kasrat tumhare kisi kaam na asaki aur zameen bawajood faraagh hone ke tum par tang hogai. Aur tum bhag gaye.”

(Surah Al Touba-ayat -25)

Islami lashkar jab Wadi e Hunain ki tarf pesh qadmi karta howa dushman ki ghatiyon mein pohncha to ghatiyon mein chupe howe dushman ke teer andazon ne in par teer barsaye. Bano Saleem ke nojawano ko is ka gumaan bhi nahi tha. In ke qadam is tarha ukhre ke phir wo apnea p ko sanbhal na sake aur jaan bachane ke liye inhon ne rahe farar ikhtiyar kar li. In ke peeche Islami lashkar ke sipahi shikast kah kar bhagne lage. Teer musalsal baras rahe the aur teer andaaz kameen gahon mein chupe howe aur mehfooz the. Jab dushman nazar hi na a raha ho to….. muqabla kis se kiya jaye aur kaise kiya jaye?

Magar is afra tafri aur hangama e mehshar mein bhi Huzoor  Aleh Salato Wasalam ghorey par sawaar musalsal agey barh rahe the aur elaan farma rahe the k

“Me Nabi hon. Is mein koi jhoot nahi. mein Abdul Muttalib ka beta hon.”

Hazrat Abbas r.a ne Huzoor  Aleh Salato Wasalam ko yun taizi se agey barhte dekha to Huzoor  Aleh Salato Wasalam ke ghorey ki lagaam tham li, Hazrat Abu Sufiyaan r.a Ibn e Hars (Huzoor Aleh Salato Wasalam ke chacha zad bhai) ne rukaab tham li aur dono mil kar ghorey ko rokne ki koshish karne lage, Kiyonke teeron ki barsaat mein agey bharhna khatre se khali nahi tha.

Huzoor Aleh Salato Wasalam farma rahe the logo! “Mery paas ao mein Allah Talah ka Rasool hon, Muhammad Bin Abdullah hon.”

Huzoor Aleh Salato Wasalam ke aas paas chand jan nisaar the. Huzoor  Aleh Salato Wasalam ne ye dua farmai:

“Ya Allah! Ap hi tareef ke laik hain aur ap hi se madad talab ki jati hey. Aap azal se hain aur hamesha rahen ge. Ya Allah! Ap ne fatah e nusrat ka wada farmaya hey Ya Allah! mein is ko purey karne ki tamanna rakhta hon.”

Munazzam Fouj:

Dua ke baad Hazrat Abbas r.a se farmaya

“Kahan chale gaye hain sab… zara inhen pukariye!”

Hazrat Abbas r.a ki awaaz nehayat buland thi. inhon ne puri qowat se pukara

“Aye gurohe Ansar! Bait karne walo!”

Ye sada sunte hi har shakhs labaik labaik kehte howe is awaaz ki taraf dora chala gaya.

Is tarha muntashir lashkar chand lamhon mein phir se munazzim hogaya aur Huzoor  Aleh Salato Wasalam ke hukum par dobarah dushmano par toot para. Musalmano ke is hamle se pansa palat gaya aur shikast fatah mein badal gai. Jang e Hunain mein chey hazaar admi giraftaar howe. Challis hazaar bakriyan ilawah azin chandni aur digar sazo samaan bhi bhari miqdaar mein musalmano ke qabze mein aya.

Ehmiyat O Nataij:

Is morka ke dorras nataij mein se aik nateeja ye tha ke dehaton mein rehne wale Arab aur wo qabail arab jo is morka ke akhri anjaam ka intezaar kar rahe the ta ke Islam se muttaliq apne akhri moqaf ka elaan Karen, un sab ne Hawazan ki is battareen shikast ke baad Islam mein dakhil hone ka elaan kar diya aur Taif aur is ke muzafaat mein Islam nehayat taizi ke sath phailne laga aur dekhte hi dekhte pura ilaqa halka e bagosh Islam hogaya.


GHAZWAH TABOOK

Rajab 9 hijri ko Huzoor  Aleh Salato Wasalam ghazwah tabook ke liy rawana huy tabook is rasty par waqiya tha jo is zamany mein madina munawwarase sham ki taraf jata tha is ghazway ka sabab ye bana ke sham se any waly tajiroon ny Huzoor  Aleh Salato Wasalam ko itla di ke romiyon ka ek bara lashkar sham mein jama horha hai or wo loog saltanat e islamiya par hamlah awar hony ka irada rakhtay hain.

Huzoor Aleh Salato Wasalam ny faisla farmaya ke romiyon ke lashkar ko islami hadood mein dakhil nahi hony diya jay.

Ye buhut taweeel safar tha or shadeed garmi ka tha in dinon pora arab qaihait ki lapait mein tha is liy ahle madina taqreeban tahi dast thy is bina par is ko ghazwat ul usraah bhi kaha jata hai yani tangdasti wala ghazwah.

Zahir hai ke aisi be saro samani ke alam mein aaag ki tarhan taptay huy sehraon ko oboor karna asaan kaam nahai tha munafiqeen sakht ghabray huy thy or ahle emaan ko apna humnawa banay ke liy kehty phirty thy ke is garmi mein jung nahi karni chaahiy

ALLAH Talah ny farmaya:

Pas agar Allah Talah aap ko in ki kisi jamat ki taraf lauta kar wapis ly ay phir ye ap se maidan e jang mein nikalny ki ijazat talab Karen to aap keh dijiy ke tum mery saath har giz nahi chal saktay or na mery sath tum dushmano se larai kar sakty ho tum ny pehli martaba beth rehny ko pasand kiya tha pas tum peachy reh janay walon mein bethy raho.

(suraht ul tauba ayat 83)

Hazrat Usman Ka Atiya

Ye chnkay taweel tha or mushkil halat mein paish araha tha is liy Huzoor  Aleh Salato Wasalam ny wazeh ailan farma diya tha ke tabook jana hai ta ke har shakhs is faslay ko madde nazar rkh kar tayyari kare

Is ghazway ke liy Huzoor  Aleh Salato Wasalam ny ahle sarwat ko tang dastoon ki tayyari ki targeeb de Huzoor  Aleh Salato Wasalam ka farman sun kar Hazrat usman ghr tashreef le gay or ek hazar denar la kar Huzoor  Aleh Salato Wasalam ki khidmat mein paish kardiy gay.

Hazrat Abu Bakar Siddique Ka Isaar

Jo loog atiya de rahy thy unhoon ny Huzoor  Aleh Salato Wasalam ke hamrah jihad ke liy bhi jana tha is liy sub ny is baat ka khayal rakkha ke atiya deny ke baad kam az kam itna bach jay ke hamari gher mojodgi mein ghr walon ko fakay na karnay paryn magar Hazrat abu bakar siddique in sochon se mawra thy or in ka andaz e fikar sub se nirala thha ap ke ghr mein jo kuch tha sub ka sub utha lay ye dekh kar Huzoor  Aleh Salato Wasalam ny poocha abbu bakar ghr walon ke liy kiya chora hai?

To inhon ny basad aitaimad jawab diya….in ke liy Allah or in l Huzoor  Aleh Salato Wasalam ko chor ayah hn”

Ahle Kher

Hazrat usman or Hazrat abu bakar siddque ke ilawa bhi tamam ahl e kher ny is mehem mein barh charh kar hissa liya or hasb e istitaat mujahideen ke liy imdad faraham ki Hazrat umer farooq apna nasf maal le kar aay Hazrat abdur rehman bin aof ek so aoqiya sona le kar ay musalman aurtoon ny apney zaiwraat paish kar diy kisi sahaba ny sawari ke liy oont faraham kiy or kisi ny ghoray koi sahib galla ly aay or kisi ny hathyaar diy.

