Topics
ہم جب زندگی میں کام کر نے والے جذبات کا تجز یہ کر تے ہیں تو ہمیں یہ نظر آتا ہے کہ حا لات و واقعات کے ساتھ ساتھ جذبات میں تبد یلی رو نما ہو تی ہے ۔گردوپیش میں اگر خوف و ہراس کی فضا ء پیدا کر دی جا ئے تو لوگ خوف زدہ زندگی گزارتے ہیں ۔ اس کے بر عکس اگر گردوپیش میں شجا عت اور بہا ادری کی فضا ء قائم ہو تو لوگ بیمار نہیں ہو تے ۔اسی طر ح اگر گردو پیش میں تساہل ،کسل مندی اور لا پر وائی کے عوامل کا ر فر ما ہوں تو اس ماحول میں رہنے والے اکثر لوگ کا ہل اور تساہل پسند ہو تے ہیں۔ لیکن اگر ماحول میں سے کسل مندی اورتساہل دورکر دیا جا ئے تو لوگ با عمل ہو جا تے ہیں اور قوت ارادی سے کام لے کر بڑے بڑے کار نا مے انجام دیتے ہیں ۔
خواجہ شمس الدین عظیمی
اس کتاب کے پیش لفظ میں حضرت عظیمی صاحب تحریر فرماتے ہیں ’’کائنات کیا ہے، ایک نقطہ ہے، نقطہ نور ہے اور نور روشنی ہے۔ ہر نقطہ تجلی کا عکس ہے۔ یہ عکس جب نور اور روشنی میں منتقل ہوتا ہے تو جسم مثالی بن جاتا ہے۔ جسم مثالی کامظاہرہ گوشت پوست کا جسم ہے۔ہڈیوں کے پنجرے پر قائم عمارت گوشت اور پٹھوں پر کھڑی ہے۔ کھال اس عمارت کے اوپر پلاسٹر اور رنگ و روغن ہے۔وریدوں، شریانوں، اعصاب، ہڈیوں، گوشت اور پوست سے مرکب آدم زاد کی زندگی حواس کے علاوہ کچھ نہیں ہے۔
حواس کی تعداد پانچ بتائی جاتی ہے جبکہ ایک انسان کے اندر ساڑھے گیارہ ہزار حواس کام کرتے ہیں۔میں نے چونسٹھ سال میں تیئس ہزار تین سو ساٹھ سورج دیکھے ہیں۔تیئس ہزار سے زیادہ سورج میری زندگی میں ماضی ، حال اور مستقبل کی تعمیر کرتے رہے ۔ میں چونسٹھ سال کا آدمی دراصل بچپن ، جوانی اور بوڑھاپے کا بہروپ ہوں۔ روپ بہروپ کی یہ داستان المناک بھی ہے اور مسرت آگیں بھی۔ میں اس المناک اور مسرت آگیں کرداروں کو گھاٹ گھاٹ پانی پی کر کاسۂ گدائی میں جمع کرتا رہا اور اب جب کہ کاسۂ گدائی لبریز ہوگیا ہے۔ میں آپ کی خدمت میں روپ بہروپ کی یہ کہانی پیش کررہا ہوں‘‘۔۲۸۳ عنوانات کے تحت آپ نے اس کتاب میں اپنی کیفیات کوبیان فرمایاہے۔
