Topics

Baab 2 Asmaani basharaten


Tourat:

“Tery khuda tery liye tery hi darmiyaan se tery hi bhaiyon mein se mery manind aik nabi paida kare gat um is ki sunna.” (Astasna-baab 16-19:19)

“Khuda wand seena aaya. Aur shaeer se in par aashkaar howa. Wo koh-e-faraan se jalwa gar howa. Aur lakhon gudsiyon mein se aaya.” (Astasna baab 2:33)

Zuboor:

“Aur wohi sadaqat se jahan ki tareef kary ga wo raasti se qoamon ka insaaf kary ga.” (Zuboor baab 8:9)

“Tu bani Adam mein sab se haseen hey tery honton mein latafat bhari hey is liye khuda ne tujhe hamesha k liye mubarrak kaha aye zabardast (buzurg) tu apni talwaar ko jo teri hashmat o shoukat hey apni kamar se hamail kar aur sacchai aur halam o sadaqat ki khatir apni shaan o shoukat mein iqbal mandi se sawaar howa aur tera dahana hath tujhe muheeb kaam dikhaye ga tery teer taiz hain wo badshah k dushman k dil mein lagy hain ummaten tery samny zair howi hain.”

(Zuboor baab 2-5:45)

“Miskeen apney aap ko tery supurd karta hey. Yateem ka tu madad gaar hey.” (Zuboor baab 14-15:10)

Injeel:

“Jab wo saccahi ki rooh aaye ga to tum ko tamam sacchai ki raah dikhaye ga is liye wo apni taraf se na kahy ga lekin jo kuch suny ga wohi kahy ga aur tumhe ainda ki khabren de ga.” (Ineel yuhanna baab 13-14:16)

“Tamam anbiya siwaye is rasool k aa chuky hain jo mery baad aaye ga q k Allah asamar ka irada rakhta hey k mein is ka raasta saaf karon.” (Injeel barna baas baab 5-6:36)

“Be shak wo Muhammad(Rasool Allah) hey jab wo duniya mein aaye ga is asli rehmat k waseely se jis ko wo laye ga insaanon k darmiyaan naik amaal ka zariya bany ga.” (Injeel barna baas baab 6:163)

“Magar meri tasalli is rasool k aany mein hey jo mery barey mein har jhooty khayal ko maho kar de ga aur is ka deen pheely ga aur tamam duniya mein aam ho jaye ga.” (Injeel barna baas baab 3:97)

Quran Majeed:

“Aur yaad karo Ibrahim a.s aur Ismail a.s Bait ullah ki bunyadon ko buland kar rahe the tab wo Allah Tala se dua kar rahy the k Ay Sami o Aleem! Is imarat ko qabool farmaiye aur ay hamary rab! Hum dono ko apna farmabardaar rakhiye aur hamari raiyat ko bhi farmabardaar banaiye aur aye hamary rab ur raheem! Hum ko jumla adaab seekhaiye aur hamari farmabardaar raiyat mein se aik azeem ul shaan rasool maboos farmaiye jo parhe in par aap ki ayaten aur seekhaye in ko kitaab aur hikmat ki baaten aur in ko sanwarey, aap hi hain asal zabardast hikmat waly.”

   (Surah Al-Bakra-Ayat 127-129)

“ Esa Bin Maryum ne kaha, ay Bani Israil! mein tumhari taraf Allah Tala ka rasool hon, mein touret ki jo mujh se phele aayi hey tasdeeq karta hon aur mein is rasool kit um ko basharat deta hon jo mery baad aaye ga is ka naam “Ahmed” hoga.” ( Surah Al-Saf-Ayat 6)

“Aur phir kiya haal hoga is din jab k hum har aik ummat mein se in par aik gawah talab Karen gen aur hum tum ko in sab par gawah banayen gen. to jin logon ne kufr ki raah ikhtiyaar ki aur rasool ki nafarmani ki wo is din ye passand Karen gen kaash wo ( dhans jayen aur) zameen in k barabar ho jaye. Aur is din ye Allah Tala se koi baat bhi poshida nahi rakh saken gen.”

    ( Surah Al-Nisa-Ayat-41-42)

“Aur jab Allah Tala ne peghambaron se ehad liya k mein tum ko jo kitaab aur hikmat ata karon aur phir tumhary paas wo peghambar aaye jo in kitabon ki tasdeeq karta ho jo tumhary paas hain, tum zaror is par emaan lana aur is ki madad karna. (phir) Allah Tala ne farmaya kiya tum is ehad ka iqrar karty ho aur isy mera ehem ehad samajh kar qabool karty ho? To inhon ne kaha be shak hum iqrar karty hain, Allah Tala ne farmaya ab tum is ehad par gawah raho aur mein bhi tumhare sath gawah banta hon.” ( Surah Al-Imraan-Ayat-81)

“(Pas aaj ye rehmat in logon ko hissa he) jo is peghambar Nabi Ummi ( Aleh Slato Wasalam ) ki pairwi ikhtiyaar karen, jis ka zikar Touret aur Injeel mein likha howa hey.” Pas emaan laao Allah Tala par aur is k bheje howy Nabi Ummi ( Aleh Slato Wasalam ) par jo Allah Tala aur is k irshadad ko manta hey aur pairwi ikhtiyaar karo is ki umeed hey k tum raah-e-raast pa lo ge. ( Surat Al-Aaraaf-Ayat-157-158)

“Muhammad Allah Tala k rasool hain aur jo log (Sahaba) in k sath hain. Wo munkiron par sakht hain aur apas mein naram khu hain. Tum jab dekho ge inhen (Allah Tala k samney) jhukney waley, sajda karny waley aur is tareeqe se Allah Tala k fazal aur is ki raaza k khuaish mand hain. In ki nishani ye hey k in k chehron (peshaniyon) par sajdon k nishaan hain. Touret aur Injeel mein in ka zikar isi tarha hey.” ( Surat Al-Fatah-Ayat-29)

Syedna Huzoor Aleh Slato Wasalam ki nabowat aur risalat ki aik numayan khususiyat ye hey k Nabi Kareem Aleh Slato Wasalam saari duniya k liye Islam laye.

“(Ay Muhammad s.a.w) hum ne aap ko tamam insanon k liye basharat pohnchany wala, dar sunany wala bana kar duniya mein rasool banaya hey.” ( Surat Al- Ayat-28)  

“Allah wo hey jis ne apney rasool ko roshan dalail aur sacche deen k sath behja.” ( Surat Al-Saaf-Ayat-9) 


BARAN E REHMAT


“Baraan-e-Rehmat” uloom ka khazeena he. Ganj giran maya he. Aksar kitabon ko parhty howy insaan boriyat mehsos karta he. Do chaar safhaat parh kar us ki tashnagi bujh jati he. Jab k azeemi sahib ki seerat ki ye kitaab parhty howy insaan tashnagi mehsos karta he. Wo chahta he k isy mazeed parhay q k har line dusri line aur har safah dusry safah se marboot he. Maloomat se pur ye kitaab qari kin a to nazar idhar udhar hony deti he aur na hi khayal aur ye hi kisi kitaab ki khobi hoti he k wo qari k dil me utar jaye aur wo isy mazeed se mazeed parhney me laga rahe.