Topics

Tameer Kaba


Riwayat hey ke Khana Kaba ki tamer panch martaba hoi he:

         Pehli martaba Hazrat Adam(a.s) ne is ki tamer farmai. Riwayat hey ke Huzoor Aleh saalato Wasalam ne farmaya ke Allah tala ne Hazrat Jibrael(a.s) ko Hazrat Adam(a.s) ke paas bheja aur Baitullah ki tameer ka hukum diya. Jab tameer mukammal hoi to hukum hoa ke is ghar ka tawaaf karo.

Riwayat hey ke jab Hazrat Nuh(a.s) ke zamaney main tufaan aya to Baitullah shareef bhi zair-e-aab agaya.

         Hazrat Ibrahim a.s ko Allah Tala ne hukum diya k Bait-ul-Allah dobara tameer Karen. Riwayat hey k Bait-ul-Allah ki nishani bhi baqi nahi rahi thi. Hazrat Jibrail a.s ne Hazrat Ibrahim a.s Khalil ullah aur Hazrat Ismail a.s ki aanat se Khana Kaba ki tameer shoru ki.

         Teesri baar busat Nabwi Aleh saalato Wasalam se paanch saal qabal jab Huzoor Aleh saalato Wasalam ki umar 35 saal howi Quraish ne Khana Kaba ki tameer ki. Is waqt Khana Kaba par chaatt nahi thi. Diwaron ki bulandi ziyada nahi thi. Zamany ki nasheeb-o-faraaz se diwaren boseeda hogai thien. Khana Kaba nasheeb mein hony ki waja se barish ka pani andar bhar jata tha.

Mutafaqqa tor par ye tey paya k:

“Bait-ul-Allah ki tameer mein jo kharch kiya jaye wo kasb-e-halaal ho sirf halaal maal Khana Kaba ki tameer mein kharch kiya jaye.”

Bait-ul-Allah ki tameer ko mukhtalif qabail mein taqseem kar diya gaya.

Darwaza Bano Abad Manaaf aur Bano Zuhra k hissa mein aaya aur Hijr-e-Aswad aur rokun-e-Yamani ka darmiyani hissa Bano Makhdoom aur Quraish k dusrey qabail k hissy mein aaye aur Bait-ul-Allah ki pusht Bano Jamah aur Bani Seham k hissey mein aayi aur Hateem ki tameer Bano Abdul Daar, Bano Asad aur Bano Adi k hissey mein aayi.

Isi duraan Quraish ko khabar mili k aik tijaarti jahaaz, jo tufaan se takra gaya he, Jaddah ki Bandargah par langar andaaz howa hey. Waleed Bin Mughira Jaddah pohncha aur jahaaz k takhtey Bait-ul-Allah ki chaatt k liye khareed liye. Is jahaaz mein Haaqoam naami aik memaar bhi tha. Waleed Bait-ul-Allah shareef ki tameer k liye isy bhi sath le aya. Jab qadeem imarat manhadum karny ka waqt aaya to kisi mein ye himmat nahi thi k Bait-ul-Allah ki diwaaren giraye. Bal akhir Waleed Bin Mughira ne phawara le kar arz kiya:

“Ya Allah! Hum sirf khair aur bhalai ki niyat rakhte hain. Ya Allah ! Aap Daana aur Beena hain. Hamari niyat buri nahi hey aur na hum be adab aur ghustakh hain.”

Ye keh kar Waleed Bin Mughira ne rukun yamani ki taraf se Bait-ul-Allah ki diwaar giraana shuru ki. Ahl-e-Makkah ne muttafiq ho kar kaha k intizaar Karen k Waleed par koi asmaani aafat to nazil nahi howi. Agar subah tak Waleed par koi aafat nazil howi to hum Bait-ul-Allah ko is ki mujoodah halat mein barqarar rakhen gen aur agar aisa na howa to hum Waleed ki madad Karen gen.

Agley rooz subah Waleed Bin Mughira dubara Haram mein dakhil howa aur logon ne samajh liya k Allah Tala raazi hain aur sab mil kar dil o jaan se Khana Kaba ki tameer mein shareek ho gaye. Itni khudai ki k Hazrat Ibrahim a.s ki banai howi buniyaaden zahir hogayen.

Aik Quraishi ne buniyaad par jab phawara chalaya to daftan aik dhamaka howa jis ki waja se khudai rook di gai aur jo buniyaaden zahir howen thien in par tameer shuru kar di.


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.