Topics

Roshni Aur Rang Se Ilaaj Ka Tareeqa

Rang ya roshni se amraaz ka ilaaj es qader aasaan hai ke mamooli soojh boojh ka aadmi bhi es se faida utha sakta hai. es ilaaj mein waqt bhi kam surf hota hai, kharch bhi kuch nahi hota aur dawayein hamesha taaza istemaal ki ja sakti hain.


Tareeqa awwal : Jis rang ki zaroorat ho us rang ki aik bottle bazaar se khareed kar pehlay usay thanday pani se aur phr garam pani se achi terhan saaf kar lena chahiye. Taakay bottle ke andar ki satah mein kisi qisam ka mail baqi nah rahay. Agar bottle ke oopar koi label ya kaghaz waghera se laga hua esey bhi door kar dena chahiye. Sheeshi ko saaf karne ke baad es mein aab e muqattar ( distilled water ) es terhan bherna chahiye ke bottle ya sheeshi ka aik chothai oopri hissa khaali rahay. es bhari hui bottle ya sheeshi ko lakri ki maiz ya chocky par aisi jagah rakhna chahiye jahan saaf aur khuli hui dhoop ho. Agar bazaar mein matlooba rang ki bottle ya sheeshi faraham nah hosakay to saaf pakke sheeshay ki safaid bottle khareed kar es par transparent kaghaz  esterhan chipka diya jaye ke bottle oopar, neechay aur atraaf mein kaghaz ke andar aajay. Transparent se morad who kaghaz hai jo agar batyon waghera ke packet par khoubsurti ke liye lagaya jata hai. Agra aysa kaghaz dastyab nah ho tu transparent plastic sheet se bhi kaam liya ja sakta hai.


1. Aik chothai khaali bottle chore kar pani ko bottle mein dhoop mein char ya chay ghanta taq rakha jaye. Pani tayyar karnay ka behtareen waqt din mein das gayarah bujey se chaar bujey taq hai. Pani tayar hone ki shanakht yeh hai ke bottle ke khaali hissa par bhaap ki terhan kuch bondein jama ho jati  hain.


2. Aik sheeshi ko doosri sheeshi ke qareeb es terhan nah rakhen ke aik sheeshi ka saya doosri sheeshi per parey.


3. Jis maqam par sheeshiyan rakhi jayen wahan kisi qisam ka gird o ghubar ya dhuwan nahi rehna chahiye. Sheeshiyon ke oopar kaark mazbooti se laga rehna chahiye.


Dosra tareeqa : Barsaat ke dinon mein jab ke sooraj kabhi nikalta hai aur kabhi abar mein rehta hai yeh tareeqa ikhtiyar kya jaye ke jis rang ki zaroorat ho usi rang ki bottle mein sugar of milk ki do green ki tikiyan hasbe qaida bhar kar mutawatar pandrah yom ya aik mah taq rozana chay ghanta dhoop mein rakhi jayen. Darmiyan mein har chouthay rauz un ko hilaate rahen taakay golion mein sooraj ki kiranen khoob achi terhan jazb ho jaien. Pandrah roz ke bad en golion ko batuar dawa kya ja sakta hai.


Teesra tareeqa : Kamray ke es rukh par jidhar se dhoop aati ho, mukhtalif khirkion mein mukhtalif rang ke sheeshay lagva diye jayen aur un par parda khech dein mareez ko es kamray mein aaraam da bistar par lita kar tamam darwazay aur khirkiyan band kar ke a kamray mein andhera kar liya jaye. Ab mareez ko jis rang ki zaroorat hai es rang ke sheesha wali khirki se parda hata diya jaye taakay sooraj ki roshni es makhsoos rang ke sheeshay se guzar kar andar aaye. es terhan kamray mein sirf wohi roshni baqi rahay gi jis ki mareez ko zaroorat hai. Misaal ke tour par aik bukhaar ke mareez ko aisay kamray mein lita kar neelay sheeshay wali khirki ke parday hata dein aur mareez ko es rang ki roshni mein do teen ghanta taq rehne den. Har nisf ghantay ke waqfay se tharma meter ki madad se es mareez ka darja hararat dekhte rahen to aap ko maloom hoga aahista aahista mareez ka bukhaar kam ho kar bilkul.


Choutha tareeqa : Raat ke waqt es ilaaj katriqh yeh hoga. Aik table lamp stand par es terhan foot kya jaye ke bulb ki roshni mareez ke palang par es jagah parre jis jagah roshni ki zaroorat hai. Matlooba rang ka bulb le ker roshni kar dein aur mareez ko es roshni mein lita dein.


Panchawan tareeqa : Daidh foot ka aik box banwa liya jaye jis mein charon taraf se es terhan ke khanaay banaye jayen ke un mein hasbe mansha jis rang ka chahain sheesha laga dein. Box ki zameen lakri ki honi chahiye. Albata chhat par agar koi aisi dhaat lagai jaye jis ka reflection parta ho tu ziyada munasib hai. es laltain numa box ke andar bulb laga dein ya taiz roshni ka chiragh jaladein. Ab teen taraf ke khanaay band kar ke chouthay khanaay mein isi rang ka sheesha lagaa kar jis rang ki zaroorat ho voh roshni haasil karein.