Rawangi

Shab o roz ki musalsal jaddo jehed or tayyariyon ke baad akhir kaar tees hazar afrad par mushtamil azeem lashkar taayyar hogya sanit ul wida ke paas Huzoor  Aleh Salato Wasalam ka akhri muaina kiya or qabail ko ahkamat sadar farmay alqama khizai or in ke walid ko raasta batany ke liy sath liya pr rajab 9 hijri ko baroz jumeraat tabook ki janib raawana huy

Jang Mein Shirkat Se Muazrat Karnay Walay

Buhut loog rawangi ke waqt Huzoor  Aleh Salato Wasalam ke hamar kaab nahin hoskay or peachy reh gay in mein ziayada tadad to munafiqeen kit hi jinhon ny mukhtalif qisam ke haily bahanay kar ke sath jany sy muazori zahir kar di thi Allah ny un ki muazrat ko mustarad kar diya or aisy logo ke baray mein ayat nazil hoin

Jo loog Allah Talah or roz akhir par emaan rakhtay hain wo tokabhi Huzoor  Aleh Salato Wasalam sy ye darkhowast nahi Karen gy ke inhen apni jaan o maal ke sath jihad karnay se maaf rakkha jay Allah mottaqiyon ko khoob janta hai aisi darkhowastain to sirf wahi loog kartay hain jo Allah or roz e akhir par emaan nahi rakhtay jin ke dilon mein shak hai ke wo apney shak mein pareshan horahayn hain

(suraht ul tauba ayat 44 ta 45)

Lekin kuch loog aisi thy jo baaz majbooriyon ki bina par ssaath to nahi nikal sakay thy magar baad mein lashkar ke sath ja mily thy Hazrat abu zar ghuffaribhi aisy logo mein shamil thy

Hazrat abu zar ghuffari ka oont bemar tha is liy wo bhi sath nahi ja skay or oont ke ilaaj mualjay masroof rahy khayal tha ke oont sheet yaab hogya to baad mein Huzoor  Aleh Salato Wasalam ke sath ja miloon ga chand din baad oont sheet yaab hogya to phir Hazrat ghuffari ny is par saman lada or sawar ho kar chal paray magar raastay mein oont phir bemar hogya or chalnay ke qabil nahi raaha ab mazeed takheer na qabil e bardasht thi is liyinhon ny saman utar kar apnay kandhoon par rakkha or oont ko wahin chor kar agay barh gay.

Is shadeed garmi mein itna bhari boojh uttha kar sehra mein tanha safar karna asan kaam nahi tha magar ishq ka jazba mojzan ho to koi mushkil mushkil maloom nahi hoti taweel sehra nor di ke baad akhir kaar wo lashkar ke qareeb pohunch gay sahaba karam ny hairat se kaha

Ya Huzoor  Aleh Salato Wasalam ek admi tan tanha piyada chala arha hai

Huzoor Aleh Salato Wasalam ny farmaya is ko abu zar ghuffari hona chahiy

Chand lamhoon baad sub ny taqeed kardi ke waqai Hazrat abu zar ghuffari hain

Huzoor Aleh Salato Wasalam ny farmaya Allah is par rehem karay ye tanha jiy ga tanha maray ga or tanha uthaya jay ga

Jab abu zar ghuffari khidmat e akdas mein hazir huy to piyas se behaal thy pani pee kar hawas bahal huy to apni daastan bayan ki Huzoor  Aleh Salato Wasalam ny farmaya abu zar ghuffari Allah ny tumhary ek qadam ke ewaz tumhara ek gunnah maaf farmaya or ek darja buland kiya ye misr dah janfara (khushkhabri) sun kar Hazrat abbu zar ghuffari hasshash basshash hogay

QOOM SAMOOD

Lashkar islam Huzoor  Aleh Salato Wasalam ki sarbarahi mein tabook ki taraf jar aha tha ke raastay mein maqam hijar se lashkar ka guzar hua jahan qoam samood ny apnay makanaat tarash kar banay thy chunk is maqam par azab e ilahi nazil hochuka tha Huzoor  Aleh Salato Wasalam ny hukum dediya tha ke koi shakhs yahan qayam karay na pani piy.

TALAB E BARISH

Safar ke doran aik dafa pani khatam hogaya aur log piyas ki shiddat aur garmi ki hiddat se be chain hogaye. Ye dekh kar Hazrat Abu Bakkar Siddique r.a ne arz kiya….. “Ya Rasool Allah Aleh Salato wassalaam! Allah Talah ne hamesha ap Aleh Salato Wasalam ki dua se hum par barkaten nazil farmai hain, aj bhi dua farma dijiye.”

Huzoor Aleh Salato Wasalam ne isi waqt dua ke liye hath utha diye badal ghir aye aur mosla dhaar barish shuru hogai. Chand hi lamhon mein jal thal hogaya aur khusk nadi naalon mein pani rawan hogaya. Sahaba Karaam r.a ne ji bhar kar pani piya aur pani se bartan bhar liye. Aik Sahabi r.a biyaan karte hain ke barish sirf is hisse mein howi thi jahan lashkar muqeem tha. Baqi sara sehra bad satoor khusk tha.

Bair Tabook:

Is qadar garam mausam mein itna taweel safar bazaat e khud aik masla tha, phir samaan khurdo nosh ki kami ne mazeed masail peda kar rakhe the. khabhi ghilla khatam hojata tha, khabhi pani, magar qurban jayen in hosla shikan halaat mein bhi in nafoos e qudsiya ke sabar o sabaat mein koi farq nahi aya. Bal akhir ye karwaane azam o himmat masaib o mushkilaat ki ghatiyan oboor karne mein kamiyab hogaya aur manzil e maqsood ke qareeb ja pohncha.

Tabook Mein Qayaam Aur Wapsi:

Tabook jane ka maqsad roamiyon se jahad karna tha, Kiyonke Huzoor  Aleh Salato Wasalam ko ittila mili thi ke inhon ne Islami saltanat par hamla awar hone ke liye aik bara lashkar tiyaar kiya hey. Magar jab Huzoor  Aleh Salato Wasalam pesh qadmi karte howe khud sarhad par ja pohnche to roamiyon par heybat cha gai aur in ko samne ane ki jurraat nahi howi.

Huzoor Aleh Salato Wasalam Tabook mein pandrah bees din qayaam farmaya. Is doran Huzoor  Aleh Salato Wasalam ne ird gird abaad mukhtalif qabeelon ke sardaron se mulaqaten kien aur sulah ke muhaide kiye. Wo log Huzoor  Aleh Salato Wasalam ke husn e ikhlaq aura ala zarfi se bohat mutasir howe aur Huzoor  Aleh Salato Wasalam ki khidmat mein bohat se tahaif pesh kiye.

Is Ghazwey mein agarchey larai to nahi howi magar Huzoor  Aleh Salato Wasalam aur Huzoor  Aleh Salato Wasalam ke rufka ki shujaat o bahaduri ki har taraf dhaak beth gai aur phir zindagi bhar kisi ko Huzoor  Aleh Salato Wasalam se muqabla karne ki himmat nahi howi.

Ehmiyat O Nataij:

Tabook ka safar musalmano ke liye be had fawaid aur hikmaton ka pesh khema sabit howa.

1.    Ghazwa e Tabook ke mauqa par jab Rasool Allah Aleh Salato Wasalam ne Sahaba Karaam r.a ko Allah Talah ki rah mein maal kharach karne ki targheeb di to Sahaba Karaam r.a apni istataat ke mutabiq maal le kar hazir khidmat hogaye. Is tarha maaldaar logon ko ajar e azeem jannat ki basharat aur apna maal fi sabeelillah kharch karne ki toufeeq naseeb howi. Jab ke fuqra aur ghareeb Sahaba Karaam r.a ki dastigiri howi aur yun lashkar e Islam tareekh e Islam mein pheli martaba itni kaseer tadaad mein jama howa.

2.    Is mauqe par munafiqeen jo ke bazahir musalmano ke sath the aur khud ko Huzoor  Aleh Salato Wasalam ka saccha jaan nisaar kehte the. in ka raaz fash hogaya.

“Jab tum in ke paas lout kar jao ge tumhare samne Allah ki qasmen khayen ge ta ke tum in ko mauf karo so in ki taraf tawajja na karna ye napaak hain aur jo kaam ye karte rahe hain in ke badle ka thikana dozakh hey.”

(Surah Al Touba-ayat -95)

3.    Allah Talah ne kuffaar ke dilon mein musalmano ka aisa roab aur dabdaba daal diya ke wo musalmano ke sath muqabla karne ki himmat nahi kar sake aur yun dushman ka tiddi dil lashkar medan se faraar ho kar roam sehar mein bikhar gaya.

4.    Huzoor Aleh Salato Wasalam ne apne amal e mubarrak se ye zahir farma diya ke jab Allah Talah ke Deen ko nuqsaan pohnchane ke koshish ki jaye to sab kaam chor kar Deen e Hanif ki azmat ke liye dusman ke samne sisa pilai howi dewar ban jana chahiye aur aise waqt qoam ke qaid ko lashkar ke sath pesh pesh rehna chahiye. Is Ghazwa ke baad Arab ke andar aur bahir mojood kuffaar ko phir himmat nahi howi ke wo musalmano ke muqable mein ate.

