Topics

BA ZAMEER LOG

Aik din kuch log Abu Jehal k uksany par Huzoor Aleh saalato Wasalam ko patthar maar rahe the. To aik shakhs Hazrat Hamza r.a k paas pohncha. Hazrat Hamza r.a Huzoor Aleh saalato Wasalam k chacha the aur mashoor pehalwaan the. ( Aap r.a is waqt tak musalmaan nahi howy the.) Hazrat Hamza r.a shikaar se wapis A rahe the. Is shakhs ne awaaz de kar kaha:

“Aye Hamza r.a ! Teri gherat ko kiya howa? Log tery bhatije ko patthar maren, bura kahen aur galiyan den. Log tujhe bahadur aur shehezwar kehty hain.”

Hazrat Hamza r.a ko is waqt tak Huzoor Aleh saalato Wasalam k Deen mein koi dilchaspi nahi thi lekin jab inhon ne ye suna k log Huzoor Aleh saalato Wasalam ko patthar maarty hain aur galiyan dety hain aur sab se barh kar wo log Huzoor Aleh saalato Wasalam ko dashnaam bhi dety hain to in ki halat digargon hogai aur inhon ne is shakhs se pocha k mery bhatije ko jo dashnaam diye jaty hain wo kiya hain? Is shakhs ne chand aisy alfaaz dhuraye jinhen Huzoor Aleh saalato Wasalam k dushman in k liye istemaal karty the to Hazrat Hamza (r.a) ka chehra gusse se surkh hogaya.

Arab zubaan se nikli howi har baat ko intihai ahmiyat aur wuqat dety the. Arab qabail mein dashnaam goi karty waqt qareebi rishtedaar ka naam lena na qabil e maufi jurm samjha jata tha. Kisi qabeele k kisi fard ko bura kehna aisa tha jaise pury qabeely ki touheen ki gai ho. Is ki waja ye thi k qabeely k tamam arkaan apas mein khoon k rishty mein munsalik hoty hain. Hazrat Hamza r.a isi halat mein Abu Jehal k ghar gaye. Wo janty the k Huzoor Aleh saalato Wasalam par patthar phenkny walon aur inhen dashnaam deny walon ka sar Ghana Abu Jehal hey. wahan pohnch kar Abu Jehal ki buri tarha pitai kar di aur kaha:

“Aye Jehal Abu Jehal ! To samajhta hey k Muhammad (alhe saalato wassalaam) be aasra hain aur in ka koi nahi is liye tu patthar maarta hey aur galiyan deta hey. lekin ab tu ye jaan le k mein aaj se Muhammad Aleh saalato Wasalam k Deen mein dakhil hogaya hon aur aaj k baad koi bhi Muhammad Aleh saalato Wasalam ko gaali de ga to is ki khair nahi.”

Hazrat Hamza r.a ka musalmaan ho jana Islam k liye bara khush aind howa aur is se musalmanon ko taqwiyat pohnchi. Huzoor Aleh saalato Wasalam k chacha Hazrat Hamza r.a k musalmaan hony k baad kuch aur log bhi musalmaan hogaye aur yun musalmanon ki tadaad tees se ziyadah hogai.

Hazrat Umar Farooq(r.a):

Makkah mein rehny waly aur khas tor par qabeela Quraish k afraad Islam ko phelta dekh kar tashweesh mein mubtala hogaye aur inhon ne Dar-ul-Nadwata mein jama ho kar mashwara karna shuru kar diya k Muhammad (alhe saalato wassalaam) k Deen ko (naozubillah) kis tarha khatam kiya ja sakta hey. lekin wo log muzakiraat se koi khas nateeja akhaz na kar sakey.jab Dar-ul-Nadwata ka ijlaas khatam howa to Umar Bin Khitaab ne elaan kiya:

“Me khud hi Muhammad (alhe saalato wassalaam) ko qatal kar k Ahl e Makkah ko is mushkil se nijaat dila don ga.”

