Topics

Hazrat Abdul Muttalib ki Nazar


Zam Zam ka konwan khodney ke waqt Hazrat Abdul Muttalib ke iklote betey Harish ke siwa kisi ne konwan khodney main madad nahi ki. Hazrat Abdul Muttalib ne mannat mani aur Allah Talah se dua ki:

“ Mujhe das betey ata farmayen to main aik betey ko Allah Talah ki raah main qurbaan karon ga.”

Allah Talah ne Hazrat Abdul Muttalib ki dua qabool farmai. Aik raat hazrat Abdul Muttalib Khana e Kaba ke samne so rahe the ke inhon ne khuwab dekha ke aik shaks keh raha he:

“Aye Abdul Muttalib! Apni is nazar ko pura kar jo to ne is ghar ke malik Allah Talah ke liye mani the.”

Hazrat Abdul Muttalib khuwab se baidaar hoye aur sab beton ko jama kia aur apni is nazar ka tazkira kia jo inho ne mani the. Sab ne baik zaban ho kar kaha:

“ Aye hamare baap! Ap apni nazar puri Karen hum ap ki mukammal ataat Karen ge, hum sub hazar hain.”

Hazrat Abdul Muttalib ne sab beton ke naam qura dala. Qura Hazrat Abdullah ka naam nikla. Hazrat Abdullah ko Hazrat Abdul Muttalib sab beton se ziyadah pyar karte the. Hazrat Abdullah buhat khubsurat aur barey pakeeza kirdaar o ikhlaaq ke hamil the.

Hazrat Abdul Muttalib ne Hazrat Abdullah ka hath pakra or inhe qurbaan karne ke liye mazbah ki taraf le gaye.

Chori Hazrat Abdul Muttalib ke hath main the. Hazrat Abdullah ki behne ye dekh kar roney lagin aur aik behan ne Hazrat Abdul Muttalib se arz kia:

“ Baba jaan! Meri darkhuast hey ke ap das ounton aur Abdullah main qura dalye. Agar qura ounton ke naam par nikal aye to das ounton ki qurbani de dijye.”

Is waqt das aunt aik admi ka khoon baha hota tha. Jab qura dala gaya to Hazrat Abdullah ka naam nikla. Hazrat Abdul Muttalib das das ount ziyadah kar ke qura daltey gaye magar qura Abdullah ke naam ka nikalta raha. Yahan tak ke jab sou ounton ka qura dala gaya to qura ounton ke naam ka nikla. Is waqt Hazrat Abdul Muttalib or tamam hazireen ne Allah o Akber ka naara lagaya. Behne apne bhai Abdullah ko sath le gayin. Hazrat Abdul Muttalib ne qurbani ke sou ount Sifa aur Marwa ke darmiyan nehar kiye.

Hazrat Abdul Muttalib apni aulad ko zulm aur sitam se mana farmate aur ache ikhlaaq ki targheeb detey the. Buraiyon se bachne aur nazar pura karne ki takeed farmate the. Behan , phuppi aur khala waghaira se nikah karne se mana farmate the. Sharaab aur zana se ruktey the. Larkiyon ko zinda dargoor karne se mana farmate the. Is zamane main logon main barhena ho kar Khana e Kaba ka tawaaf karna mamool tha. Jis ki Hazrat Abdul Muttalib ne mamanat ki.

Hazrat Abdul Muttalib ki Auladon ke naam

Hazrat Abdul Muttalib ke haan baqoul Ibne Hasshaam panch biwiyon se das larke aur chey larkiyan paida hoin. Jin ki tafseel darje zel hey.

Betey : 1. Harish       2. Zubair       3. Hazrat Hamza(r.a)      4. Zaraar  

       5. Abu Talib    6. Abu Lahab   7. Maqum               8. Hajal                

       9. Hazrat Abbas(r.a)           10. Hazrat Abdullah

 

Betiyan : 1. Arwa     2. Barrah     3. Umaima

 4. Hazrat Saffiya(r.a)    5. Atika      6. Beza Umme Hakeem 


BARAN E REHMAT

Khwaja Shamsuddin Azeemi


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.