5.    Is Ghazwa mein esai hukmarano mein se Ayla ka hakim Yohana na sirf jazya dene par razamand hogaya balke is ne maal e kaseer bhi pesh kiya is ke ilawah jarba aur azrah ke bashindon ne bhi itaat qabool kar li. Huzoor  Aleh Salato Wasalam ne in logon ko aik amaan nama likhwa kar diya.

6.    Mazkorah halaat ko dekh kar jazeerah numa arab ke andar aur bahir jo qabail abhi tak is umeed par zindah the ke musalmaan go pura arab fatah kar chuke hain magar roami wo taqat hey jo musalmano ko shikast de den ge. Wo log roamiyon ke aala kar bane howe the. ghazwa e Tabook mein roamiyon ke bhag jane se achi tarha samajh chuke the ke ab musalmano ki azeem rohani aur ijtemai qowwat ko koi nahi rok sakta. Is liye inhon ne purane doston par aitmaad karna chor diya aur musalmano ke himaiti ban gaye. Is tarha musalmano ke sarhaden wasi hogayen.



HUJJAT UL WIDA

Hijrat ke baad dus saal mein peghambar e Islam Huzoor  Aleh Salato Wasalam ne jazeera tul arab mein rozana 822 murabba kilo meter pesh qadmi farmai hey. Islam ke aghaz mein musalmaan itne tehi dast aur ghareeb the ke pheli teen jangon mein wo sipahiyon ke paas aik oonth tha. Jang e Badar mein musalmano ki tadaad teen do teerah thi aur in ke paas sirf do ghorey the. lekin baad mein musalmaan itne taqatwar hogaye ke Jang e Hunain mein in ke paas aik hazaar ghorey the aur Jang e Tabook mein Islami lashkar ke paas dus hazaar ghorey the.

……Pheli larai mein musalmano ke paas chand afraad the. ye larai nakhla ke muqaam par howi.

….. dusri larai mein musalmano ki tadaad teen so terah thi.

….. Jang e Uhad mein saat so musalmaan the.

…. Jang Tabook mein musalmano ke paas tees hazaar sipahi the.

Baaz jangon mein musalmano ka nuqsaan bohat kam howa aur baaz mein inhen bhari nuqsaan uthana para.

9 hijri mein Huzoor  Aleh Salato Wasalam bimaar hogaye aur Madine mein qayaam pazeer rahe. Is saal Syedena Huzoor  Aleh Salato Wasalam ne safeeron aur ane wale qabail ke numaindon se mulaqat farmai. Syedena Huzoor  Aleh Salato Wasalam pure jazeera tul arab ke mazhabi, siyasi aur askari peshwa the.

SAFAR E HAJJ:

Tareekh shahid hey ke hijrat ke duswen saal Syedena Huzoor  Aleh Salato Wasalam choudah hazaar musalmano ke sath Hajj ke liye Makka Mukarrama tashreef le gaye.

Is hajj ko mukhtalif namo se mosoom kiya jata hey. Hujja tul wida, hujja tul tamam, hujja tul balagha aur hujja tul islam.

Hijrat ke duswen saal elaan kiya gaya ke is saal hajjaj karaam ka jo qafla fariza e Hajj ada karne ke liye Makka jaye ga is qafla ke salaar e rehmatulil alameen, mehboob Rab ul alameen Huzoor  Aleh Salato Wasalam khud hon ge. Jaise jaise Hajj ka mahina qareeb a raha tha, qafile Madina pohnchne lage. Zil qad ki pacchees tareeekh thi, hafta ka din tha. Huzoor  Aleh Salato Wasalam ne Hazrat Abu Dajana r.a ko Madina mein apna naib muqarrar farmaya, azwaaj e mutahhiraat r.a ko is safar mein hum rakabi ka sharf hasil howa.

EHRAAM KI NIYAT:

Jab Zul Halifa ke muqaam par pohnche to sab ko qayam karne ka hukum mila. Zul Halifa aik chashme ka naam hey jo Madina se panch ya chey mile ke fasley par hey. Zuhar ki namaz se phele Huzoor  Aleh Salato Wasalam ne ehraam ke liye ghusal farmaya, sar mubarrak mein tail lagaya, kanghi ki aur khusbu lagai, phir ehraam ki bandha aur do rakat namaz ada ki, phir talbiya farmai.

Talbiya ke kalmaat ye hain:

Labbaik allahuma labbaik

Hazir hon mein Aye Allah Tala, hazir hon

Labbaik Lashareeka laka labbaik

Hazir hon me, ap ka koi shareek nahi mein ap ke darbaar mein hazir hon

Innal hamda walnamata

Sari tareefen ap ke liye aur sari naimaten ap ne ata farmai hain

Laka walmalaka lashareeka laka

Ap sare mulkon ke badshah hain, ap ka koi shareek nahi

Huzoor Aleh Salato Wasalam ne Sahaba Karaam r.a ke sath ye safar jari rakha aur ye qafla is waqt Makka Mukarrama ke qareeb pohncha jab suraj ghuroob ho raha tha. Yahan aik chota sa gaon tha jis ka naam Zo Tawa tha. Raat Huzoor  Aleh Salato Wasalam ne is gaon mein qayam farmaya. Ta ke raat bhar araam karne se safar ki thakawat daur hojaye aur jab Allah Talah ke ghar ki ziyarat ke liye Makka mein dakhil hon to taza dum ho kar agey barhen. Fajar ki namaz Zu Tawa mein ada ki phir Makka ki taraf rawana howe. Is safar ko tey karne ke liye musalmano ne aath raat din raaste mein guzarien.

TAWAAF:

Zul Hajj ki char tareekh ko Huzoor  Aleh Salato Wasalam Makka Mukarrama mein dakhil howe. Ahle Makka be taabi se Huzoor  Aleh Salato Wasalam ke muntazir the. Aur Bani Hashim ke masoom bacche Huzoor  Aleh Salato Wasalam ke istaqbal ke liye kharey the. Huzoor  Aleh Salato Wasalam par nazar pari to sab ke chehrey damak utthe. Khususan bacchon ki khushi aur musarrat to dekhne ke qabil thi. Huzoor  Aleh Salato Wasalam ne in ki khushiyon aur musarraton ko dobala kar diya bacchon ko piyar kiya. Kisi bacche ko sawari par apne sath bith liya. Kisi se hath milaya aur duain dien.

Baab Bani Sheeba ki janib se Huzoor  Aleh Salato Wasalam haram mein tashreef laye.

Jab Kaba par nazar pari to in alfaz mein bargah e Rab ul Izzat mein iltija ki:

“Aye Allah! Apne ghar ke sharf ko, is ki azmat ko, is ki izzat ko aur ziyadah barha.”

Aik aur riwayat mein yun marvi hey ke Huzoor  Aleh Salato Wasalam jab Kaba shareef ki ziyarat karte to in alfaaz mein iltija karte:

“Aye Allah! Ap hi salaam hain. Ap hi mein salamti hey. Aye hamare Rab! Hamey salamti se zindah rakh. Aye Allah! Is ghar ke sharf aur izzat aur takreem aur roub mein izafa farma.” Phir Hijr e Aswad ko bosa diya aur tawaaf kiya. Tawaaf se farigh hone ke baad muqaam e Ibrahim par tashreef laye, do rakat nafal ada ki aur ye ayat tilawat farmai:

                 “Muqaam e Ibrahim ko musallaa bana lo.”

(Surah Al Bakra-Ayat-125)

Tawaaf se farigh hone ke baad Sifa o Marwah ki taraf tashreef le gaye aur ye ayat tilawat farmai:

“Be shak Sifa o Marwah Allah ki nishaniyon mein se hain. Pas jo Hajj kare is ghar ka ya umrah kare to harj nahi isy ke chakkar lagaye in dono ke darmiyan aur jo koi khushi se naiki kare to Allah Talah bara Qadardaan aur khoob janne wala hey.”

(Surah Al Bakra-Ayat-158)

Saat chakkar purey karne ke baad Huzoor  Aleh Salato Wasalam ne ehraam nahi khola. Kyn q Huzoor  Aleh Salato Wasalam apne hamrah qurbani ke janwar laye the. Aath Zul Hajj tak Huzoor  Aleh Salato Wasalam Makka Mukarrama mein tashreef farma rahe. Aath tareekh ko Makka se Manaa tashreef le aye.

