Topics
یہ مرض جو دماغ کے
ریشوں میں پانی بھر جانے سے لا حق ہوتا ہے۔ اس کے لئے دوا اور دُعا یہ ہے۔
دکھنی مرچ ایک
چھٹانک اور چینی ایک چھٹانک ۔ دونوں کو صاف ہاون دستہ میں باریک
سفوف کرلیا جائے ۔ چھ (6)ماشہ روزانہ سوتے وقت تازہ پانی کے ساتھ کم از کم بیس روز
استعمال کریں اور ساتھ ساتھ ” اَلْرَّضَاعَتْ
عَمَا نَوِیْلْ" سفید چینی کی تین
پلیٹوں پر لکھ کر صبح شام اور رات کو ایک ایک پلیٹ پانی سے دھو کر پئیں ۔پلیٹ لکھنے کا طریقہ یہ ہے:۔ پاک صاف سفید چینی یا بلور کی تین
پلیٹیں سامنے رکھ کر (11)گیارہ مرتبہ یَاحَفِیظُ پڑھ کر تینوں
پلیٹوں پر دم کریں۔ پھر گیارہ (11)مرتبہ یا شافی پڑھ کر تینوں پلیٹوں پر دم کریں،
تیسری بار یَا کَافِیُ پڑھ کر پلیٹوں پر دم کریں ۔ اور زعفران کو عرقِ گلاب
میں حل کر کے یا زردہ کا رنگ عرق ِ گلاب
میں گھو ل کر اس روشنائی سے پلیٹوں
کے اوپر مندرجہ بالا عبارت لکھی جائے۔
خواجہ شمس الدین عظیمی
شک اوربے یقینی کے طوفان سے پیدا ہونے والی تقریباً دو سو بیما ریوں اور مسائل کو یکجا کر کے اس کتاب میں ان کا حل شائع کیا جا رہا ہے۔
کتاب " روحانی علاج" میں جتنے بھی امراض کے علاج اور
مسائل کا حل پیش کیا گیا ہے، وہ سب مجھے سلسلہ اویسیہ
،قلندریہ، عظیمیہ سے منتقل ہوئے ہیں اور اس فقیر نے ان سب عملیات
کی زکوٰ ۃ ادا کی ہے۔
میں اللہ کی مخلوقات کیلئے اس روحانی فیض کو عام کرتا ہوں اور سیدنا
حُضور علیہ الصّلوٰ ۃ والسلام کے وسیلے سے
دست با دُعا ہوں کے اللہ تعاالیٰ میری اس کوشش کو شرف ِ قبولیت بخشیں اور اپنے بندوں
کو صحت عطا فرمائیں ۔مشکلات و مصائب اور پریشانیوں سے محفوظ رکھیں۔
آمین ثم آمین۔