Chhata tareeqa : Tail bananay ka tareeqa yeh hai ke mukhtalif rangon ki bottlon mein kachchi ghaani ka khalis alsi ka tail bhar kar chaleesyom taq dhoop mein rakhen. Agar es arsa mein barish aajay ya baadal chhaa jayen to yeh din shumaar karlen aur chaleesrozke baad itnay roz mazeed dhoop mein rakh kar course poora kar lein. Tail tayar ho janey ke baad es ki maalish karai jaye. Maalish subah  o sham paanch paanch minute daiyron mein karni chahiye.


Sir mein maalish karne ke liye aasmani rang ki bottle mein tilon ki tail tayyar kiya jaye. Yeh tail aisay mareezon ke liye mufeed hota hai jin ke dimagh ko garmi charh gayi ho. Mareez kabhi hosh mein aur kabhi be hosh ho jata ho aur be hoshi ki haalat mein be sir o pa batein bakta ho darta ho aur kehta ho ke mujhe aik saya nazar aata hai, ya awaaz aati hai ke chalo mere sath chalo, gharz yeh ke dimagh garmi ki wajah se be qaboo ho gaya. es tail ko ser min jazb karanay se chand minute mein hosh o hawas durust ho jatay hain.


Neellii bottle mein tayyar kya howa tilon ka tail un logon ke liye intahyee darja faidamand hai jo dimaghi kaam karte hain ya ziyada kaam karne se dimaghi kamzoree paida ho gayee ho ya yad dasht kam hogayi hon, ser mein dard, ganj aur khujli ki zayaddti se jo takleef ho es ke liye neelay rang ki bottle ka tail nihayat faida mand hai. Jin talba ko mazameen yaad nah rehtay hon aur danishwaron ko masail ke suljhanay mein diqat paish aati ho un ke liye yeh tail qudrat ka anmol atiyah saabit huwa hai. es ke subah o sham istemaal se daraonay khawab aana band ho jatay hain. Dimagh mein nazla agar jum gaya ho aur es ki wajah se sir mein bhaari pan ho to es tail ke istemaal se balgham raqeeq hokar naak se kharij ho jata hai. Benayee ke liye qowat bakhash hai. Yeh bhi dekha gaya hai ke es ke musalsal istemaal se “motiyan band ka pani utarna band ho gaya hai.


Surkh rang ki bottle mein tayyar kya hoa tail aisay mareezon ko filfoor shifa bakhshta hai jin ko sardi ki wajah se badan ke kisi hissa mein dard rehne laga ho.


Baingni aur naranji rang ki bottle mein tayar kiye hue tail ne aatishak ke zakhamo par jaadoo ka asar dikhlaya hai. Jo mareez raat ko zakhamo mein takleef se cheekhte aur chilaatey they aik martaba ke tail laganay se un ko raahat hui hai.


Satwaan Tareeqa : Sheeshay ke rangeen jar mein. Distilled water ampule kar aik mah taq rozana gayarah bujey se chaar bujey taq dhoop mein rakhen aur jis rang ki zaroorat ho us rang ka aik ya do “cc”' injection lagwayin. Sirf aik anjkshn se marz ka qala qama hotay dekha gaya hai. Agar zaroorat parre to aik anjkshn ka waqfa dosray anjkshn se kam azkam aik hafta zaroor hona chahiye. Kamar mein beessaal ka purana dard surkh rang mein tayyar kiye hue sirf aik anjkshn se naist vnabod hotay dekha gaya hai.


Note           : Injekshan ka ilaaj kisi hooshiyar aur mustanad mualij ke mahswara ke bagheir na kya jaye.


Athwan Tareeqa : Aankhon ki bemari, aankhon ki dukhan aur in aankhon ke liye jo operation ke baad kharab hogayi hon halkay aasmani rang ke sheeshay ki aeinak lagana behtareen nataij ka haamil hai.


Note : Aasmani rang glass ki aeinak din mein subah 9 ya 10 baje se shaam 4 ya 5 baje taq lagany chahiye. Ziyada behter yeh hai ke 2 ya 3 ghantay ka waqfa guzarnay par aeinak utar di jaye aur pandrah beesminute ke baddobarh lagai jaye.

Topics

Rang O Roshani Se Ellaj View

Rang O Roshani Se Ellaj

KHWAJA SHAMS-UD-DEEN AZEEMI

Bismillah e Rahmana er raheem

اَﷲُ نُورُالسَّمٰوٰتِ وَالْاَرْضِ

Allah o Noor us samawat o wal arz



ALLA ROSHANI HAI

Aasmano aur Zameen ki
وَمَاذَرَالَکُم فِی الْاَرْضِ مُخْتَلِفًا اَلْوَانُه اِنَّ فِیْ ذٰلِکَ لَآيةً لِقَومٍ يَّذَّکَّرُوْن

Aur Yeh Jo Bohat si Rang Birang ki Cheezein esney tumharey liye zameen mein paida kar rakhee hain, en mein nishani hai un logon ke liye jo samajh boojh se kaam lete hain-