MEDAAN E ARAFAAT:

Huzoor Aleh Salato Wasalam ne namaz e Zuhar aur Asar, Maghrib aur Esha Manaa mein ada kien aur raat ko wahan qayam kiya.

Suraj tulo hone ke baad 9 Zul Hajj ko wahan se arafaat tashreef le gaye. Masjid e Nimrah ke paas Huzoor  Aleh Salato Wasalam ke liye aik khema nasb kiya gaya tha. Ye jagah medaan e arafaat ke mashriqi janib hey. 9 Zul Hajj san 10 hijri ko jab suraj dhal gaya to Syedena Huzoor  Aleh Salato Wasalam apni oonthni Qaswaa par sawaar ho kar Wadi e Nimrah mein “Hablur Rehmat” par jalwah afroz howe.

 

KHATIMUL ANBIYA

HUZOOR ALEH SALATO WASSALAAM

KA AKHRI KHUTBA

Khutba Hujjatul Wida Islam ka asasi dastoor aur buniyadi usool ki hesiyat ka hamil hey. Syedena Huzoor  Aleh Salato Wasalam ne Khutba Hujjatul Wida wafaat se taqreeban assi rooz qabal farmaya:

“Logo! Meri baaten ghor se suno!

Kiyonke shayad is saal ke baad is muqaam par mein tum logon se na mil sakon.

Aye logon! Allah Talah farmate hain. Hum ne tumhe aik mard aur aik aurat se peda kiya hey aur tumhare khandaan aur qabeele is liye hain ke tum aik dusre ko pehchan sako. Bila shuba Allah Talah ke nazdeek tum mein izzat daar wo hey jo sab se ziyadah muttaqi hey. Isi liye kisi arbi ko ajmi par aur kisi ajmi ko arbi par koi fazilat nahi, isi tarha kale ko gorey par aur gorey ko kale par koi fazilat nahi.

Aye logo!

Aisa na ho ke qayamat mein tum duniya ka bojh samait kar apni garden par rakhe howe aao aur dusre log akhrat ka samaan layen. Agar aisa kiya to mein tumhe Allah Talah ke azaab se nahi bacha sakon ga.

Aye logon!....... Aj ka din aur is mahine kit um jis tarha hurmat karte ho is tarha aik dusre ka na haq khoon karna aur kisi ka maal lena tum par haraam hey. Khoob yaad rakho ke tumhe Allah Talah ke Huzoor  hazir hona hey aur wo tumhare sab kaamo ka hisaab len ge.

Aye logon!...... Jis tarha tumhare huqooq aurton par hain isi tarha tum par tumhari aurton ke huqooq hain. In ke sath narmi aur muhabbat se pesh ana.

Yaad rakho!

Allah Talah ke naam ke sath wo aurten tum par halal howien aur Allah Talah ke hokum se in par tum ne tasarruf kiya hey. Pas in ke huqooq ki riayat mein Allah Talah se darte rehna.

Ghulamo se acha bartao karna. Jaisa tum khate ho waisa in ko khilana. Jaise tum kapre pehante ho waise hi in ko kapre pehnana. Agar in se koi khata ho jaye aur tum mauf na kar sako to in ko juda kar dena Kiyonke wo bhi Allah ke bande hain. In ke sath sakht bartao nahi karna.

Logon! Meri baat ghor se suno!

Khoob samjho aur agah hojao!

Jitney kalma go hain sab aik dusre ke bhai hain. Sab musalmaan akhowat ke silsile mein dakhil hogaye hain. Tumhare bhai ki cheez tum par is waqt tak jaiz nahi jab tak wo tumhe khushi se na de.

Khabar daar!.......... Zamana e jahalat ki tamam rasmen merey qadmon ke neeche kuchal di gai hain. Zamana e jahalat ke tamam khoon mauf hain.

Khabar daar!...... na insaafi ko paas na ane dena. mein ne tumhare liye aik aisi cheez chouri hey ke agar tum is ko mazboot pakre raho ge aur is par amal karo ge to khabhi gumrah na ho ge. Wo cheez Allah ki kitaab hey. Merey baad koi nabi nahi aur tumhare baad koi nayi ummat nahi.

Khabar daar!..... Apne Rab ki ibadat karte raho, Salaat qaim karo. Mah e Ramzaan ke roze rakho. Apne amwaal ki khush dili se zakaat ada karte raho. Apne Rab ke ghar (Bait ullah) ka tawaaf karo.

Mazhab mein ghulu aur mubalghe se bacho, Kiyonke tum se pheli qoamen isi amal se barbaad ho chuki hain.

Khabar daar!..... Mery baad gumrah na ho jana aur aik dusre ko qatal na karna. Tumhen Allah Talah ke samne hazir hona parey ga.

Agar koi habshi ghulaam tumhara ameer ho aur wo tumhe Allah ki Kitaab ke mutalliq chalaye to is ki attaat karo.

Aye logon!

Amal mein ikhlaas, musalmano ki khair khuwahi aur jamaat mein ittefaaq ki ye baaten seeney ko saaf rakhti hain.

Huzoor Aleh Salato Wasalam 9 Zul Hajj ko zawaal e aftaab se le kar ghurob e aftaab tak apni ummat ke liye aur bani noo insaan ke liye apne Raheem o Kareem Rab ki bargah mein intehai Ajaz o Niyaz se dua farmate rahe. Yahan tak ke suraj ghuroob hogaya, tareeki phail gai to Huzoor  Aleh Salato Wasalam mazdulfa ki taraf tashreef le gaye. Hazrat Usama r.a Bin Zaid ko apni oonthni par apne peeche sawaar kiya.

Jab subah sadiq tulo howi to Huzoor  Aleh Salato Wasalam ne namaz ada ki.

Phir Hazrat Fazal r.a Bin Abbas ko apne peeche oonthni par sawaar kiya. Huzoor  Aleh Salato Wasalam batan mehsar se guzre to inhon ne oonthni ki raftaar taiz kar di.

“Ye wo wadi hey jahan Abraha ke hathiyon ke lashkar par Allah Talah ne Aba Bail ka lashkar bhej kar tabah o barbaad kiya tha.”

Huzoor Aleh Salato Wasalam Manaa pohnche. Sab se phele Jamarta Aqba tashreef le gaye. Huzoor  Aleh Salato Wasalam ne oonthni par bethe howe kankariyan marine.

Phir wahan se wapis Manaa tashreef le gaye aur hazireen ko apne dusre Khutbe se musharraf farmaya. Sarwar e Aalam Huzoor  Aleh Salato Wasalam ne phele Allah Talah ki Hamd o Sana biyaan ki aur is ke baad ye Khutba irshad farmaya:

“Jis roz Allah Talah ne Asmaan aur Zameen ko peda kiya, saal ko barah mahino mein taqseem kiya. In mein se chaar mahine hurmat wale hain (Zin Qad, Zul Hajj, Muharram aur Rajab) in mahino mein jang o jaddaal jaiz nahi.

Aye logon!...... Aj ka din aur is mahine kit um jis tarha hurmat karte hon is tarha aik dusre ka na haq khoon karna aur kisi ka maal lena tum par haraam hey. Khoob yaad rakho ke tumhe Allah Talah ke Huzoor  hazir hona hey. Aur wo tumhare sab kaamon ka hisaab len ge.

Khabardaar!.... Mery baad gumrah na hojana aur aik dusre ko qatal na karna. Tumhe Allah Talah ke samne hazir hona pare ga.

Khabardaar!..... Jo hazir hain wo ye kalaam in logon tak pohncha den jo yahan nahi hain khuwah wo is waqt mojood hain ya aindah peda honge Kiyonke bohat se wo log jin ko mera ye peghaam pohnche ga sunane walon se ziyadah is ki hifazat Karen ge.”

“Allah Talah is shakhs par reham kare jis ne meri baat ko suna aur dusron tak pohnchaya.”

Aye logon!.... Tum se mere mutalliq sawaal kiya jaye ga to tum kiya kaho ge?”

Logon ne arz kiya

 “Hum gawahi den ge ke Huzoor  Aleh Salato Wasalam ne Allah Talah ka peghaam hamey pohncha diya hey aur apna farz pura kar diya hey.”

To Huzoor  Aleh Salato Wasalam ne shahadat ki ungli asmaan ki taraf uthai aur farmaya.

“Ya Allah tu gawah hey…….”

Is ke sath hi Deen mukammal hogaya aur Jibrail e Ameen ye musdah janfiza le kar nazil howe.

