Topics
شیخ ابوالخیر اقطعؒ فرماتے ہیں کہ ایک مرتبہ میں مدینہ طیبہ حاضر ہوا اور پانچ دن ایسے گزر گئے کہ کھانے کو کچھ نہ ملا۔ کوئی چیز چکھنے کی نوبت نہ آئی۔ قبر اطہر پر حاضر ہوا اور حضور اقدسﷺ اور حضرات شیخین پر سلام عرض کر کے عرض کیا، یا رسول اللہﷺ میں آج رات کو حضورﷺ کا مہمان بنوں گا یہ عرض کر کے منبر شریف کے پیچھے جا کر سو گیا۔ میں نے خواب میں دیکھا حضورﷺ تشریف فرما ہیں۔ دائیں جانب حضرت ابو بکر صدیقؓ، بائیں جانب حضرت عمر فاروقؓ ہیں اور حضرت علیؓ سامنے ہیں۔
حضرت علیؓ نے مجھ کو بلا کر فرمایا دیکھ حضور اقدسﷺ تشریف لائے ہیں۔ میں اٹھا تو آپﷺ نے مجھے ایک روٹی مرحمت فرمائی۔ میں نے آدھی کھا لی اور جب میری آنکھ کھلی تو آدھی روٹی میرے ہاتھ میں تھی۔
خواجہ شمس الدین عظیمی
چار ابواب پر مشتمل اس کتاب کے باب اول میں تمام مقدس مقامات کا تعارف پیش کیا گیا ہے ۔ باب دوئم میں حج وعمرہ کا طریقہ اورباب سوئم میں اراکین حج وعمرہ کی حکمت بیان کی گئی ہے۔جب کہ باب چہارم میں چودہ سوسال میں گزرے ہوئے اورموجودہ صدی میں موجود ایسے مردوخواتین بزرگوں کے مشاہدات وکیفیات جمع کئے گئے ہیں جن کو دوران حج وعمرہ حضورعلیہ الصلوۃ والسلام کا فیض حاصل ہوا ہے اورجن خواتین وحضرات کو خالق اکبر ، اللہ وحدہ لاشریک کا صفاتی دیدارنصیب ہوا۔