Raasty mein Hazrat Naeem r.a Bin Abdullah ne Umar ko taiz taiz qadmon se jaty dekha to pocha: “Aye Umar! Kahan ja rahe ho?”

Umar ne kaha:

“Kisi ne hamary ajdaad ki itni touheen nahi ki jitni Muhammad (alhe saalato wassalaam) ne ki hey. is shakhs ne apney naye Deen ki waja se tamam Ahl e Makkah ka chain o araam haraam kar diya hey. Hamary buzurgon k Deen ko batil qarar deta hey aur kehta hey k hamey apney maboodon ki pursatish chor deni chahiye. mein jar aha hon ta k Muhammad (alhe saalato wassalaam) ka qissa tamam karon.”

Hazrat Naeem(r.a) ne kaha:

“Umar tumhare do qareebi azeez bhi musalmaan hain. In mein se aik tumhari behn Fatima r.a aur dusra is ka sohar Saeed r.a Bin Zaid hain..”

Ye khabar sun kar umar k osaan khata hogaye. Aagy barhny k bajaye apney behnoi k ghar ka rukh kiya.

Jab Umar ghar mein dakhil howy to inhon ne dekha k in ki behn Hazrat Fatima(r.a), in k sohar Hazrat Saeed(r.a) Bin Zaid aur aik dusry musalmaan Hazrat Khabab(r.a) Quran Paak ki tilawat kar rahy hain. Umar gusse mein laal hogaye aur apni behn aur in k khawand ko itna zodo koob kiya k in k jisam se khoon bheny laga. Umar ne apni behn ko hukum diya k Muhammad (alhe saalato wassalaam) ka Deen chor de.

Hazrat Fatima (r.a) ne kaha:

“Agar tum itny kory maaro k meri jaan nikal jaye phir bhi mein Hazrat Muhammad Aleh saalato Wasalam k Deen ko nahi choron gi aur agar tum bhi Quran ki tilawat karo to jaan jao ge k ye Deen saccha aur barhaq hey.”

Umar ne apni behn se kaha mujhe bhi Quran sunao. Umar ki behn ne Surah Taha ki chand ayaten ( Surat Taha Ayat-1 ta 10) sunai.

Hazrat Umar r.a Quran sun kar ghor o fikar mein doob gaye aur kaha:

“Mujhe Muhammad (alhe saalato wassalaam) k paas le chalo mein bhi musalmaan hona chahta hon.”

Hazrat Khabab (r.a) ne kaha:

“Aye Umar ! Khush hojao k Huzoor Aleh saalato Wasalam ki dua tumhare haq mein qabool ho gai hey. Syedena Huzoor Aleh saalato Wasalam ne dua farmai thi:

“Aye Qadir e Matlaq ! Mera kaam koshish karna hey aur kamiyaabi dena aap ka kaam hey. Islam k do bad tareen dushmanon Umar Bin Khitaab ya Umar Bin Hasshaam (Abu Jehal) mein se kisi aik ko noor e emaan ata farmayen, ta k kamzoor musalmanon ko himmat hasil ho.”

Huzoor Aleh saalato Wasalam is waqt Dar-e-Arqam mein apney jaan nisaron k sath tashreef farma the. Dar-e-Arqam k darwazy par dastak howi. Aik sahabi r.a ne jhank kar dekha to Hazrat Umar r.a Bin Khitaab nazar aye. Syedena Huzoor Aleh saalato Wasalam ko ittila di gai. Hazrat Ameer Hamza r.a ne jo teen din qabal emaan laye the, kaha:

“Darwaza khool do agar wok hair ki niyat se aya hey to hum isy khush amdeed kahen gen aur agar bury irady se aya hey to hum isi ki talwaar se isi ka kaam tamam kar den gen.” Hazrat Umar r.a ne Islam qabool kar liya aur khushi mein Sahaba Karaam r.a ne itni zoor se naarah lagaya k iski awaaz Masjid-ul-Haraam tak pohnchi.