“Aj mein ne tumhare liye tumhara Deen mukammal kar diya hey aur tum par apni naimat puri kar di hey aur tumhare liye Islam ko batoor e Deen pasand kar liya hey.”

(Surah Al Maidah-Ayat-3)

Fariza E Nahar:

Khutba se farigh hone ke baad Huzoor  Aleh Salato Wasalam Manaa ke is muqaam par pohnche jahan janwar zibbah kiye jate hain. Huzoor  Aleh Salato Wasalam qurbani ke liye soo onth apne hamrah laye the. In mein se taresat onth Sarkar e Do Aalam Huzoor  Aleh Salato Wasalam ne apne daste mubarrak se zibbah kiye. Baqiya santees onth Hazrat Ali (r.a) Murtuza r.a ne Huzoor  Aleh Salato Wasalam ke hokum ki tameel mein zibbah kiye.

Huzoor Aleh Salato Wasalam ne hokum diya ke onton ka gosht, khaal aur samaan ghareebon mein taqseem kar diya jaye aur hokum diya ke qurbani ka gosht ujrat mein na diya jaye.

HALK:

Qurbani se farigh ho kar Huzoor  Aleh Salato Wasalam ne sar e anwar se baal utar waye baal utaarne ke saadat Hazrat Mummar Bin Abdullah r.a ko hasil howi.

Halk ke baad Huzoor  Aleh Salato Wasalam ne nakhun katwaye aur khushbo lagai, phir dua farmai.

TAWAAF E IZAFA:

Zuhar se phele Huzoor  Aleh Salato Wasalam Khane Kaba tashreef le gaye. Huzoor  Aleh Salato Wasalam ne tawaaf e izafa kiya. Phir Huzoor  Aleh Salato Wasalam ne Aab e Zam Zam nosh farmaya.

Tawaaf e izafa se farigh hone ke baad Huzoor  Aleh Salato Wasalam Manaa tashreef le aye aur wahan namaz e Zuhar ada ki.

MUQAAM E AQBA:

Giyarah Zul Hajj ko Huzoor  Aleh Salato Wasalam onthni par sawaar ho kar Aqba tashreef le gaye. Is waqt Rehmatulil Aalameen Huzoor  Aleh Salato Wasalam ne aik faseeh o baleegh Khutba irshad farmaya.

TAWAAF E ALWIDA:

Khutba se farigh hone ke baad Rehmat e Aalam Huzoor  Aleh Salato Wasalam apni qayam gah ki taraf tashreef le gaye. Zuhar aur Asar ki namaz Abta mein ada kien. Kuch dair araam farmane ke baad Huzoor  Aleh Salato Wasalam bedaar howe aur Makka Mukarrama ja kar sehri ke waqt tawaaf e alwida kiya. Is tawaaf mein ramal nahi tha. Huzoor  Aleh Salato Wasalam ke hamrah jitne Sahaba Karaam r.a the in sab ne namaz e fajar se phele tawaaf e alwida kiya.

Wapsi ke waqy Saad r.a Bin Abi Waqas ki ayadat ke liye tashreef le gaye. In ki hosla afzai ki aur Madina Tayyaba rawana hogaye.

Jab Zul Halifa ke muqaam par pohnche wahan raat basar ki. Fajar ki namaz Wadi ke nashaib mein ada ki. namaz ke baad phir Madina ki taraf rawana howe. Jab Madina nazar aya to teen baar Huzoor  Aleh Salato Wasalam ne Takbeer kahi aur farmaya:

“Koi ibadat ke laik nahi bajaz Allah ke jo yakta he, is ka koi shareek nahi, sari badshahi is ki he, sab tareefen is ke liye hain aur wo har cheez par puri qudrat rakhta hey. Hum mur kar ane wale hain, hum lout kar ane wale hain, hum ibadat karne wale hain, hum sajde karne wale hain, hum apne Rab ki Hamd karne wale hain, Allah Talah ne apne wadah ko saccha kar dikhaya, apne bande ki madad ki aur kuffaar ke lashkaron ko akele shikast di.”

YA ALLAH! RAFEEQ E ALAA SE MILA DE

Purey 23 baras ke Wahi o Nabowat ke baad Deen e Ilahi mukammal hogaya aur tamam paak musarraton ka raasta khul gaya aisi alamaat zahir hona shuru hogayin jin se maloom hota tha ke Huzoor  Aleh Salato Wasalam is faani duniya se tasfreef le jane wale hain.

Huzoor Aleh Salato Wasalam ne Ramzaan 10 hijri mein bees din aitkaaf farmaya aur Hazrat Jibrail Aleh salaam ne Huzoor  Aleh Salato Wasalam ko is saal do martaba Quran e Kareem ka wird karaya. Huzoor  Aleh Salato Wasalam ne Kutba Hujjatul Wida mein farmaya:

“Shayad mein is saal ke baad is muqaam par tum logon se nahi mil sakon……?”

Jamrata Aqba ke paas farmaya:

“Mujh se tum apne amaal seekh lo Kiyonke mein is saal ke baad ghaliban Hajj nahi kara sakon ga.”

SHUHADAYE UHAD:

Aik rooz Rehmatulil Aalameen Huzoor  Aleh Salato Wasalam Uhad ke muqaam par tashreef le gaye. Kafi dair tak in shuhada ke liye Allah Talah ki bargah mein dua karte rahe. Is ke baad Masjid e Nabwi mein tashreef le gaye aur aik Khutba irshad farmaya:

“Me tumhara pesh ro hon yani tum se agey jane wala hon aur mein tum par gawahi don ga. Tumhari aur meri mulaqaat Houz e Kouser par hogi aur mein Houz e Kouser ko dekh raha hon, mujhe zameen ke khazano ki kunjiyan di gai hain aur mujhe tumhare barey mein ye andesha nahi hey ke tum merey baad shirk karo ge lekin mujhe ye khouf zaror hey ke tum duniya hasil karne mein aik dusre se sabqat le jana chaho ge aur halaak hojao ge. Jis tarha se tum se pheli qoamen halaak howi thien.”

(Sahi Bukhari-Jild Doum-Hadees 585)

Hazrat Abbas R.A Ka Khuwaab:

Marz se phele jis tarha khud Huzoor  Aleh Salato Wasalam ko apne wisaal ka ilm hogaya tha, isi tarha baaz Sahaba r.a ko bhi khuwaaon ke zariye pata chal gaya tha. Huzoor  Aleh Salato Wasalam ke chacha Hazrat Abbas r.a farmate hain:

“Me ne aik raat khuwaab dekha ke zameen mazboot rasson se bandhi asmaan ki taraf khinchi chali ja rahi hey.”

Me ye ye khuwaab Huzoor  Aleh Salato Wasalam se biyaan kiya to farmaya:

“Ye ap r.a ke bhatije ki mout hey.”

(Khasail)

Hazrat Ayesha R.A Ka Khuwaab:

Hazrat Ayesha Siddiqua r.a ne khuwaab dekha ap r.a farmati hain

“Me ne dekha ke merey hujre mein teen chand utar aye hain. mein foran apne walid Abu Bakar r.a ke paas gai aur khuwaab biyaan kiya. Huzoor  Aleh Salato Wasalam ke wisaal ke baad Hazrat Abu Bakar Siddique r.a ne farmaya “Ye tera sab se acha chand tha.”

(Ibn e Saad)

Phir khud Hazrat Abu Bakar Siddique r.a aur Hazrat Umar Farooq r.a dafan howe is tarha Islam ke teen chand Ayesha r.a ke hujre mein taban hogaye aur in ke khuwaab ki tabeer puri howi.

AHLE BAQI:

28 Safar ko adhi raat guzarne ke baad Huzoor  Aleh Salato Wasalam Baqi tashreef le gaye aur ahle Baqi ke liye dua e maghfirat farmai:

“Aye qabron mein rehne walo! Tum par salaam. Log jis haal mein hain is ke muqable mein tumhe wo haal mubarrak ho jis mein tum ho. Tareekh raat ki tarha fitne aik ke peeche aik chale a rahe hain aur baad wala phele se ziyadah bura hey.”

Is ke baad ahle quboor se farmaya “Hum bhi tum se milne a rahe hain.”

MARZ KI IBTEDA:

Jannat ul Baqi se wapsi ke baad agle roz subah se sar mein dard shuru howa. Hararat barh gai jo sar par bandhi howi patti ke uppar se mehsos ho rahi thi. Allah Talah ke mehboob Huzoor  Aleh Salato Wasalam 13 ya 14 din aleel rahe. Rooz ba rooz tabiyat na saaz ho rahi thi.

Azwaaj e mutahiraat r.a ki ijazat se Huzoor  Aleh Salato Wasalam Hazrat Ayesha r.a ke ghar mein muntaqil hogaye aur wisaal tak Hazrat Ayesha r.a ke ghar mein hi qayam farmaya.

ANSAAR SE MUHABBAT:

Ansaar se in ke ikhlaas, muhabbat, paak dili aur fidaiyat ki waja se Huzoor  Aleh Salato Wasalam ko be had muhabbat thi. Ye muhabbat hamesha barhti hi rahi.

Doran e marz bhi bar bar in ka zikar e khair farmate the. Chunacha aik din bahir tashreef laye to darwaze par Ansaari mardon, aurton aur bacchon ka hojoom dekha. Ye Huzoor  Aleh Salato Wasalam ki bimari se sakht maztarab the. Huzoor  Aleh Salato Wasalam in ke masoom aur udaas chehrey dekh kar be chain hogaye aur farmaya:

“ Qasam hey is zaat ki, jis ke hath mein meri jaan he, aye Ansaar! mein tum se bari hi muhabbat karta hon.”

Phir musalmano ki taraf mukhatib howe aur farmaya:

“Ansaariyon ne to wo sab pura kar diya jo in ke zimme tha, lekin tumhare zimme in ke tamam huqooq baqi hain. Dekho in ke naikon se naiki karna aur baron se darguzar karna.”

Aik mauqe par Ansaar Huzoor  Aleh Salato Wasalam ki bimaari ka haal sun kar Masjid mein joq dar joq jama hogaye aur kisi ne akar khabar di ke Ansaar Masjid mein jama hain aur ro rahe hain.

Farmaya….. “Kyn roote hain?”

Bataya gaya…… “Huzoor Aleh Salato Wasalam ki wafaat se khaif hain.”

Isi asna mein Hazrat Abbas r.a agaye aur arz kiya:

“Masjid mein Ansaar jama hain.”

Phir Hazrat Fazal r.a Ibn e Abbas yehi khabar laye. Phir Hazrat Ali (r.a) r.a ne bhi akar yehi kaha. Is par Huzoor  Aleh Salato Wasalam be chain hogaye. Sar mein dard bohat tha. Naqahat itni thi ke kharey nahi ho sakte the. Magar utthe aur Hazrat Ali (r.a) r.a aur Hazrat Fazal r.a ke sahare se Masjid tashreef le gaye. Musalmano ne apne Nabi Aleh Salato Wasalam ko dekha to daur pare. Huzoor  Aleh Salato Wasalam ne Hamd o Sana ke baad Khutba diya:

“Logon! Mujhe maloom howa hey ke tum apne Nabi ki wafaat se bohat khaif ho. Lekin kiya mujh se phele koi Nabi apni ummat mein hamesha zindah raha hey ke mein tum mein hamesha jeeta rahon? Logon, suno! mein apne Rab se jald mil jane wala hon aur tum sab bhi is ke paas pohnchne wale ho. mein tumhe muhajireen awwaleen se ache bartao ki wasiyat karta hon. Khud muhajireen ko meri wasiyat ye hey ke apas mein naik salook karte rahen. Kiyonke Allah Talah fermata hey.

“Qasam hey zamana ki, insaan khasarey mein hey bajaz in ke jo emaan laye, naik kaam kiye aur baham haq o sabar ki wasiyat ki.”

(Surah Al Asar)

“Aye logon! mein tumhe Ansaar se meharbani ki wasiyat karta hon. Ye wohi hain jot um se phele emaan laye hain. Kiya inhon ne apne rizq mein se tumhe hissa nahi diya? Kiya inhon ne tumhe apni adhi roozi bant nahi di? Kiya inhon ne apne gharon mein tumhare liye jagah nahi nikali? Kiya inhon ne khud takleef nahi jheeli aur apne uppar tumhe tarjee de kar araam nahi pohnchaya?

Pas suno! Jis ki do admiyon par bhi hukumat ka koi ikhtiyaar hasil ho, isy chahiye ke in ke naikon ki naiki qabool kare aur in ke baron se darguzar kare. Khabardaar in ke muqable mein khud gharzi na karna. Suno! mein tumhare agey pesh khema hon aur tum mere peeche ane wale ho. Tum se mulaqaat ka wada Houz par hey.”

“Suno! Tum mein se jo chahta hey ke kal Houz par mujh se a mile to isy chahiye ke apni zubaan aur hath rokey aur inhi kaamon mein inhen istemaal kare jin mein istemaal karna munasib hey.”

“Aye logon! Gunah naimaton ko badal daalte hain aur qismaton ko palat dete hain. Agar log naik rahen ge to apne hukkaam ko bhi naik payen ge, agar bigar jayen ge to hukkaam bhi in se badi Karen ge.”

(Almawahib)

“Huzoor Aleh Salato Wasalam marz ki shiddat ke bawajood wafaat se chaar din phele (Jumeraat) tak tamam namazen khud hi parhaya karte the. Is rooz bhi maghrib ki namaz Huzoor  Aleh Salato Wasalam hi ne parhai aur is mein Surah Al Mursalaat Arfa parhi.”

(Sahi Bukhari, An Umul Fazal, Baab Marzul Nabi s.a.w-Hadees 637)

Lekin Esha ke waqt marz ki shiddat mein is qadar izafa hogaya ke Masjid mein jane ki taqat nahi rahi.

HAZRAT ABU BAKAR R.A KI IMAMAT:

Hazrat Ayesha r.a farmati hain ke Huzoor  Aleh Salato Wasalam ne dariyaaft farmaya ke kiya logon ne namaz qaim kar li?

Arz kiya: “Abhi nahi Ya Rasool Allah Aleh Salato wassalaam, sab ap ka intezaar kar rahe hain.”

Huzoor Aleh Salato Wasalam ne farmaya: “Mery liye lagan mein pani rakho.” Hum ne aisa hi kiya. Huzoor  Aleh Salato Wasalam ne ghusal farmaya aur is ke baad uthna chaha lekin Huzoor  Aleh Salato Wasalam nidhaal hogaye.

Bal akhir Huzoor  Aleh Salato Wasalam ne Hazrat Abu Bakar Siddique r.a ko peghaam diya ke logon ko namaz parhayen.

(Mashkota-Jild awwal-Hadees 102)

Hazrat Ayesha r.a farmati hain:

Me ne arz kiya… “Ya Rasool Allah Aleh Salato wassalaam! Abu Bakar r.a rafeeq ul qalb aur kamzoor awaaz ke admi hain.

Quran parhte hain to girya taari hojata hey.”

Magar Huzoor  Aleh Salato Wasalam ne is par koi tawajja nahi di aur dubarah farmaya:

“Abu Bakar se kaho, namaz parhayen.”

(Siya un Nabi Jild Charam)

Chunacha Hazrat Abu Bakar r.a imamat ke liye kharey hogaye. Magar jab qarraat shuru ki, girya in par ghalib agaya aur zaar o kataar rone lage. Yehi haal muqtadiyon ka howa. Hichki bandh gai, Kiyonke wo aj mehraab ko apne Nabi s.a.w se khali dekh rahe the.

(Ibn e Saad)

Huzoor Aleh Salato Wasalam ki hayaat e mubarrak s.a.w mein Hazrat Abu Bakar Siddique r.a ki parhai howi namazon ki tadaad satrah hey.

Aik rooz Huzoor  Aleh Salato Wasalam ne apni tabiyat mein qadre behtari mehsos ki, chunacha do Sahaba Karaam r.a ke hamrah Zuhar ki namaz ke liye tashreef laye. Is waqt Hazrat Abu Bakar Siddique r.a namaz parha rahe the wo Huzoor  Aleh Salato Wasalam ki tashreef aawri par peeche hatne lage. Huzoor  Aleh Salato Wasalam ne irshad farmaya ke peeche nahi hatten, balke mujhe in ke barabar mein bitha do. Chunacha Huzoor  Aleh Salato Wasalam ko Hazrat Abu Bakar Siddique r.a ke barabar mein bitha diya gaya. Is ke baad Hazrat Abu Bakar Siddique r.a Huzoor  Aleh Salato Wasalam ki namaz ki iqteda kar rahe the aur Sahaba Karaam r.a ko Takbeer suna rahe the.