Hazrat Ibn-e-Abbas (r.a) farmaty hain:

“Jab Hazrat Umar r.a musalmaan howy to Jibrail Ameen bargah nabowat mein hazir howy aur arz kiya k Hazrat Umar r.a k musalmaan hony par asmaan k sary rehny walon ne bari musarrat ka izhaar kiya hey.”

Hazrat Umar r.a ne musalmanon ki do sifen banai aik mein Hazrat Hamza r.a aur aik mein Hazrat Umar r.a the. Sab log Syedena Huzoor Aleh saalato Wasalam k zeer e saaya Masjid-ul-Haraam ki janib rawana howy. Hazrat Umar r.a aur Hazrat Hamza r.a k sath Peghambar e Islam aur in k sathiyon ko dekha to Quraish mein khuraam mach gaya. Is mouqy par Syedena Huzoor Aleh saalato Wasalam ne Hazrat Umar r.a ko “Farooq” (Haq o batil mein farq karny wala) k laqab se nawaza.

Hazrat Umar r.a is k baad dushmanan e Islam Abu Jehal k ghar tashreef le gaye. Abu Jehal bahir aya aur khush khabri sunny k ishtiyaaq mein kehny laga.

“Khush amdeed, khush amdeed kesy aana howa?”

Hazrat Umar (r.a) ne farmaya:

“Me tumhe batany aya hon k mein Allah Tala aur is k Rasool Hazrat Muhammad Aleh saalato Wasalam par emaan le aya hon. Syedena Huzoor Aleh saalato Wasalam jo kuch laye hain mein is ki tasdeeq karta hon.”

Abu Jehal ki umeedon par pani phir gaya aur darwaza band karty howy bola:

“Allah tera bura kare aur jo kuch tu tey kar aya hey wo bhi bura ho.”

Hazrat Umar r.a ne jab apney Islam qabool karny ki khabar Jameel Bin Maghmar ko di jo kisi baat ka dhandora peetney mein mashhoor tha to is ne chekh chekh kar logon ko batana shuru kar diya. “Logon suno ! Khitaab ka beta Be Deen hogaya hey.”

Hazrat Umar r.a is k peche peche A rahe the. Inhon ne farmaya” “ Ye jhoot bolta hey. mein musalmaan ho gaya hon.”

Log agarchey  Hazrat Umar r.a ki izzat o quowwat, sharf aur zor e bazo se khaif rehty the. Lekin is waqt bohat bari tadaad ne inhen zad o koob karna shuru kar diya. Hazrat Umar r.a bhi logon ko maar rahy the. Yahan tak k suraj sar par aagaya aur Hazrat Umar r.a thak kar beth gaye. Hazrat Umar r.a ne logon se kaha:

“Jo chahe kar lo. Allah ki qasam ! Agar hum log teen so ki tadaad mein hoty to phir Makkah mein tum rehty ya hum rehty.”

Hazrat Umar r.a k khilaaf infaradi tor par koi shakhs kuch karny se ghabrata tha. Wo jaloos ki shakal mein jama howy aur Hazrat Umar r.a k ghar par hamla kar diya ta k inhen jaan se maar den. Is doraan qabeela seham jo Hazrat Umar r.a ka haleef qabeela tha, se talluq rakhney waly Abu Umro Aas Bin Wail Sehmi aagaye. Hazrat Umat r.a ne in se apney qabool Islam aur qoam k dushman hojany ka tazkara kiya. Abu Umro Aas Bin Wail ye sun kar bahir nikly aur logon ki bheer se pocha: “Kiya iradah he?” logon ne kaha: “Khitaab ka beta matloob hey jo Be Deen hogaya hey.”

Abu Umro ne kaha: “Tum log is tak nahi pohnch sakty wo meri panah mein hey.”

Log ye sun kar maiyoos howy aur wapis chaly gaye. 


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.