(Sahi Bukhari-Jild awwal-Hadees 98,99)

BE MISAAL KHUTBA:

Huzoor Aleh Salato Wasalam marz ki shiddat aur sakht naqahat ke aalam mein aik din Hazrat Fazal r.a Ibn e Abbas r.a ke sath masjid mein tashreef laye aur musalmano ko jama kar ke khutba diya. Huzoor  Aleh Salato Wasalam ne farmaya

“Ab tum se meri judai nazdeek a pohnchi hey. mein bhi aik admi hon, jis admi ko koi takleef pohnchi ho, wo aye aur badla le le, jis kisi ke jisam ko mujh se koi takleef pohnchi ho to ye mera jisam mojood he, aye aur qasaas le le, jis kisi ke maal ko mujh se kuch nuqsaan pohncha ho to wo le le. Khoob achi tarha samajh lo, tum mein mera sab se ziyadah khair khuwah wo he, jis ka is qasam ka koi haq mujh par ho aur wo mujh se wasool kar le, ya mauf kar de. Ta ke tamam mutalbon se azaad ho kar mein apne parwardigaar ke Huzoor  mein pohnchon.

Dekho! Koi ye khayal na kare k….. “Me Rasool Allah Aleh Salato Wasalam ke bughaz o adawat se darta hon”……

Ye dono baaten ne mera mizaaj hain aur na meri adat mein shamil. Jo shakhs kisi baat mein bhi apne nafs se maghloob hogaya, wo bhi aye aur mujh se madad mange, ta ke mein is ke haq mein dua kar don.

Hazrat Abu Zar Ghaffari R.A Se Muhabbat:

Marz ul mout mein aik din Huzoor  Aleh Salato Wasalam ne Hazrat Abu zar ghaffari r.a ko yaad farmaya, wo aye to Huzoor  Aleh Salato Wasalam so rahe the. Wo jhuk kar Huzoor  Aleh Salato Wasalam ko dekhne lage to Huzoor  Aleh Salato Wasalam ne chasme mubarrak khol dien aur inhen seene se laga liya.

MAO ZAAT:

Hazrat Ayesha r.a farmati hain:

“Huzoor Aleh Salato Wasalam jab bimar hote the to Surah Falak aur Surah Naas ki suraten parh kar dast e mubarrak par ponk marte phir dast e mubarrak apne sare jisam par phairte the. Huzoor  Aleh Salato Wasalam ki akhri alalat mein ye ayaten par kar, mein Huzoor  Aleh Salato Wasalam ko dum karti aur Huzoor  Aleh Salato Wasalam ka dast e mubarrak pakar kar in ke jisam par phairti thi.”

Bukhar mein shiddat agai to Huzoor  Aleh Salato Wasalam ne farmaya:

“Mukhtalif kuwon ka pani mere uppar bahao.”

Is irshad ki takmeel ke baad Huzoor  Aleh Salato Wasalam ne hararat mein kami mehsos farmai aur Masjid tashreef le gaye. Is haal mein ke sar par patti bandhi howi thi. Syedena Huzoor  Aleh Salato Wasalam ne mimbar par beth kar Khutba irshad farmaya. Wahan Sahaba r.a jama the.

Farmaya:

“Bande ko Allah Talah ne ikhtiyaar diya hey ke duniya ki zaib o zeenat ko qabool kare ya Allah Talah ke yahan jo kuch hey isy qabool kare aur Allah Talah ke is bande ne Allah ke paas wali cheezon ko qabool kar liya.”

Ye irshad sun kar Hazrat Abu Bakar Siddique e Akbar r.a rone lage. Baqi Sahaba Karaam r.a is baat ko baad mein samjhe ke Huzoor  Aleh Salato Wasalam ne safar e akhrat ko passand farma liya hey.

Piyari Beti Hazrat Fatima R.A Se Muhabbat:

Aik roz tamam azwaaj mutahhiraat r.a Huzoor  Aleh Salato Wasalam ki khidmat mein hazir hoien. Huzoor  Aleh Salato Wasalam ne dekha ke Hazrat Fatima r.a a rahi hain. Huzoor  Aleh Salato Wasalam ne farmaya:

“Ay meri beti! mein tumhe khush amdeed kehta hon.”

Phir Huzoor  Aleh Salato Wasalam ne inhen apne paas bitha liya aur in se sargoshi farmai. Hazrat Fatima r.a zaaro qataar rone lagien. Phir Hazrat Fatima r.a ke kaan mein kuch farmaya aur Hazrat Fatima r.a hansne lagien.

Thori dair jab ap r.a wapis jane lagien to Hazrat Ayesha r.a ne pocha:

“Huzoor Aleh Salato Wasalam ne ap r.a se kiya sargoshi ki he?”

Hazrat Fatima r.a ne farmaya,

“Me Allah Talah ke Rasool Aleh Salato Wasalam ke raaz ko afshan nahi kar sakti.”

Jab kainaat ke sardaar, Rehmatulil Aalameen, Allah ke mehboob, Huzoor  Aleh Salato Wasalam ke paas tashreef le gaye. To Hazrat Ayesha r.a ne Hazrat Fatima r.a se pocha:

“Rasool Allah Aleh Salato Wasalam ne ap r.a ke kaan mein kiya farmaya tha.”

Hazrat Fatima r.a ne jawab diya,

“Rasool Allah Aleh Salato Wasalam ne mujh se jo sargoshi farmai thi ab mein bata sakti hon.”

Hazrat Fatima r.a ne bataya:

“Rasool Allah Aleh Salato Wasalam ne farmaya:

“Aye Fatima! Mery wisaal ki ghari qareeb agai hey.

Aye meri noor e nazar!

Allah Talah se darti rehna aur is musibat par sabar karna, mein tumhare liye behtareen pesh ro hon aur aye Fatima!

Tum mery tamam ahle bait se phele mujh se milo gi aur mein tumhare liye behtareen rehnuma hon.”

Faraaq ki khabar sun kar mein rone lagi. Mery abba ne mere kaan mein dubarah farmaya:

“Aye Fatima! Kiya tu is baat par raazi nahi ke to tamam sahib e emaan khawateen ki sardar ban jaye.

Ye bhi riwayat hey ke Huzoor  Aleh Salato Wasalam ne farmaya

“Aye Fatima! Tujhe Allah Talah ne ummat ki tamam khawateen ke sardar bana diya hey.”

Ye musdah e jan fiza sun kar Hazrat Fatima r.a hans parien.

Wafaat se aik din phele barooz e itwaar Huzoor  Aleh Salato Wasalam ne ghulamo ko azaad farma diya. Huzoor  Aleh Salato Wasalam ke paas saath dinaar the inhen sadqa kar diya. Apne hathiyaar musalmano ko haba farma diye.

Taharat Ka Ehtamaam:

Hazrat Ayesha r.a farmati hain ke Abdul ur Rehmaan r.a Bin Abi Bakar, hujre mein dakhil howe. In ke hath mein taza sabz maswaak thi. Huzoor  Aleh Salato Wasalam ne maswaak ko dekha. mein samajh gai ke Huzoor  Aleh Salato Wasalam isy chahte hain. mein ne kaha……. “Kiya Huzoor  Aleh Salato Wasalam ye maswaak len ge?”

Huzoor Aleh Salato Wasalam ne isharah se jawab diya… “Han”.

Me ne apne danton se maswaak naram kar ke Huzoor  Aleh Salato Wasalam ki khidmat mein pesh ki Huzoor  Aleh Salato Wasalam ne maswaak istemaal ki. Paas hi pani se labraiz piyala rakha tha. Huzoor  Aleh Salato Wasalam bar bar is mein hath dalte, chehra mubarrak tar karte the aur farmate they…..

       La ilaha illallaho inna lilmouti sakaratu.”

Zara dair baad maswaak ungliyon mein bhari hogai. Mujhe dene lage to chut kar gir gai. Huzoor  Aleh Salato Wasalam ki ungli chaatt ki taraf utthi aur farmaya:

 

Rafeeq e alaa me, rafeeq e alaa me, rafeeq e alaa me, ya Allah alaa mujhe jannat mein rafeeq e alaa ke sath mila de.

WISAAL:

Hazrat Ayesha r.a farmati hain chand lamhon baad Huzoor  Aleh Salato Wasalam mein jumbish howi aur ankhen khol den, phir sar e mubarrak anchanak jhuk gaya. mein foran jhuki nazren neechi kar ke chehra e mubarrak dekha aur ghor se suna ke Huzoor  Aleh Salato Wasalam bohat hi ahishta ahista farma rahe hain:

 

Ya Allah! Meri maghfirat farma, aur phir mujh par reham farma aur mujhe rafeeq e alaa se mila de.

Musalmano ko jab ilm howa ke Syedena Huzoor  Aleh Salato Wasalam ka wisaal hogaya to logon mein khuraam mach gaya aur sab log be ikhtiyaar ho kar rone lage.

Hazrat Umar r.a ne jab dekha ke log ro rahe hain. To inhon ne farmaya:

“Kyn rote ho?”

Phir inhon ne miyaan se apni talwaar nikaal li aur bole!

“Jo koi ye kahe ga Syedena Huzoor  Aleh Salato Wasalam inteqaal farma gaye hain to mein is ki garden ura don ga. Hamare Rasool Aleh Salato Wasalam fout nahi howe balke Allah Talah ke paas gaye hain aur jald hi wapis ajayen ge.”

Hazrat Abu Bakar Siddique R.A Ka Sabar O Isteqamat:

Ye mukala jari tha ke Hazrat Abu Bakar Siddique r.a tashreef laye aur Hazrat Umar r.a se mukhatib howe, “Ya Umar r.a khamosh raho aur apni talwaar miyaan mein rakh lo.”

Phir inhon ne hazireen ko mukhatib kar ke kaha:

“Aye logo! Tum mein se jo Hazrat Muhammad Rasool Allah Aleh Salato Wasalam ki ibadat karta thaw o jaan le ke Hazrat Muhammad Aleh Salato Wasalam ka wisaal hogaya hey aur tum mein se jo shakhs Allah Talah ki ibadat karta tha to wo jaan le ke Allah Talah hamesha se qaim hain aur hamesha qaim rahen ge.”

Phir Surah Al Imran ki ye ayat tilawat farmai:

“Aur Muhammad (alhe Salato wassalaam) to aik Rasool hain. In se phele bohat se Rasool ho chuke hain. Kiya agar wo inteqaal kar jayen ya shaheed hojayen to tum ulte paon phir jao ge? Aur jo ulte paon phire ga Allah Talah ka kuch nuqsaan nahi kare ga aur anqareeb Allah shukar ada karne walon ko ajar den ge.”

(Surah Al Imran-ayat-144)

Quran e Paak ki in ayaat ko sun kar Sahaba Karaam r.a ko hosla mila aur inhon ne mehsos kiya ke jaise ye ayaat aj hi nazil howi hain. Halan ke ye ayaat taqreeban saath saal phele Ghazwa e Uhad mein nazil howi thien.

GHUSALE MUBARRAK:  

Huzoor Aleh Salato Wasalam ke jazd e mubarrak ko Huzoor  Aleh Salato Wasalam ki wasiyat ke mutabiq Huzoor  Aleh Salato Wasalam ke ahle bait ne ghusal diya.

Ghusal dene walon mein darj e zail afraad mojood the:

1.    Hazrat Ali (r.a) r.a         2. Hazrat Abbas r.a aur in ke dono bête

2.    Hazrat Fazal r.a              4. Hazrat Qasim r.a

Hazrat Ali (r.a) r.a Huzoor  Aleh Salato Wasalam ko apne seene se laga kar ghusal de rahe the. Huzoor  Aleh Salato Wasalam ko kapron sameet ghusal diya gaya, Kiyonke hukum yehi tha.

Huzoor Aleh Salato Wasalam ko teen chadaron mein dafnaya gaya. Do safaid kapre the aur aik Yamna chadar thi.

Lehad Shareef:

Ghusal ke baad qabar shareef khodne ka sawaal uttha. Hazrat Abu Bakar Siddique r.a ne farmaya:

“Me ne ye irshad kai baar suna hey ke Nabi jahan wafaat patey hain inhen isi jagah dafan kiya jata hey.”

Chunacha Hazrat Ayesha r.a ke hujre mein qabar banana ka faisla howa. Jab janazah tiyaar hogaya. Huzoor  Aleh Salato Wasalam ke bichone ke ird gird zameen par aik nishaan khincha gaya aur nishaan ke andar Hazrat Abu Talha r.a ne qabar khodi.

Namaaz E Janazah:

Huzoor Aleh Salato Wasalam ke irshad ke mutabiq phele ahle bait ne namaz e janazah ada ki. Phir mardon ne namaz e janazah ada ki, is ke baad aurton ne aur akhir mein bacchon ne namaz e janazah ada ki.

Huzoor Aleh Salato Wasalam ka jazd e mubarrak jahan rakha tha, wahan jagah tang thi. namaz e janazah is tarha ada ki gai ke dus afraad ki jamaat ati aur namaz e janazah ada karti aur chali jati.

Is tarha namaz e janazah ada karne ki tajweez Hazrat Abu Bakar Siddique r.a ne pesh kit hi. Is kit aid Ali Murtuza r.a ne ki. Huzoor  Aleh Salato Wasalam ki namaz e janazah mein koi imam nahi tha. Huzoor  Aleh Salato Wasalam ki namaz e janazah parhne ka kaam din raat jari raha aur mangal aur budh ki darmiyaani raat ko tadfeen ki gai.

 

                           HULIYA E MUBARRAK

Sar E Mubarrak:

Sar e mubarrak gol aur peshani kashadah. Bais e takleeq e kainaat Huzoor  Aleh Salato Wasalam ke moye mubarrak ghane aur mazboot, rang siyah. Balon mein aisi ajeeb o ghareeb chamak jo dekhne mein nahi ayi. Huzoor  Aleh Salato Wasalam ka rang khilta howa gandumi, bhanwen ghani aur aik dusre se mili howi.

Chashme Mubarrak:

Ankhen roshan aur bari. Na bohat choti na bohat bari. Bohat haseen itni khubsurat ke be misaal. Khas baat jo ankhon mein nazar ati hey wo ye hey ke ankh ka dela safaid chamak daar aur putli ka rang kala lekin gehrai mein neela. Putli ke charon taraf dorey is tarha jaise suraj ke charon taraf shuwayen phot ti hain aisa lagta hey ke ye shuwayen ya lehrain barahe rast Zaat e Bari Talah par ja kar teharti hain.

Palken Mubarrak:

Huzoor Aleh Salato Wasalam ki palken ghani aur siyah hain.

Naak E Mubarrak:

Naak e mubarrak lambi aur neeche se chouri hey.

Dahana Mubarrak:

Uppar ka hont patla aur neeche ka hont qadre mota. Dahana nisbatan bara aur intehai khobsurat.

Dandaan E Mubarrak:

Huzoor Aleh Salato Wasalam ke dandaan e mubarrak seedhe aur numayan. Danton ke darmiyaan khala hey. Danton mein aisi chamak hey ke nazar khairah hojaye. Muskurahat dil awaiz. Haste waqt dandaan e mubarrak zahir nahi hote. Huzoor  Aleh Salato Wasalam muskurate hain to ankhen bhi muskurati hain.

Darhi Mubarrak:

Huzoor Aleh Salato Wasalam ki rais mubarrak ghani aur gol hey.

Gardan E Mubarrak:

Garden e mubarrak bhari howi. Qadre lambi na ziyadah choti.

Seena E Mubarrak:

Seena e mubarrak ubhra howa. Seena e mubarrak se naaf tak balon ki aik lambi lakeer nazar ati hey jaise alif bana howa hey.

Kamar Mubarrak:

Huzoor Aleh Salato Wasalam ki pusht e mubarrak seedhi aur chouri hey. Shaney qadrey uppar ko utthe howe hain.

Pair Mubarrak:

Pindili mein gosht bhara howa hey. Lekin pair ke jor se uppar patli aur bilkul seedhi hey. Pair mubarrak ka uppar ka hissa uttha howa hey. Uppar ka hissa uttha howa hone ki waja se pair ke neeche talwon mein khala hey. Khala itna gehra hey ke pani neeche se guzar jaye to talwe bheegte nahi.

MUHAR E NABOWAT:

Muhar e Nabowat Huzoor  Aleh Salato Wasalam ki kamar mubarrak par seedhe kandhe aur garden ke darmiyaan aik gol dairah nishaan ki sorat mein hey. Gol dairey ke andar gosht ya khaal surkh rang ki hey aur gosht aam jisam se qadrey ubhra howa hey aur is dairey ke andar nehayat lateef o naram paron ki manind rowan hey. Rowen ka rang sufaid bhura hey aur ye rowan itna khushnuma aur deedah zaib hey jis ka izhar alfaaz mein nahi kiya ja sakta. Dairah ka Qatar taqreeban rupy ke barabar hey.


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.